ಸಾಯಂಕಾಲದ ತಿಂಡಿಗೆ ಆಲೂರೊಟ್ಟಿ

Snacks

oi-Reena

By Hema S

Published: Friday, October 21, 2011, 17:06 [IST]

ಆಲೂರೊಟ್ಟಿಯನ್ನು ಸಾಯಂಕಾಲದ ತಿಂಡಿಗೆ ತಿನ್ನಲು ಬಹಳ ರುಚಿಕರವಾಗಿರುತ್ತದೆ. ಮಕ್ಕಳು ಕೂಡ ಶಾಲೆಯಿಂದ ಬಂದ ತಕ್ಷಣ ಇಂತಹ ತಿಂಡಿ ಮಾಡಿದರೆ ಬಹಳ ಇಷ್ಟಪಟ್ಟು ತಿನ್ನುತ್ತಾರೆ. ಎಲ್ಲರು ಇಷ್ಟಪಟ್ಟು ತಿನ್ನುವ ಈ ತಿಂಡಿಯನ್ನು ಮಾಡುವ ವಿಧಾನ ಕೂಡ ಕಷ್ಟವಿಲ್ಲ.

ಆಲೂರೊಟ್ಟಿ ಮಾಡಲು ಬೇಕಾಗುವ ಸಾಮಗ್ರಿಗಳು:

2 ಕಪ್ ಗೋಧಿ ಹಿಟ್ಟು, ತುಪ್ಪ, ನೀರು(ರೊಟ್ಟಿಯನ್ನು ಮಾಡಲು)
2-3 ಬೇಯಿಸಿದ ಆಲೂಗೆಡ್ಡೆ
ಕತ್ತರಿಸಿದ ಈರುಳ್ಳಿ
ಕತ್ತರಿಸಿದ ಕ್ಯಾರೆಟ್
ಕತ್ತರಿಸಿದ ದುಂಡು ಮೆಣಸು
ಹಸಿ ಮೆಣಸು
ಬಟಾಣಿ
ಉಪ್ಪು
ಅರಿಶಿನ ಪುಡಿ
ಮೆಣಸಿನ ಪುಡಿ
ಚಾಟ್ ಮಸಾಲ
ಜೀರಿಗೆ
ಕರಿಬೇವು

ಮಾಡುವ ವಿಧಾನ:

1. ಹಿಟ್ಟನ್ನು ನೀರಿನಲ್ಲಿ ರೊಟ್ಟಿಗೆ ಕಲಿಸಿಡಿ.

2. ಎಣ್ಣೆಯನ್ನು ಬಾಣಲೆಗೆ ಹಾಕಿ ಅದಕ್ಕೆ ಜೀರಿಗೆ ಮತ್ತು ಕರಿಬೇವು ಹಾಕಿ ಕತ್ತರಿಸಿದ ತರಕಾರಿ ಮತ್ತು ಬೇಸಾಯಿಸಿದ ಬಟಾಣಿ ಹಾಕಿ ತರಕಾರಿ ಮೃದುವಾಗುವರೆಗೂ ಹುರಿಯಿರಿ.

3. ನಂತರ ಅದಕ್ಕೆ ಅರಿಶಿನ, ಮೆಣಸಿನ ಪುಡಿ, ಮತ್ತು ಚಾಟ್ ಮಸಾಲವನ್ನು ಹಾಕಿ ಮಿಕ್ಸ್ ಮಾಡಿ.

4.ನಂತರ ಕಿವುಚಿದ ಆಲೂಗೆಡ್ಡೆಯನ್ನು ಮಸಾಲೆಯೊಂದಿಗೆ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

5. 2-3 ನಿಮಿಷ ಕಾಲ ಮಿಶ್ರ ಮಾಡಿ ನಂತರ ಬೇಯಲು ಹಿಡಿ.

6. ಈಗ ಹಿಟ್ಟಿನಿಂದ ರೊಟ್ಟಿ ಮಾಡಿ ಅದನ್ನು ತುಪ್ಪ ಹಾಕಿ ಬಿಸಿ ಮಾಡಿ.

7. ನಂತರ ಬಿಸಿಯಾದ ರೊಟ್ಟಿಯ ಮಧ್ಯೆ ಆಲೂ ಮಿಶ್ರಣ ಹಾಕಿ ಸುತ್ತಿದರೆ ಬಾಯಲ್ಲಿ ನೀರೂರಿಸುವ ಆಲೂರೊಟ್ಟಿ ತಿನ್ನಲು ರೆಡಿ.