ದಸರೆ ಸ್ಪೆಷಲ್; ಬಿಸಿಬಿಸಿ ಬೋಂಡಾ

ಈಗ ಎಲ್ಲೆಲ್ಲೂ ಮೈಸೂರು ದಸರಾ ಸಂಭ್ರಮ. ಮೈಸೂರು ಅಡುಗೆಗಳನ್ನು ನಾಲಿಗೆ ಬಯಸುತ್ತದೆ. ಅದನ್ನು ತಣಿಸಲೆಂದೆ ಮೈಸೂರಿನಿಂದ ಸುನಂದಾ ಅವರು ಮೈಸೂರು ಬೋಂಡಾವನ್ನು ರವಾನಿಸಿದ್ದಾರೆ. ತಯಾರಿಸುವುದು ಅಷ್ಟು ಕಷ್ಟ ಅಲ್ಲ. ಕರಿದ ಪದಾರ್ಥ, ಎಣ್ಣೆ ಪದಾರ್ಥ ಎಂದು ದೂರದೆ ಒಂದೆರಡು ಮೈಸೂರು ಬೋಂಡಾಗಳನ್ನು ಮನಸಾರೆ ಸವಿಯಿರಿ!

ಬೇಕಾಗುವ ಪದಾರ್ಥಗಳು
ಮೈದಾ: 1 ಕಪ್ಪು
ಹುಳಿ ಮಜ್ಜಿಗೆ: 1 ಕಪ್ಪು
ಸಣ್ಣಗೆ ಹೆಚ್ಚಿಕೊಂಡ ಈರುಳ್ಳಿ: 1
ಸಣ್ಣಗೆ ಹೆಚ್ಚಿಕೊಂಡ ಹಸಿ ಮೆಣಸಿನಕಾಯಿ: 2
ಹೆಚ್ಚಿಕೊಂಡ ಕೊತ್ತಂಬರಿ: ½ ಹಿಡಿ
ಉಪ್ಪು: ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ
ಮೇಲಿನ ಎಲ್ಲ ವಸ್ತುಗಳನ್ನು ಅಗಲವಾದ ಪಾತ್ರೆಗೆ ಹಾಕಿ ಚೆನ್ನಾಗಿ ನಾದಿಕೊಂಡು ಬೋಂಡಾ ಹಿಟ್ಟನ್ನು ತಯಾರಿಸಿಕೊಳ್ಳಿ. ಉದ್ದನೆಯ ಸೌಟಿನಲ್ಲಿ ನಾದಿದ ಹಿಟ್ಟನ್ನು ತೆಗೆದುಕೊಂಡು ಬಿಸಿಯಾದ ಎಣ್ಣೆಗೆ ಬಿಡಿ (ಒದ್ದೆ ಮಾಡಿಕೊಂಡು ಬರಿಗೈನಿಂದಲೂ ಬೋಂಡಾ ಹಿಟ್ಟನ್ನ್ನು ಎಣ್ಣೆಗೆ ಬಿಡಬಹುದು. ಆದರೆ ಎಚ್ಚರಿಕೆ ಅಗತ್ಯ). ತೇವವಿಲ್ಲದ ಮಗಚುವ ಕೈ ಹಾಗೂ ಸೌಟಿನಿಂದ ಹಿಟ್ಟನ್ನು ಚೆನ್ನಾಗಿ ಕರಿಯಿರಿ. ಹೊಂಬಣ್ಣಕ್ಕೆ ತಿರುಗುವವರೆಗೂ ಕರಿಯಿರಿ. ನಂತರ ಮಗಚುವ ಕೈನಿಂದ ಕರಿದ ಬೋಂಡಾವನ್ನು ಎಣ್ಣೆಯಿಂದ ಹೊರತೆಗೆಯಿರಿ.ಬಿಸಿಬಿಸಿಯಾದ ಮೈಸೂರು ಬೋಂಡಾಗಳನ್ನು ಚಟ್ನಿಯೊಂದಿಗೆ ಅಥವಾ ಕಾಫಿ/ಟೀಗಳೊಂದಿಗೆ ಬಡಿಸಿ.