ಚಕ ಚಕ ಮಾಡಬಹುದು ಈ ಚೈನೀಸ್ ಬೇಲ್

Snacks

oi-Sumalatha

By Sumalatha

Published: Saturday, September 24, 2011, 16:40 [IST]

ಚೈನೀಸ್ ಬೇಲ್ ತುಂಬಾ ಸ್ಪೈಸಿ. ನೂಡಲ್ಸ್ ಉಪಯೋಗಿಸಿ ತಯಾರಿಸುವ ಈ ಬೇಲ್ ಮಾಡೋದಕ್ಕೂ ಅಷ್ಟೇ ಸುಲಭ. ರಜಾ ದಿನ ಚೈನೀಸ್ ಬೇಲ್ ಮಾಡಿದರೆ ಮನೆ ಮಂದಿಯೆಲ್ಲ ಇದರ ರುಚಿ ಸವಿಯಬಹುದು.

ಚೈನೀಸ್ ಬೇಲ್ ಗೆ ಏನು ಬೇಕು?
* ನೂಡಲ್ಸ್
* ಕತ್ತರಿಸಿದ ಈರುಳ್ಳಿ, ಸೌತೆಕಾಯಿ, ಕ್ಯಾಪ್ಸಿಕಂ, ಕ್ಯಾರೆಟ್
* ಟೊಮೆಟೊ
* ಟೊಮೆಟೊ ಸಾಸ್
* ಮೈದಾ
* ಕಾರ್ನ್ ಫ್ಲೋರ್ (ಜೋಳದ ಹಿಟ್ಟು)
* ಮೆಣಸಿನ ಪುಡಿ, ಉಪ್ಪು
* ಕೊತ್ತಂಬರಿ

ಚೈನೀಸ್ ಬೇಲ್ ಮಾಡೋದು ಹೇಗೆ?
1. ಮೊದಲು ನೂಡಲ್ಸ್ ಬೇಯಿಸಿ ತಣ್ಣಗಿನ ನೀರಿನಿಂದ ತೊಳೆದು ಹರಡಬೇಕು. ನೂಡಲ್ಸ್ ಅಂಟಬಾರದೆಂದರೆ ಬೇಯಿಸುವಾಗ ಸ್ವಲ್ಪ ಉಪ್ಪು ಮತ್ತು ಎಣ್ಣೆ ಹಾಕಬೇಕು.
2. ನೂಡಲ್ಸ್ ಮೇಲೆ ಎಣ್ಣೆ ಹಾಕಿ ಅದರ ಮೇಲೆ ಮೈದಾ ಮತ್ತು ಕಾರ್ನ್ ಫ್ಲೋರ್ ಹಿಟ್ಟನ್ನು ಉದುರಿಸಬೇಕು.
3. ಈಗ ನೂಡಲ್ಸ್ ಅನ್ನು ಎಣ್ಣೆಯಲ್ಲಿ ಹುರಿದುಕೊಳ್ಳಬೇಕು.
4. ನಂತರ ಬಾಣಲೆಗೆ ಎಣ್ಣೆ ಹಾಕಿ ಅದರಲ್ಲಿ ಕತ್ತರಿಸಿಟ್ಟುಕೊಂಡಿದ್ದ ಈರುಳ್ಳಿ, ಟೊಮೆಟೊ, ಸೌತೆಕಾಯಿ, ಕ್ಯಾಪ್ಸಿಕಂ, ಕ್ಯಾರೆಟ್ ಹಾಕಿ 5-7 ನಿಮಿಷ ಹುರಿದುಕೊಳ್ಳಬೇಕು.
5. ಈ ತರಕಾರಿಯ ಮಿಶ್ರಣಕ್ಕೆ ತಕ್ಕಂತೆ ಮೆಣಸಿನ ಪುಡಿ, ಉಪ್ಪು ಮತ್ತು ಟೊಮೆಟೊ ಸಾಸ್ ಹಾಕಬೇಕು.
6. ಕೊನೆಗೆ ಎಣ್ಣೆಯಲ್ಲಿ ಹುರಿದಿದ್ದ ನೂಡಲ್ಸ್ ಗೆ ತರಕಾರಿ ಮಿಶ್ರಣವನ್ನು ಬೆರೆಸಿ ಚೆನ್ನಾಗಿ ಕದಡಿ 3-4 ನಿಮಿಷ ಚೆನ್ನಾಗಿ ತಿರುಗಿಸಬೇಕು.

ಈಗ ಚೈನೀಸ್ ಬೇಲ್ ತಿನ್ನಲು ತಯಾರಾಗಿದೆ. ಬಿಸಿಬಿಸಿಯಾದ ಚೈನೀಸ್ ಬೇಲ್ ರಜಾ ದಿನಕ್ಕೆ ಹೇಳಿ ಮಾಡಿಸಿದಂತಿರುತ್ತೆ.