ತಿನ್ನೋದಕ್ಕೆ ಪಕ್ಕಾ ಈ ಪನೀರ್ ಟಿಕ್ಕಾ

ಪನೀರ್ ಟಿಕ್ಕಾಗೆ ಏನೇನು ಬೇಕು?
* 300 ಗ್ರಾಂ ಪನೀರು
* 1 ಈರುಳ್ಳಿ, 1 ಟೊಮೊಟೊ
* 1 ಕ್ಯಾಪ್ಸಿಕಂ (ದುಂಡು ಮೆಣಸಿನಕಾಯಿ)
* 1 ಚಮಚ ವಿನೆಗರ್
* 1 ಚಮಚ ಹಸಿರು ಮೆಣಸಿನ ಕಾಯಿ ಪೇಸ್ಟ್
* 1 ಚಮಚ ಜೀರಿಗೆ ಪುಡಿ
* ಕೊತ್ತಂಬರಿ
* 1 ಚಮಚ ಬೆಳ್ಳುಳ್ಳಿ ಮತ್ತು 1 ಚಮಚ ಶುಂಠಿ ಪೇಸ್ಟ್
* 2 ಚಮಚ ಚಾಟ್ ಮಸಾಲ ಪೌಡರ್
* ಉಪ್ಪು, ಎಣ್ಣೆ, ಕೆಂಪು ಮೆಣಸಿನಕಾಯಿ ಪುಡಿ

ಪನೀರ್ ಟಿಕ್ಕಾ ತಯಾರಿಸುವ ವಿಧಾನ:

ಮೊದಲು ಶುಂಠಿ, ಬೆಳ್ಳುಳ್ಳಿ, ವಿನಿಗರ್, ಹಸಿಮೆಣಸಿನಕಾಯಿ ಪೇಸ್ಟ್, ಕೆಂಪು ಮೆಣಸಿನಕಾಯಿ ಪುಡಿ, ಜೀರಿಗೆ ಪುಡಿ, ಚಾಟ್ ಮಸಾಲ ಮತ್ತು ಉಪ್ಪನ್ನು ಚೆನ್ನಾಗಿ ಕಲೆಸಿ ಅದರಲ್ಲಿ ಕತ್ತರಿಸಿಕೊಂಡ ಪನೀರನ್ನು ಅದ್ದಿಕೊಂಡು 3 ಗಂಟೆ ಫ್ರಿಡ್ಜ್ ನಲ್ಲಿ ಇಡಬೇಕು.

ನಂತರ ಈರುಳ್ಳಿ, ಟೊಮೊಟೊ, ಕ್ಯಾಪ್ಸಿಕಂ ಕತ್ತರಿಸಿಕೊಂಡು ಅದನ್ನೂ ಉಳಿದ ಪೇಸ್ಟ್ ನಲ್ಲಿ ಅದ್ದಿ ಇಟ್ಟುಕೊಳ್ಳಬೇಕು. ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಅದ್ದಿ ಇಟ್ಟುಕೊಂಡಿದ್ದ ಪನೀರನ್ನು ಚೆನ್ನಾಗಿ ಕರಿಯಬೇಕು. ನಂತರ ತರಕಾರಿಗಳನ್ನೂ ಕರಿಯಬೇಕು. ಈಗ ಕರಿದ ಪನೀರ್ ಮತ್ತು ತರಕಾರಿಯನ್ನು ತಟ್ಟೆಯಲ್ಲಿ ಹಾಕಿ ಹೆಚ್ಚಿದ ಕೊತ್ತಂಬರಿಸೊಪ್ಪನ್ನು ಮೇಲೆ ಉದುರಿಸಬೇಕು. ಈಗ ರುಚಿಕರವಾದ ಪನೀರ್ ಟಿಕ್ಕಾ ತಿನ್ನೋದಕ್ಕೆ ರೆಡಿ...