ವೀಕೆಂಡ್ ಸ್ಪೆಷಲ್ ತಂದೂರಿ ಭರ್ವಾನಿ ಆಲೂ ರೆಸಿಪಿ

Snacks

oi-Staff

By Super

Updated: Thursday, March 14, 2013, 17:01 [IST]

ವೀಕೆಂಡ್ ಗಳಲ್ಲಿ ಸಂಜೆ ಹೊತ್ತು ಮನೆಯಲ್ಲಿ ತಯಾರಿಸಬಹುದಾದ ಖಾದ್ಯಗಳು ಬೇಕಾದಷ್ಟಿವೆ. ಆದರೆ ಈ ತಂದೂರಿ ಭರವಾನ್ ಆಲೂ ರೆಸಿಪಿ ಅದರಲ್ಲಿ ವಿಶೇಷವಾಗಿದೆ. ಈ ಸಸ್ಯಾಹಾರಿ ಸೈಡ್ ಡಿಶ್ ನಿಮ್ಮ ಮನ ಗೆಲ್ಲುವುದರಲ್ಲಿ ಸಂಶಯವೇ ಇಲ್ಲ. ವೆಜ್ ಬಿರಿಯಾನಿ ಜೊತೆ ಇದನ್ನು ತಿಂದರೆ ಅದರ ರುಚಿ ಇನ್ನಷ್ಟು ಹೆಚ್ಚಾಗುತ್ತೆ.

ಬೇಕಾಗುವ ಸಾಮಾನುಗಳು:
* 4 ಆಲೂಗಡ್ಡೆ
* 1/2 ಕಪ್ ಹಸಿರು ಬಟಾಣಿ
* ಎಣ್ಣೆ, ತುಪ್ಪ, 2 ಚಮಚ ಕೋವಾ
* 30 ಗ್ರಾಂ ಕಾಟೇಜ್ ಚೀಸ್

ಮಸಾಲೆಗೆ ಬೇಕಾಗುವ ಪದಾರ್ಥಗಳು:
* 2 ಚಮಚ ಗೋಡಂಬಿ
* 2 ಚಮಚ ಜೀರಿಗೆ ಪುಡಿ
* 50 ಗ್ರಾಂ ಬಿಳಿ ಎಳ್ಳು
* 1 1/2 ಚಮಚ ಕೆಂಪು ಮೆಣಸಿನ ಪುಡಿ
* 2 ಚಮಚ ಗರಂ ಮಸಾಲ ಪುಡಿ

ತಂದೂರಿ ಭರ್ವಾನ್ ತಯಾರಿಸುವ ವಿಧಾನ:
1. ಆಲೂಗಡ್ಡೆ ಸಿಪ್ಪೆ ತೆಗೆದು ಎರಡು ಭಾಗಗಳನ್ನಾಗಿ ಕತ್ತರಿಸಿಕೊಂಡು ಮಧ್ಯಭಾಗವನ್ನು ತೆಗೆದು ಬೇಯಿಸಿಕೊಳ್ಳಬೇಕು.

2. ಬೇಯಿಸಿದ ಆಲೂಗಡ್ಡೆಯನ್ನು ಚೆನ್ನಾಗಿ ಹುರಿದುಕೊಂಡು ಬಿಳಿ ಎಳ್ಳಿನ ಮೇಲೆ ಹೊರಳಿಸಬೇಕು.

3. ಇನ್ನೊಂದು ಬಾಣಲೆಯಲ್ಲಿ ಎಲ್ಲಾ ಮಸಾಲ ಪದಾರ್ಥಗಳನ್ನು ಹುರಿದುಕೊಂಡು ರುಬ್ಬಿಕೊಂಡು ಪೇಸ್ಟ್ ನಂತೆ ಮಾಡಿಕೊಳ್ಳಬೇಕು.

4. ರುಬ್ಬಿಕೊಂಡ ಮಸಾಲೆಗೆ ಬೇಯಿಸಿದ ಹಸಿರು ಬಟಾಣಿ ಮತ್ತು ಕಾಟೇಜ್ ಚೀಸ್, ಕೋವಾ ಬೆರೆಸಿ ಬೇಯಿಸಿಟ್ಟುಕೊಂಡಿದ್ದ ಆಲೂಗಡ್ಡೆಯ ಮಧ್ಯಭಾಗಕ್ಕೆ ತುಂಬಿ ಸ್ವಲ್ಪ ಹುರಿದುಕೊಳ್ಳಬೇಕು.

ಈಗ ಸಖತ್ ಟೇಸ್ಟ್ ಆಗಿರುವ ತಂದೂರಿ ಭರ್ವಾನ್ ಆಲೂ ರೆಸಿಪಿ ತಯಾರಾಗಿದೆ. ಈ ವೀಕೆಂಡ್ ಗೆ ಸ್ಪೆಶಲ್ ರೆಸಿಪಿ ತಯಾರಿಸಿ ತಿಂದು ರುಚಿ ನೋಡಿ.