ಗರಿಗರಿ ಚಕ್ಕುಲಿ ಮುರುಕು ಮುರಿದು ತಿನ್ನಿ

ನೋಡಿದೊಡನೆಯೇ ಬಾಯಲ್ಲಿ ನೀರೂರಿಸುವ ಈ ಚಕ್ಕುಲಿ ಮುರುಕು ಅಥವಾ ಬೆಣ್ಣೆ ಮುರುಕು ತಮಿಳುನಾಡಿನಲ್ಲಿ ಬಹಳ ಜನಪ್ರಿಯವಾದ ತಿನಿಸು. ಬಾಯಲ್ಲಿಟ್ಟರೆ ಕರಗಿಯೇ ಹೋಗುವುದೇನೋ ಎನ್ನುವಷ್ಟು ಗರಿಗರಿ. ಚಕ್ಕುಲಿ ಮುರುಕನ್ನು ತಯಾರಿಸುವಾಗ ಡಬ್ಬದ ತುಂಬ ತಯಾರಿಸಿದಂತೆ ಅನ್ನಿಸಿದರೂ ನೋಡ-ನೋಡುತ್ತಿದ್ದಂತೆಯೇ ಖರ್ಚಾಗಿಬಿಡುತ್ತದೆ!

ಬೇಕಾಗುವ ಸಾಮಗ್ರಿ:

ಮಾಡುವ ವಿಧಾನ: ಎಲ್ಲ ಬಗೆಯ ಹಿಟ್ಟುಗಳು, ಮೆಣಸಿನ ಪುಡಿ, ಉಪ್ಪು, ಎಳ್ಳು, ಜೀರಿಗೆ, ಸೋಡಾ - ಇಷ್ಟನ್ನೂ ಒಂದು ಪಾತ್ರೆಯಲ್ಲಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿಕೊಳ್ಳಿ. ನಂತರ ಬೆಣ್ಣೆಯನ್ನು ಚೆನ್ನಾಗಿ ಕಾಯಿಸಿಕೊಂಡು ಹಿಟ್ಟಿನ ಮಿಶ್ರಣದ ಮೇಲೆ ಸುರಿಯಿರಿ. ಹಿಟ್ಟನ್ನು ಒಮ್ಮೆ ಕಲಸಿಕೊಂಡು, ನಂತರ ಸ್ವಲ್ಪ ಸ್ವಲ್ಪವಾಗಿ ನೀರನ್ನು ಸೇರಿಸಿಕೊಳ್ಳುತ್ತ ಚಪಾತಿ ಹಿಟ್ಟಿನ ಹದಕ್ಕೆ ಕಲಸಿಕೊಳ್ಳಿ.

ಕಲಸಿದ ಹಿಟ್ಟನ್ನು ಚಕ್ಕುಲಿ ಒರಳಿನಲ್ಲಿ ಹಾಕಿಕೊಂಡು ಕಾದ ಎಣ್ಣೆಯಲ್ಲಿ ಹಿಟ್ಟನ್ನು ಚಕ್ಕುಲಿ ಒರಳಿನಿಂದ ಒತ್ತುತ್ತಾ ಹೋಗಿ. ಉರಿ ತುಂಬಾ ಜೋರಾಗಿದ್ದರೆ ಮುರುಕು ಚೆನ್ನಾಗಿ ಬೇಯುವುದಿಲ್ಲ. ಮಧ್ಯಮ ಉರಿಯಲ್ಲಿ ಕೆಂಪಗೆ ಕರಿದು ಒಂದು ಟಿಶ್ಯೂ ಪೇಪರ್ ಮೇಲೆ ಹರವಿ, ತಣ್ಣಗಾದ ನಂತರ ಗಾಳಿಯಾಡದ ಡಬ್ಬದಲ್ಲಿ ತುಂಬಿಡಿ.ಹಿಟ್ಟಿಗೆ ಬೆಣ್ಣೆ ಸೇರಿಸುವಾಗ ತುಂಬ ಜಾಸ್ತಿ ಬೆಣ್ಣೆ ಸೇರಿಸಲು ಹೋಗಬೇಡಿ. ಬೆಣ್ಣೆಯ ಪ್ರಮಾಣ ಹೆಚ್ಚಾದರೆ ಚಕ್ಕುಲಿ ಮುರುಕು ಪುಡಿಪುಡಿಯಾಗಿಬಿಡುತ್ತದೆ.