ವೀಕೆಂಡ್ ಸ್ಪೆಷಲ್ - ಫ್ರೆಂಚ್ ಫ್ರೈ

ಫ್ರೆಂಚ್ ಫ್ರೈ ಮಕ್ಕಳು ಮತ್ತು ದೊಡ್ಡವರು ಇಷ್ಟಪಟ್ಟು ತಿನ್ನುವ ತಿಂಡಿಯಾಗಿದೆ. ಈ ಫ್ರೆಂಚ್ ಫ್ರೈ ತಿನ್ನಲು ದೊಡ್ಡ ರೆಸ್ಟೋರೆಂಟ್ ಅಥವಾ ಮೆಕ್ ಡೊನಾಲ್ಡ್‌ಗೆ ಹೋಗಬೇಕೆಂದಿಲ್ಲ. ಮನೆಯಲ್ಲಿಯೆ ಇದನ್ನು ತಯಾರಿಸಬಹುದಾಗಿದೆ. ಇದನ್ನು ರುಚಿಕರವಾಗಿ ತಯಾರಿಸುವ ಸುಲಭ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* 6 ದೊಡ್ಡ ಆಲೂಗೆಡ್ಡೆ
* ಎಣ್ಣೆ
* ಉಪ್ಪು

ತಯಾರಿಸುವ ವಿಧಾನ:

1. ಆಲೂಗೆಡ್ಡೆಯನ್ನು ಉಪ್ಪು ಹಾಕಿ ಬೇಯಿಸಿ ಉದ್ದದ್ದವಾಗಿ ಕತ್ತರಿಸಬೇಕು.

2. ನಂತರ ಅದನ್ನು ತಣ್ಣೀರಿನಲ್ಲಿ ಹಾಕಿ, ರೂಂನ ಉಷ್ಣತೆಯಲ್ಲಿ ಒಂದು ಗಂಟೆ ಇಡಬೇಕು. ನಂತರ ಅದರ ನೀರನ್ನು ಚೆಲ್ಲಿ , ಪೇಪರ್ ಮೇಲೆ ಹರಡಿ ಒಣಗಿಸಬೇಕು.

3. ಬಾಣಲೆಯನ್ನು ಉರಿಯಲ್ಲಿಟ್ಟು ಅದಕ್ಕೆ ಎಣ್ಣೆ ಹಾಕಿ, ಎಣ್ಣೆಯನ್ನು ಕುದಿಸಬೇಕು.

4. ಈಗ ಕತ್ತರಿಸಿದ ಆಲೂಗೆಡ್ಡೆಯನ್ನು ಎಣ್ಣೆಯಲ್ಲಿ ಕಂದು ಬಣ್ಣ ಬರುವವರೆಗೆ ಕರಿದು ತೆಗೆಯಬೇಕು. ಇದನ್ನು ಟೊಮೆಟೊ ಮತ್ತು ಬೆಣ್ಣೆ ಹಾಕಿದ ಸಾಸ್ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.