ವಾವ್! ಮನೆಯಲ್ಲಿಯೆ ಮಾಡಬಹುದು ಚನ್ನಾ ಬತುರ

ದೊಡ್ಡ-ದೊಡ್ಡ ರೆಸ್ಟೋರೆಂಟ್‌‌ಗಳಿಗೆ ಹೋದಾಗ ಸಿಗುವ ಚನ್ನಾ ಬತುರ ತಿಂಡಿಯ ರುಚಿ ಸವಿದಾಗ ಇದನ್ನು ಮಾಡುವುದು ಕಷ್ಟದ ಕೆಲಸವೆಂದು ಎಂದು ನೀವು ಭಾವಿಸಿದ್ದರೆ ಅದು ತಪ್ಪು. ಏಕೆಂದರೆ ರುಚಿಕರವಾದ ಈ ತಿಂಡಿಯನ್ನು ಮನೆಯಲ್ಲಿ ಸುಲಭವಾಗಿ ಮಾಡಬಹುದಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಚನ್ನಾ ಬತುರ ಮಾಡುವ ವಿಧಾನ:

ಬತುರ ಮಾಡಲು ಬೇಕಾಗುವ ಸಾಮಾಗ್ರಿಗಳು
* ಮೈದಾ 2 ಕಪ್
* ಹಾಲು 1 ಕಪ್
ಮೊಸರು 1/2 ಕಪ್
* ಅಡುಗೆ ಸೋಡಾ 1/2 ಚಮಚ
* ಸಕ್ಕರೆ 2 ಚಮಚ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ಚನ್ನಾ ಮಾಡಲು ಬೇಕಾಗುವ ಸಾಮಾಗ್ರಿಗಳು

* ಕಾಬೂಲಿ ಕಡಲೆ( ದೊಡ್ಡ ಕಡಲೆ) 1 ಕಪ್
* ಈರುಳ್ಳಿ 1
* ಟಿಮೆಟೊ 1
* ಹಸಿಮೆಣಸಿನ ಕಾಯಿ 2
* ಶುಂಠಿ ಪೇಸ್ಟ್
* ಮೆಣಸಿನ ಪುಡಿ 1 ಚಮಚ
* ಕೊತ್ತಬರಿ ಪುಡಿ 2 ಚಮಚ
* ಅರಿಶಿಣ 1/2 ಚಮಚ
* ಗರಂ ಮಸಾಲ 1 ಚಮಚ
* ಜೀರಿಗೆ 1 ಚಮಚ
* ಸ್ವಲ್ಪ ಚಕ್ಕೆ ಲವಂಗ, 2 ಬೆಳ್ಳುಳ್ಳಿ ಎಸಳು
* ಎಣ್ಣೆ
* ರುಚಿಗೆ ತಕ್ಕ ಉಪ್ಪು
* ಅಲಕಾರಕ್ಕೆ ಕೊತ್ತಂಬರಿ ಸೊಪ್ಪು

ಬತುರ ತಯಾರಿಸುವ ವಿಧಾನ:

1. ಎಲ್ಲಾಸಾಮಾಗ್ರಿಗಳನ್ನು ಹಾಕಿ ಮಿಶ್ರ ಮಾಡಬೇಕು. ಹಿಟ್ಟು ಮೃದುವಾಗುವವರೆಗೆ ಕಲೆಸಬೇಕು. ನಂತರ ಒಂದು ಗಂಟೆ ಕಾಲ ಇಡಬೇಕು.

2. ನಂತರ ಹಿಟ್ಟಿನಿಂದ ಸಾಧಾರಣ ಗಾತ್ರದಲ್ಲಿ ಉಂಡೆ ಕಟ್ಟಬೇಕು.

3. ಆ ಉಂಡೆಯನ್ನು ತಟ್ಟಿ ಎಣ್ಣೆಯಲ್ಲಿ ಹಾಕಿ, ಕಂದು ಬಣ್ಣ ಬರುವಾಗ ತೆಗೆಯಬೇಕು.

ಚನ್ನಾ ತಯಾರಿಸುವ ವಿಧಾನ:

1. ಕಾಬೂಲ್ ಕಡಲೆಯನ್ನು ಒಂದು ರಾತ್ರಿ ನೆನೆ ಹಾಕಬೇಕು. ನಂತರ ಅದನ್ನು ಬೇಯಿಸಬೇಕು.

2. ಈರುಳ್ಳಿಯನ್ನು ಮಿಕ್ಸಿಯಲ್ಲಿ ಹಾಕಿ ಪೇಸ್ಟ್ ಮಾಡಬೇಕು.

3. ಬಾಣಲೆಯನ್ನು ಉರಿಯಲ್ಲಿ ಇಟ್ಟು ಸ್ವಲ್ಪ ಎಣ್ಣೆ ಹಾಕಬೇಕು.

4. ಎಣ್ಣೆ ಬಿಸಿಯಾದಾಗ ಜೀರಿಗೆ, ಸ್ವಲ್ಪ ಬೆಳ್ಳುಳ್ಳಿ ಎಸಳು, ಚಕ್ಕೆ, ಲವಂಗ ಸೇರಿಸಬೇಕು.

5. ನಂತರ ಈರುಳ್ಳಿ ಪೇಸ್ಟ್ , ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಹಾಕಿ ಎಣ್ಣೆ ಆ ಮಿಶ್ರಣದ ಮೇಲೆ ತೇಲುವವರೆಗೆ ಕುದಿಸಬೇಕು.

6. ಈಗ ಎಲ್ಲಾ ಮಸಾಲೆ ಪುಡಿಗಳನ್ನು ಸೇರಿಸಿ , ರುಚಿಗೆ ತಕ್ಕ ಉಪ್ಪು ಹಾಕಿ ಸ್ವಲ್ಪ ಹೊತ್ತು ಸೌಟ್‌ನಿಂದ ಆಡಿಸಬೇಕು.

7. ಈಗ ಟೊಮೆಟೊ ಮತ್ತು ಹಸಿ ಮೆಣಸಿನ ಕಾಯಿ ಹಾಕಿ ಟೊಮೆಟೊ ಮೆತ್ತಗಾಗುವವರೆಗೆ ಬಿಸಿಮಾಡಬೇಕು. ನಂತರ ಸೌಟ್‌ನಿಂದ ಕುಟ್ಟಿ ಟೊಮೆಟೊವನ್ನು ಪೇಸ್ಟ್ ರೀತಿ ಮಾಡಬೇಕು.

8. ಈಗ ಬೇಯಿಸಿದ ಕಡಲೆಯನ್ನು ಹಾಕಿ ಮಿಶ್ರ ಮಾಡಿ ಗಟ್ಟಿ ಗ್ರೇವಿಯಾಗುವವರೆಗೆ ಬೇಯಿಸಬೇಕು. ನಂತರ ಇದನ್ನು ಕತ್ತರಿಸಿದ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಚನ್ನಾ ರೆಡಿ.