ಗೋಬಿಯಷ್ಟೇ ರುಚಿಕರವಾದ ಸೋಯಾ ಚಿಲ್ಲಿ

Published: Thursday, May 3, 2012, 17:13 [IST]

ಸಾಯಾಂಕಾಲ ಟೀ ಜೊತೆ ತಿಂಡಿ ಇದ್ದರೆ ಬಾಯಿಗೆ ರುಚಿ ಮತ್ತು ಹೊಟ್ಟೆ ಹಸಿವು ನೀಗುವುದು. ಇವತ್ತು ನಾವು ಸೋಯಾದಿಂದ 'ಚಿಲ್ಲಿ ಸೋಯಾ' ಎಂಬ ರುಚಿಕರವಾದ ತಿಂಡಿ ಮಾಡುವ ವಿಧಾನ ತಿಳಿಯೋಣ. ಇದು ನೋಡಲು ಗೋಬಿ ಮಂಚೂರಿ ರೀತಿ ಇದ್ದು ಅದರಷ್ಟೆ ರುಚಿಕರವಾಗಿರುತ್ತದೆ.

ಬೇಕಾಗುವ ಸಾಮಾಗ್ರಿಗಳು:

* 1 ಕಪ್ ಬೇಯಸದ ಸೋಯಾ
* ದೊಡ್ಡ ಮೆಣಸಿನ ಕಾಯಿ 1 (ಕ್ಯಾಪ್ಸಿಕಂ)
* 1 ಕತ್ತರಿಸಿದ ಈರುಳ್ಳಿ
* 1 ಚಮಚ ಬೆಳ್ಳುಳ್ಳಿ ಪೇಸ್ಟ್
* 1 ಚಮಚ ಶುಂಠಿ ಪೇಸ್ಟ್
* 1/ 2 ಚಮಚ ಕಾಳುಮೆಣಸಿನ ಪುಡಿ
* 1 ಚಮಚ ಸೋಯಾ ಸಾಸ್
* 1 ಚಮಚ ವಿನಿಗರ್
1 ಚಮಚ ಮೆಣಸಿನ ಕಾಯಿ ಸಾಸ್
* 2 ಚಮಚ ಎಣ್ಣೆ
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. 4 ಕಪ್ ನೀರಿಗೆ 2 ಚಮಚ ಉಪ್ಪು ಹಾಕಿ ಕುದಿಸಬೇಕು. ನಂತರ ಅದ್ನನು ಉರಿಯಿಂದ ತೆಗೆದು ಅದಕ್ಕೆ ಸೋಯಾ ಹಾಕಿ 15 ನಿಮಿಷ ಮುಚ್ಚಿಡಬೇಕು.

2. ನಂತರ ಸೋಯಾವನ್ನು ತೆಗೆದು ಅದರಿಂದ ನೀರನ್ನು ಹಿಂಡಿ ಒಂದು ಪಾತ್ರೆಯಲ್ಲಿ ಹಾಕಿಡಬೇಕು.

3. ಈಗ ಬಾಣಲೆಯನ್ನು ಬಿಸಿ ಮಾಡಿ ಅದಕ್ಕೆ ಎಣ್ಣೆ ಹಾಕಿ , ಎಣ್ಣೆ ಬಿಸಿಯಾದಾಗ ಕತ್ತರಿಸಿದ ಈರುಳ್ಳಿ ಹಾಕಿ ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಸಾಧಾರಣ ಉರಿಯಲ್ಲಿ ಬಿಸಿ ಮಾಡಬೇಕು.

4. ನಂತರ ಕತ್ತರಿಸಿದ ಕ್ಯಾಪ್ಸಿಕಂ ಹಾಕಿ ಅದು ಬೇಯುವವರೆಗೆ ಹುರಿಯಬೇಕು.

5. ಈ ಮಿಶ್ರಣವನ್ನು ಒಂದು ಪಾತ್ರೆಯಲ್ಲಿ ಹಾಕಿ , ಬಾಣಲೆಯನ್ನು ಪುನಃ ಉರಿಯಲ್ಲಿಟ್ಟು ಸ್ವಲ್ಪ ಎಣ್ಣೆ ಹಾಕಿ ಸೋಯಾ ಸಾಸ್ ಮತ್ತು ವಿನಿಗರ್ ಹಾಕಿ ಮಿಶ್ರ ಮಾಡಬೇಕು. ನಂತರ ಮೆನಸಿನ ಕಾಯಿ ಸಾಸ್ ಸೇರಿಸಿ, ಇದಕ್ಕೆ ಈರುಳ್ಳಿ ಮಿಶ್ರಣವನ್ನು ಸೇರಿಸಿ ಒಮ್ಮೆ ಆಡಿಸಬೇಕು.

6. ಈಗ ಈ ಮಿಶ್ರಣವನ್ನು ಸೋಯಾ ಜೊತೆ ಬೆರೆಸಿ ಕಾಳು ಮೆಣಸಿನ ಪುಡಿ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು. ಖಾರ ಸೋಯಾಕ್ಕೆ ಸರಿಯಾಗಿ ಮಿಶ್ರವಾಗುವವರೆಗೆ ಸ್ವಲ್ಪ ಹೊತ್ತು ಇಟ್ಟು, ನಂತರ ಕತ್ತರಿಸಿದ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ರುಚಿಕರವಾದ ಸೋಯಾ ಚಿಲ್ಲಿ ರೆಡಿ.