ಚಿಲ್ಲಿ ಬೇಬಿ ಕೋರ್ನ್ ಮಾಡುವುದು ಬಲು ಸುಲಭ

Snacks

oi-Reena

By Hema S

Published: Saturday, April 14, 2012, 16:10 [IST]

ಚಿಲ್ಲಿ ಬೇಬಿ ಕೋರ್ನ್ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಇಷ್ಟ ಪಡುವ ತಿಂಡಿಯಾಗಿದೆ. ಸಾಯಾಂಕಾಲದ ತಿಂಡಿಗೆ ಬೇಬಿ ಕೋರ್ನ್ ಮಾಡಿದರೆ ತುಂಬಾ ರುಚಿಯಾಗಿರುತ್ತದೆ. ಹೆಚ್ಚಿನವರು ಈ ರೀತಿಯ ತಿಂಡಿ ತಯಾರಿಸುವುದು ತುಂಬಾ ಕಷ್ಟದ ಕೆಲಸವೆಂದು ಭಾವಿಸಿರುತ್ತಾರೆ. ಹಾಗೇನು ಇಲ್ಲ, ಸುಲಭದಲ್ಲಿಯೆ ಬೇಬಿ ಕೋರ್ನ್ ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

1. ಒಂದು ಕಪ್ ಕತ್ತರಿಸಿದ ಬೇಬಿ ಕೋರ್ನ್
2. ಕತ್ತರಿಸಿದ ಈರುಳ್ಳಿ 2
3. ಕತ್ತರಿಸಿದ ದೊಡ್ಡ ಮೆಣಸು 1(ಕ್ಯಾಪ್ಸಿಕಂ)
4. ಕಡಲೆ ಪುಡಿ 1 ಕಪ್
5. ಬೆಳ್ಳುಳ್ಳಿ ಎಸಳು 3-4
6. ಅರಿಶಿಣ ಪುಡಿ 1/4 ಚಮಚ
7. ಕೆಂಪು ಮೆಣಸಿನ ಪುಡಿ (ಖಾರಕ್ಕೆ ತಕ್ಕಷ್ಟು)
8. 1/2 ಚಮಚ ಜೀರಿಗೆ
9. ರುಚಿಗೆ ತಕ್ಕ ಉಪ್ಪು
10. ಎಣ್ಣೆ
11. ನೀರು

ತಯಾರಿಸುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಅರಿಶಿಣ ಪುಡಿ, ಕೆಂಪು ಮೆಣಸಿನ ಪುಡಿ, ಕಡಲೆ ಹಿಟ್ಟು, ಚಿಟಿಕೆಯಷ್ಟು ಉಪ್ಪು ಹಾಕಿ ಅದಕ್ಕೆ ನೀರು ಹಾಕಿ ದ್ರಾವಣ ರೂಪದಲ್ಲಿರುವಂತೆ ಮಿಶ್ರ ಮಾಡಬೇಕು.

2. ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಬೇಕು.

3. ಈಗ ಬೇಬಿ ಕೋರ್ನ್ ಅನ್ನು ಅದರಲ್ಲಿ ಮುಳುಗಿಸಿ ಕುದಿಯುತ್ತಿರುವ ಎಣ್ಣೆಗೆ ಹಾಕಿ ಕಂದು ಬಣ್ಣ ಬರುವಾಗ ತೆಗೆಯಬೇಕು.

4. ಈಗ ಬಾಣಲೆಗೆ ಸ್ವಲ್ಪ ಎಣ್ಣೆ ಹಾಕಿ ಜೀರಿಗೆ ಹಾಕಬೇಕು. ಈಗ ಅದರಲ್ಲಿ ಬೆಳ್ಳುಳ್ಳಿ, ದೊಡ್ಡ ಮೆಣಸಿನ ಕಾಯಿ ಮತ್ತು ಈರುಳ್ಳಿಯನ್ನು ಹಾಕಿ ಈರುಳ್ಳಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

5. ಬೇಬಿ ಕೋರ್ನ್ ಅನ್ನು ಹುರಿದ ಈರುಳ್ಳಿಯಲ್ಲಿ ಹಾಕಿ ಸ್ವಲ್ಪ ಉಪ್ಪು ಹಾಕಿ 4-5 ನಿಮಿಷ ಬಿಸಿ ಮಾಡಿದರೆ ರುಚಿಕರವಾದ ಬೇಬಿ ಕೋರ್ನ್ ರೆಡಿ.