ತಿನ್ನಲು ಬಲು ರುಚಿಯಾಗಿರುತ್ತೆ ಅಣಬೆ ಆಮ್ಲೇಟ್

Snacks

oi-Reena

By Hema S

Published: Friday, March 9, 2012, 14:35 [IST]

ಮೊಟ್ಟೆ ಮತ್ತು ಅಣಬೆಯಲ್ಲಿ ಪ್ರೊಟೀನ್ ಹೆಚ್ಚಿರುವುದರಿಂದ ದೇಹದಲ್ಲಿ ರೋಗ ನಿರೋಧಕ ಶಕ್ತಿ ಮತ್ತು ಆರೋಗ್ಯ ಹೆಚ್ಚಾಗುವುದು. ಆಮ್ಲೇಟ್ ಇಷ್ಟಪಡುವವರು ಇದನ್ನು ಅನೇಕ ರೀತಿಯಲ್ಲಿ ಮಾಡಿ ತಿನ್ನಬಹುದು.

ಆಮ್ಲೇಟ್ ಮಾಡುವಾಗ ಟೊಮೆಟೊ ಕತ್ತರಿಸಿ ಹಾಕಬಹುದು, ಮತ್ತೆ ಕೆಲವರು ಆಲೂಗೆಡ್ಡೆ ಬೇಯಿಸಿ ಅದನ್ನು ಹಿಸುಕಿ ಮೊಟ್ಟೆ ಜೊತೆ ಮಿಶ್ರ ಮಾಡಿ ಸ್ವಲ್ಪ ಮಸಾಲೆ ಪುಡಿ ಹಾಕಿ ಆಮ್ಲೇಟ್ ಮಾಡುತ್ತಾರೆ. ಇವತ್ತು ನಾವು ರುಚಿಕರವಾದ ಅಣಬೆ ಆಮ್ಲೇಟ್ ಮಾಡುವ ವಿಧಾನ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:
1. ಮೊಟ್ಟೆ 2
2. ಕತ್ತರಿಸಿದ ಅಣಬೆ 2 ಚಮಚ (ಬಟನ್ ಮಶ್ರೂಮ್)
3. ಚಿಕ್ಕ ಗಾತ್ರದ ಈರುಳ್ಳಿ 5
4. ಕರಿಮೆಣಸಿನ ಪುಡಿ 1/2 ಚಮಚ
5. ರುಚಿಗೆ ತಕ್ಕ ಉಪ್ಪು
6. ಕೆಂಪು ಮೆಣಸಿನ ಪುಡಿ

ತಯಾರಿಸುವ ವಿಧಾನ:

1. ಮೊಟ್ಟೆಯನ್ನು ಬಟ್ಟಲಿನಲ್ಲಿ ಹಾಕಿ ಅದಕ್ಕೆ ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ, ಕರಿಮೆಣಸಿನ ಪುಡಿ, ಸ್ವಲ್ಪ ಕೆಂಪು ಮೆಣಸಿನ ಪುಡಿ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

2. ಈಗ ಬಾಣಲೆಯಲ್ಲಿ ಬೆಣ್ಣೆ ಹಾಕಿ ಬಿಸಿಮಾಡಬೇಕು. ಈಗ ಅಣಬೆಯನ್ನು ಚೆನ್ನಾಗಿ ತೊಳೆದು ಬೆಣ್ಣೆಯಲ್ಲಿ ಹಾಕಿ 2-3 ನಿಮಿಷ ಹುರಿಯಬೇಕು.

3. ಈಗ ತವಾದಲ್ಲಿ ಬೆಣ್ಣೆ ಹಾಕಿ ಅದಕ್ಕೆ ಕಲೆಸಿದ ಮೊಟ್ಟೆ ಮಿಶ್ರಣವನ್ನು ಹಾಕಬೇಕು. ನಂತರ ಹುರಿದ ಅಣಬೆಯನ್ನು ಅದರ ಮೇಲೆ ಉದುರಿಸಬೇಕು.

4. ಮೊಟ್ಟೆ ಸ್ವಲ್ಪ ಬೆಂದಾಗ ಅದನ್ನು ಮಗುಚಿ ಹಾಕಿ ನಂತರ ತಯಾರಾದ ಆಮ್ಲೇಟ್ ಅನ್ನು ತೆಗೆದು ತಟ್ಟೆಯಲ್ಲಿ ಹಾಕಿ. ಈಗ ತಯಾರಾದ ಅಣಬೆ ಆಮ್ಲೇಟ್ ಬಿಸಿಯಾಗಿರುವಾಗಲೆ ತಿಂದರೆ ತುಂಬಾ ರುಚಿಕರವಾಗಿರುತ್ತೆ.