ನಿಮ್ಮ ಕಿಚನ್ ನಲ್ಲಿ ಜೋಳದ ಮಂಚೂರಿಯನ್

Snacks

oi-Reena

By Hema S

Published: Tuesday, February 28, 2012, 17:58 [IST]

ಗೋಬಿ ಮಂಚೂರಿಯನ್ ರೀತಿ ಜೋಳದ ಮಂಚೂರಿಯನ್ ತಯಾರಿಸಬಹುದು. ಜೋಳ ತಿಂದರೆ ಆರೋಗ್ಯಕ್ಕೂ ಒಳ್ಳೆಯದು. ಈ ರೀತಿ ಅಡುಗೆಗಳು ಸ್ಪೆಷಲ್ ಅನಿಸಿದರೂ ಮಾಡಲು ಅಷ್ಟೇನು ಕಷ್ಟವಿಲ್ಲ. ಇವತ್ತು ನಾವು ಜೋಳದ ಮಂಚೂರಿಯನ್ ಮಾಡುವ ವಿಧಾನದ ಬಗ್ಗೆ ತಿಳಿಯೋಣ.

ಬೇಕಾಗುವ ಸಾಮಾಗ್ರಿಗಳು:
* 1 ಕಪ್ ಬೇಯಿಸಿದ ಜೋಳ
* 2 ಚಮಚ ಜೋಳದ ಹಿಟ್ಟು
* 1 ಚಮಚ ಮೈದಾ
* 1 ಚಮಚ ಕಡಲೆಹಿಟ್ಟು
* ರುಚಿಗೆ ತಕ್ಕ ಉಪ್ಪು
* 1 ಚಮಚ ಮೆಣಸಿನ ಪುಡಿ
* ಒಂದು ಚಿಟಿಕೆಯಷ್ಟು ಸೋಡಾ
* ಎಣ್ಣೆ

ಮಂಚೂರಿಯನ್ ಗೆ ಬೇಕಾಗುವ ಸಾಮಾಗ್ರಿಗಳು:
* 1 ದೊಡ್ಡ ಮೆಣಸು
* 1 ಈರುಳ್ಳಿ
* 1/2 ಚಮಚ ಕರಿಮೆಣಸಿನ ಪುಡಿ
* 1 ಚಮಚ ಶುಂಠಿ ಪೇಸ್ಟ್
* 1 ಚಮಚ ಟೊಮೆಟೊ ಸಾಸ್
* 1 ಚಮಚ ಸೋಯಾ ಸಾಸ್
* ರುಚಿಗೆ ತಕ್ಕ ಉಪ್ಪು
* 1 ಚಮಚ ಎಣ್ಣೆ

ತಯಾರಿಸುವ ವಿಧಾನ:
1. ಎಲ್ಲಾ ಹಿಟ್ಟನ್ನು ಮಿಶ್ರ ಮಾಡಿ ಉಪ್ಪು ಮತ್ತು ಸೋಡಾ ಹಾಕಿ ಹಿಟ್ಟು ಗಟ್ಟಿಯಾಗಿರುವಂತೆ ಕಲೆಸಬೇಕು. ಅದಕ್ಕೆ ಬೇಯಿಸಿದ ಜೋಳ ಮತ್ತು ಮೆಣಸಿನ ಪುಡಿ ಮತ್ತು ಉಪ್ಪು ಹಾಕಿ ಮಿಶ್ರ ಮಾಡಬೇಕು.
2. ಈ ಮೇಲಿನ ಮಿಶ್ರಣವನ್ನು ಚಿಕ್ಕ ಉಂಡೆ ಮಾಡಿ ಎಣ್ಣೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.
3. ಪ್ರತ್ಯೇಕವಾದ ಬಾಣಲೆಯಲ್ಲಿ ಮಂಚೂರಿಯನ್ ತರಕಾರಿಗಳನ್ನು ಕತ್ತರಿಸಿ ಹಾಕಿ, ಅದಕ್ಕೆ ಕರಿಮೆಣಸಿನ ಪುಡಿ, ಟೊಮೆಟೊ ಮತ್ತು ಸೋಯಾ ಸಾಸ್ ಸೇರಿಸಿ ಮಿಶ್ರ ಮಾಡಬೇಕು.
4. ಬಾಣಲೆಯಲ್ಲಿ ಎಣ್ಣೆ ಹಾಕಿ ಮಂಚೂರಿಯನ್ ಮಿಶ್ರಣವನ್ನು ಇದರಲ್ಲಿ ಹಾಕಿ ಮೆಣಸು ಮೆತ್ತಗಾಗುವರೆಗೆ ಸ್ವಲ್ಪ ಹೊತ್ತು ಬಿಸಿಮಾಡಬೇಕು.
5. ಎಣ್ಣೆಯಲ್ಲಿ ಕರಿದ ಜೋಳವನ್ನು ಮಂಚೂರಿಯನ್ ಮಿಶ್ರಣದ ಜೊತೆ ಸೇರಿಸಬೇಕು.