ಶಿವರಾತ್ರಿಗೆ ಸ್ಪೆಷಲ್ ಅಡುಗೆ ಈ ಪ್ಯಾನ್ ಕೇಕ್

Snacks

oi-Reena

By Hema S

Published: Monday, February 20, 2012, 14:36 [IST]

ಶಿವರಾತ್ರಿಯಲ್ಲಿ ಸಿಹಿಕುಂಬಳ ಕಾಯಿಂದ ತಯಾರಿಸಿದ ಖಾದ್ಯಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ. ಆದ್ದರಿಂದ ಇವತ್ತು ನಾವು ನಾವು ಆಲೂಗೆಡ್ಡೆ ಮತ್ತು ಸಿಹಿಕುಂಬಳಕಾಯಿ ಪ್ಯಾನ್ ಕೇಕ್ ಮಾಡುವ ವಿಧಾನದ ಬಗ್ಗೆ ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು:
* 1 ದೊಡ್ಡ ಆಲೂಗೆಡ್ಡೆ
* 1 ಸಿಹಿ ಕುಂಬಳಕಾಯಿ
* 2 ಹಸಿ ಮೆಣಸು
* ಒಂದು ಚಿಕ್ಕ ತುಂಡು ಶುಂಠಿ
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* 1/4 ಕಪ್ ಮೊಸರು
* 1 ಕಪ್ ಕುಟ್ಟೂ ಕಾ ಆಟಾ ಪುಡಿ (ಸೂಪರ್ ಮಾರ್ಕೆಟ್ ನಲ್ಲಿ ದೊರೆಯುತ್ತದೆ)
* 1/2 ಕಪ್ ಸಿಂಗಾರೆ ಕಾ ಆಟಾ ಪುಡಿ (ಸೂಪರ್ ಮಾರ್ಕೆಟ್ ನಲ್ಲಿ ದೊರೆಯುತ್ತದೆ)
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ತಯಾರಿಸುವ ವಿಧಾನ:

1. ಶುಂಠಿ ಮತ್ತು ಹಸಿಮೆಣಸನ್ನು ಅನ್ನು ಪೇಸ್ಟ್ ಮಾಡಿ ಒಂದು ಚಿಕ್ಕ ಬಟ್ಟಲಿನಲ್ಲಿಡಿ.

2. ಒಂದು ಬಟ್ಟಲಿಗೆ ತಣ್ಣೀರು ಹಾಕಿ , ಸ್ವಲ್ಪ ಉಪ್ಪು ಹಾಕಬೇಕು. ಈಗ ಆ ನೀರಿಗೆ ಆಲೂಗೆಡ್ಡೆ ಮತ್ತು ಸಿಹಿಕುಂಬಳಕಾಯಿಯನ್ನು ಚಿಕ್ಕದಾಗಿ ಕತ್ತರಿಸಿ ಹಾಕಬೇಕು.

3. ಮತ್ತೊಂದು ದೊಡ್ಡ ಬಟ್ಟಲಿನಲ್ಲಿ ಆಟಾ ಪುಡಿಗಳನ್ನು ಸ್ವಲ್ಪ ನೀರು ಹಾಕಿ ಮಿಶ್ರ ಮಾಡಿ ಅದಕ್ಕೆ ಕೊತ್ತಂಬರಿ ಸೊಪ್ಪು ಹಾಕಬೇಕು.

4. ಈಗ ಸಿಹಿಕುಂಬಳಕಾಯಿ ಮತ್ತು ಆಲೂಗೆಡ್ಡೆಯಲ್ಲಿರುವ ನೀರನ್ನು ಚೆಲ್ಲಿ ಅದನ್ನು ಆಟಾ ಮಿಶ್ರಣದ ಜೊತೆ ಬೆರೆಸಬೇಕು.

5. ಈ ಮಿಶ್ರಣಕ್ಕೆ ಶುಂಠಿ ಮತ್ತು ಹಸಿಮೆಣಸಿನ ಪೇಸ್ಟ್ ಮತ್ತು ರುಚಿಗೆ ತಕ್ಕ ಉಪ್ಪು ( ಕಲ್ಲುಪ್ಪನ್ನು ನೀರು ಮಾಡಿ ಸೇರಿಸಿ) ಹಾಕಿ ಹಿಟ್ಟು ಗಟ್ಟಿಯಾಗಿರುವಂತೆ (ದೋಸೆಗೆ ಮಾಡುವ ರೀತಿಯಲ್ಲಿ )ಕಲೆಸಿ 30 ನಿಮಿಷ ಕಾಲ ಇಡಬೇಕು.

6. ಈಗ ಒಂದು ಚಮಚ ಬಿಸಿ ಎಣ್ಣೆಯನ್ನು ಈ ಮಿಶ್ರಣದ ಜೊತೆ ಸೇರಿಸಿ ಚೆನ್ನಾಗಿ ಕಲೆಸಬೇಕು.

7. ನಾನ್ ಸ್ಟಿಕ್ ಬಾಣಲೆಯನ್ನು ಬಿಸಿ ಮಾಡಿ ಅದರಲ್ಲಿ 1 ಚಮಚ ಎಣ್ಣೆ ಹಾಕಿ ಹಿಟ್ಟನ್ನು ಮಧ್ಯದಲ್ಲಿ ಸುರಿದು ಅದು ಆ ಬಾಣಲೆ ತುಂಬಾ ಹರಡುವಂತೆ ಬಾಣಲೆಯನ್ನು ಸ್ವಲ್ಪ ಎತ್ತಿ ಕೈಯಿಂದ ತಿರುಗಿಸಬೇಕು. ಹಾಗೆ ಮಾಡಿದಾಗ ಪಾನ್ ಕೇಕ್ (ಪಾನ್ ಕೇಕ್ ತೆಳ್ಳಗೆ ಇರಲಿ) ಹಿಟ್ಟು ಬಾಣಲೆ ತುಂಬಾ ಹರಡುತ್ತದೆ.

8. ಅದರ ಮೇಲೆ ಒಂದು ಚಮಚ ಎಣ್ಣೆ ಹಾಕಿ ಬೇಯಿಸಿ. ಈ ತಿಂಡಿಯನ್ನು ಒಮ್ಮೆ ಮಗುಚಿ ಹಾಕಿ ಕುರಕಲು ತಿಂಡಿಯಾಗಿರುವರೆಗೆ ಬೇಯಿಸಬೇಕು.

9. ತಯಾರಾದ ಆಲೂಗೆಡ್ಡೆ ಸಿಹಿಕುಂಬಳ ಪ್ಯಾನ್ ಕೇಕ್ ಅನ್ನು ಚಟ್ನಿ ಜೊತೆ ಸೇವಿಸಿದರೆ ತುಂಬಾ ರುಚಿಕರವಾಗಿರುತ್ತದೆ.