ಬ್ರೆಡ್ ರೋಸ್ಟ್ ಅಲ್ಲ, ಇದು ಫ್ರೆಂಚ್ ಬ್ರೆಡ್ ಟೋಸ್ಟ್

Snacks

oi-Reena

By Hema S

Published: Friday, January 20, 2012, 10:42 [IST]

ಬ್ರೆಡ್ ರೋಸ್ಟ್ ರುಚಿ ನೋಡಿರುವಿರಿ. ಆದರೆ ಇಂದು ಹೊಸರುಚಿಗಾಗಿ ಫ್ರೆಂಚ್ ರೋಸ್ಟ್ ಬಗ್ಗೆ ತಿಳಿಯೋಣ. ಈ ಫ್ರೆಂಚ್ ಟೋಸ್ಟ್ ನ ಅತಿ ಮುಖ್ಯವಾದ ವಿಶೇಷವೆಂದರೆ ಇದರಲ್ಲಿ ಮೊಟ್ಟೆ ಹಾಕದೆ ತಯಾರಿಸಲಾಗುವುದು. ಶುದ್ಧ ಸಸ್ಯಹಾರಿಗಳು ಅಥವಾ ಮೊಟ್ಟೆ ಹಾಕಿದ ಬ್ರೆಡ್ ರೋಸ್ಟ್ ತಿಂದು ಬೇಜಾರಾಗಿದ್ದವರಿಗೆ ಈ ಹೊಸ ರುಚಿ ಸಂತೋಷವನ್ನು ನೀಡುವುದರಲ್ಲಿ ಸಂಶಯವಿಲ್ಲ. ಇದನ್ನು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 4 ಬ್ರೆಡ್ ಚೂರು
* ಒಂದು ಕಪ್ ಹಾಲು
* 3 ಚಮಚ ಗಟ್ಟಿ ಮೊಸರು
* 1/2 ಕಪ್ ಸಕ್ಕರೆ
* 1 ಚಮಚ ವೆನಿಲ್ಲಾ ರಸ ( ಎಸೆನ್ಸ್)
* ಬೆಣ್ಣೆ
* ಚಕ್ಕೆ ಪುಡಿ 1/2 ಚಮಚ

ಮಾಡುವ ವಿಧಾನ:

1. ಹಾಲು, ಮೊಸರು ಮತ್ತು ಸಕ್ಕರೆಯನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಬೆರೆಸ ಬೇಕು.

2. ಈಗ ತವಾದಲ್ಲಿ ಬೆಣ್ಣೆ ಹಾಕಿ, ಬ್ರೆಡ್ ಚೂರುಗಳನ್ನು ಮೇಲಿನ ಮಿಶ್ರಣದಲ್ಲಿ ಅದ್ದಿ ಬೇಗನೆ ತೆಗೆದು ತವಾದಲ್ಲಿ ಹಾಕಬೇಕು.

3. ಅದರ ಮೇಲೆ ಚಕ್ಕೆ ಪುಡಿ ಉದುರಿಸಿ, ಅದನ್ನು ಒಮ್ಮೆ ಮಗುಚಿ ಹಾಕಿ ನಂತರ ತೆಗೆದರೆ ರುಚಿಕರವಾದ ಫ್ರೆಂಚ್ ರೋಸ್ಟ್ ರೆಡಿ.