ರುಚಿಕರ ಸ್ಟ್ರಿಂಗ್ ರೋಲ್ ಮಾಡುವ ಸುಲಭ ವಿಧಾನ

Snacks

oi-Reena

By Hema S

Published: Friday, January 13, 2012, 12:37 [IST]

ಕೆಲವು ಚೀನಿ ತಿನಿಸು ಭಾರತೀಯರಿಗೂ ಇಷ್ಟ. ಸ್ಟ್ರಿಂಗ್ ರೋಲ್ ಅಂದ್ರೆ ಹೆಚ್ಚಿನವರ ಬಾಯಲ್ಲಿ ನೀರೂರುತ್ತದೆ. ನಮ್ಮ ದೇಶದ ಹೆಚ್ಚಿನ ಹೋಟೆಲುಗಳಲ್ಲಿ ಈ ತಿನಿಸು ದೊರಕುತ್ತದೆ. ಆದರೆ ಸ್ಟ್ರಿಂಗ್ ರೋಲ್ ತಿಂಡಿಯೊಳಗಡೆ ತುಂಬಿಸುವ ಪದಾರ್ಥಗಳಲ್ಲಿ ಸ್ಥಳದಿಂದ ಸ್ಥಳಕ್ಕೆ ವ್ಯತ್ಯಾಸವಿರುತ್ತದೆ. ಹೀಗಾಗಿ ಕೆಲವು ಹೋಟೆಲುಗಳ ಸ್ಟ್ರಿಂಗ್ ರೋಲ್ ಹೆಚ್ಚು ರುಚಿಕರವಾಗಿರುತ್ತದೆ.

ಸ್ಟ್ರಿಂಗ್ ರೋಲ್ ಒಳಗೆ ಬಳಸುವ ತರಕಾರಿ ಮತ್ತು ಮಸಾಲೆಯಲ್ಲಿ ಸ್ಟ್ರಿಂಗ್ ರೋಲ್ ರುಚಿ ಅಡಗಿರುತ್ತದೆ. ಇದನ್ನು ನೀವು ಮನೆಯಲ್ಲಿ ಸುಲಭವಾಗಿ ಮಾಡಬಹುದು.

ರೋಲ್ ಗೆ ಬೇಕಾಗುವ ಸಾಮಾಗ್ರಿಗಳು:
* 2 ಕಪ್ ಮೈದಾ
* 1/2 ಕಪ್ ಅಕ್ಕಿಪುಡಿ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ

ರೋಲ್ ಒಳಗಡೆ ಹಾಕಲು ಬೇಕಾಗುವ ಸಾಮಾಗ್ರಿಗಳು:
* 2 ಕಪ್ ಎಲೆಕೋಸು
* 1 ಕಪ್ ಕತ್ತರಿಸಿದ ಈರುಳ್ಳಿ
* 1/2 ಚಮಚ ಶುಂಠಿ ಪೇಸ್ಟ್
* 2 ಹಸಿಮೆಣಸು(ಕತ್ತರಿಸಿದ್ದು)
* ರುಚಿಗೆ ತಕ್ಕಷ್ಟು ಉಪ್ಪು
* ಒಂದು ಚಮಚ ಎಣ್ಣೆ

ತಯಾರಿಸುವ ವಿಧಾನ:

1. ರೋಲ್ ಗೆ ಬೇಕಾಗುವ ಸಾಮಾಗ್ರಿಗಳಲ್ಲಿ ಎಣ್ಣೆಯನ್ನು ಬಿಟ್ಟು ಉಳಿದ ಸಾಮಾಗ್ರಿಗಳನ್ನು ಮಿಶ್ರ ಮಾಡಬೇಕು.

2. ಒಂದು ಬಟ್ಟಲಿನಲ್ಲಿ ಎಲೆಕೋಸು, ಈರುಳ್ಳಿ, ಹಸಿಮೆಣಸು, ಶುಂಠಿ ಪೇಸ್ಟ್, ಉಪ್ಪು ಮಿಶ್ರ ಮಾಡಬೇಕು. ಈಗ ಬಾಣಲೆಯನ್ನು ಬಿಸಿ ಮಾಡಿ ಸ್ವಲ್ಪ ಎಣ್ಣೆ ಹಾಕಿ ಅದರಲ್ಲಿ ಈ ಮಿಶ್ರಣವನ್ನು ಹಾಕಿ ಈರುಳ್ಳಿ ಕಂದು ಬಣ್ಣಕ್ಕೆ ಬರುವವರಿಗೆ ಹುರಿಯಬೇಕು. ನಂತರ ಅದನ್ನು ಆರಲು ಬಿಡಬೇಕು.

3. ಈಗ ರೋಲ್ ಗೆ ಕಲಿಸಿಟ್ಟ ಹಿಟ್ಟನ್ನು ಉಂಡೆ ಮಾಡಿ ಅದನ್ನು ಚಪಾತಿಗೆ ತಟ್ಟುವ ಹಾಗೆ ತಟ್ಟಿ ಅದರಲ್ಲಿ ಒಳಗಡೆ ತುಂಬಲು ಇಟ್ಟಿರುವ ಪದಾರ್ಥಗಳನ್ನು ಹಾಕಿ ನಂತರ ರೋಲ್ ಮಾಡಬೇಕು.

4. ಈಗ ಉದ್ದವಾಗಿ ಮಾಡಿದ ರೋಲ್ ಅನ್ನು ಚಿಕ್ಕ ತುಂಡುಗಳಾಗಿ ಕತ್ತರಿಸಿ ಅದನ್ನು ಬಾಣಲೆಯಲ್ಲಿ ಕುದಿಯುತ್ತಿರುವ ಎಣ್ಣೆಯಲ್ಲಿ ಹಾಕಿ ರೋಲ್ ಕಂದು ಬಣ್ಣ ಬರುವಾಗ ತೆಗೆಯಬೇಕು. ಹೀಗೆ ಮಾಡಿದರೆ ರುಚಿಕರವಾದ ವೆಜಿಟೇಬಲ್ ಸ್ಪ್ರಿಂಗ್ ರೋಲ್ ರೆಡಿ.