ಮಾವಿನಕಾಯಿ ಪಲಾವ್- ಸೀಸನ್ ಫುಡ್

ಚಿತ್ರಾನ್ನ, ಪುಳಿಯೊಗರೆ ಈ ರೀತಿಯ ಅಡುಗೆಗಳನ್ನು ಎಲ್ಲಾ ಕಾಲದಲ್ಲೂ ಮಾಡಬಹುದು. ಆದರೆ ಕೆಲವೊಂದು ಅಡುಗೆಗಳನ್ನು ಸೀಸನ್ ನಲ್ಲಿ ಮಾತ್ರ ಸಾಧ್ಯ. ಪತ್ರೊಡೆಯನ್ನು ಮಳೆಗಾಲದಲ್ಲಿ ಮಾಡಲು ಸೂಕ್ತ, ಅದೇ ಮಾವಿನಕಾಯಿಯಿಂದ ಮಾಡುವ ಅಡುಗೆಗಳನ್ನು ಈ ಸಮಯದಲ್ಲಿಯೇ ಮಾಡುವುದು ಸೂಕ್ತ.

ಇಲ್ಲಿ ನಾವು ಮಾವಿನ ಕಾಯಿ ಹಾಕಿ ಮಾಡುವ ಪಲಾವ್ ನ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
ಬಾಸುಮತಿ ಅಕ್ಕಿ 2 ಕಪ್
ಹಸಿ ಮಾವಿನಕಾಯಿ1 (ಸಿಪ್ಪೆ ಸುಲಿದು ಚಿಕ್ಕದಾಗಿ ಕತ್ತರಿಸಿ ಹಾಗೂ ಮಾವಿನಕಾಯಿ ತುಂಬಾ ಹುಳಿಯಿದ್ದರೆ ಅರ್ಧ ಮಾತ್ರ ಹಾಕಿ)
ಸಾಸಿವೆ ಅರ್ಧ ಚಮಚ
ಹಸಿಮೆಣಸಿನಕಾಯಿ 2
ಚಕ್ಕೆ (ಚಿಕ್ಕ ಪೀಸ್)
ಏಲಕ್ಕಿ 2-3
ಲವಂಗ 4
ಕರಿಮೆಣಸು 5-6
ಶುಂಠಿ (ಸ್ವಲ್ಪ)
ತುಪ್ಪ 1 ಚಮಚ
ಅರಿಶಿಣ ಪುಡಿ ಅರ್ಧ ಚಮಚ
ಜೀರಿಗೆ 1 ಚಮಚ
ರುಚಿಗೆ ತಕ್ಕ ಉಪ್ಪು
ಕೊತ್ತಂಬರಿ ಸೊಪ್ಪು( ಚಿಕ್ಕದಾಗಿ ಕತ್ತರಿಸಿ)

ತಯಾರಿಸುವ ವಿಧಾನ:

* ಬಾಣಲಿಯಲ್ಲಿ ತುಪ್ಪವನ್ನು ಹಾಕಿ ಬಿಸಿ ಮಾಡಿ, ನಂತರ ಸಾಸಿವೆ ಹಾಕಿ. ಸಾಸಿವೆ ಚಟಾಪಟಾ ಶಬ್ದ ಮಾಡುವಾಗ ಹಸಿ ಮೆಣಸಿನಕಾಯಿ, ಚಕಕ್ಎ, ಲವಂಗ, ಏಲಕ್ಕಿ, ಕರಿ ಮೆಣಸಿನ್ನು ಪುಡಿ ಮಾಡಿ ಹಾಕಿ.

* ನಂತರ ಶುಂಠಿಯನ್ನು ಜಜ್ಜಿ ಹಾಕಿ. ಉರಿಯನ್ನು ಕಮ್ಮಿ ಮಾಡಿ 1 ನಿಮಿಷ ಹುರಿಯಿರಿ.

* ನಂತರ ಹಸಿ ಮಾವಿನ ಕಾಯಿಯನ್ನು ಸೇರಿಸಿ.

* ಈಗ ಅರಿಶಿಣ ಪುಡಿ ಹಾಗೂ ಜೀರಿಗೆ ಪುಡಿ ಹಾಕಿ, ನಂತರ ಬಾಸುಮತಿ ಅಕ್ಕಿ ಹಾಕಿ, ಅಕ್ಕಿಯ ಎರಡು ಪಟ್ಟು ನೀರು ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ 2 ವಿಶಲ್ ಬರುವವರೆಗೆ ಬೇಯಿಸಿ.

* ನಂತರ ಇದನ್ನು ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಮ್ಯಾಂಗೋ ಪಲಾವ್ ರೆಡಿ.