ಸುಲಭವಾಗಿ ತಯಾರಿಸಬಹುದು ಶುಂಠಿ ಫ್ರೈಡ್ ರೈಸ್

ಮಳೆಗಾಲದಲ್ಲಿ ಶುಂಠಿ ತಿಂದರೆ ತುಂಬಾ ಒಳ್ಳೆಯದು. ಶುಂಠಿ ಜೀರ್ಣಕ್ರಿಯೆಯನ್ನು ಹೆಚ್ಚು ಮಾಡಲು ಸಹಕಾರಿಯಾಗಿದೆ. ಈ ಶುಂಠಿ ಬಳಸಿ ಶುಂಠಿ ಫ್ರೈಡ್ ರೈಸ್ ತಯಾರಿಸಬಹುದು. ಈ ಫ್ರೈಡ್ ರೈಸ್ ಬಾಯಿಗೆ ರುಚಿ ಮತ್ತು ಆರೋಗ್ಯಕ್ಕೆ ಒಳ್ಳೆಯದು. ಇದನ್ನು ತುಂಬಾ ಸುಲಭವಾಗಿ ತಯಾರಿಸಬಹುದಾಗಿದ್ದು ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 2 ಕಪ್ ಬಾಸುಮತಿ ಅಕ್ಕಿ
* 8-10 ಫ್ರೆಂಚ್ ಬೀನ್ಸ್
* 1 ಕ್ಯಾರೆಟ್
* 1 ಕ್ಯಾಪ್ಸಿಕಂ (ದುಂಡು ಮೆಣಸು)
* 2 ಈರುಳ್ಳಿ (ಕತ್ತರಿಸಿದ್ದು)
* ಒಂದು ಚಮಚ ಶುಂಠಿ ಪೇಸ್ಟ್
* 3 ಚಮಚ ಎಣ್ಣೆ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಅಕ್ಕಿಯನ್ನು ಚೆನ್ನಾಗಿ ತೊಳೆದು 2 ಕಪ್ ಅಕ್ಕಿಗೆ 31/2 ಕಪ್ ನೀರು ಹಾಕಿ ಬೇಯಿಸಬೇಕು (ತುಂಬಾ ಬೇಯಿಸಬಾರದು, ಅನ್ನ ಮುಕ್ಕಾಲು ಭಾಗದಷ್ಟು ಬೆಂದಿರಬೇಕು)

2. ನಂತರ ಆ ಅನ್ನವನ್ನು ಒಂದು ಅಗಲವಾದ ಪಾತ್ರೆಗೆ ಹಾಕಬೇಕು.

3. ನಂತರ ಬಾಣಲೆಗೆಎಣ್ಣೆ ಹಾಕಿ ಅದರಲ್ಲಿ ಕತ್ತರಿಸಿದ ಕ್ಯಾರೆಟ್, ಕತ್ತರಿಸಿದ ಬೀನ್ಸ್ ಮತ್ತು ದುಂಡು ಮೆಣಸಿನ ಕಾಯಿ ಹಾಕಿ ಹುರಿಯಬೇಕು, ಫ್ರೆಂಚ್ ಬೀನ್ಸ್ ಬೆಂದಾಗ ಶುಂಠಿ ಪೇಸ್ಟ್ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ, ಶುಂಠಿ ಪೇಸ್ಟ್ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

4. ನಂತರ ಬಾಸುಮತಿ ಅನ್ನವನ್ನು ಹಾಕಿ ಮಿಶ್ರ ಮಾಡಿ 2 ನಿಮಿಷ ಬಿಸಿ ಮಾಡಿ ಉರಿಯಿಂದ ಪಾತ್ರೆ ತೆಗೆದು ಆ ಪಾತ್ರೆಯ ಬಾಯಿಯನ್ನು ಮತ್ತೊಂದು ಪಾತ್ರೆಯಿಂದ ಮುಚ್ಚಿ ಸ್ವಲ್ಪ ಹೊತ್ತು ಇಟ್ಟು ನಂತರ ಬಡಿಸಬೇಕು. ಟೊಮೆಟೊ ಸಾಸ್ ಜೊತೆಗೆ ಈ ಫ್ರೈಡ್ ರೈಸ್ ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.