ಸ್ಪೆಷಲ್ ಟೊಮೆಟೊ ರೈಸ್ ಮಾಡಿ ವೆರಿನೈಸ್ ಅನ್ನಿರಿ

Published: Friday, June 24, 2011, 10:01 [IST]

ನೀವು ಒಂದು ದಿನ ಪಲಾವ್, ಇನ್ನೊಂದು ದಿನ ಪುಳಿಯೋಗರೆ, ಮತ್ತೊಂದು ದಿನ ಟೊಮೆಟೊ ರೈಸ್ ಮಾಡುತ್ತಿರಬಹುದು. ಆದರೆ ಅದನ್ನು ಒಂದೇ ಬಗೆಯಲ್ಲಿ ಮಾಡುತ್ತಿದ್ದರೆ ನಾಲಗೆಗೆ ಬೋರ್ ಹೊಡೆಸೋದು ಗ್ಯಾರಂಟಿ. ಟೊಮೆಟೊ ರೈಸನ್ನು ಇವತ್ತು ಒಂದಿಷ್ಡು ಸ್ಪೆಷಲ್ ಆಗಿ ಮಾಡೋಣ.

ಬೇಕಾಗುವ ವಸ್ತುಗಳು
* ನಾಲ್ಕು ಟೊಮೆಟೊ
* 5 ಎಸಲು ಬೆಳ್ಳುಳ್ಳಿ
* ಅರಸಿನ ಪುಡಿ ಅರ್ಧ ಚಮಚ
* ಕೊಂಚ ಕೊತ್ತಂಬರಿ ಸೊಪ್ಪು, ಸ್ವಲ್ಪ ಖಾರದ ಪುಡಿ
* ಈರುಳ್ಳಿ ಒಂದು ಸಾಕು
* ಶುಂಠಿ ಒಂದು ಪೀಸ್, ಕರಿಬೇವು ಒಗ್ಗರಣೆಗೆ ಬೇಕಾದಷ್ಟು
* ಒಂದು ಬಟ್ಟಲು ಬಾಸುಮತಿ ಅಕ್ಕಿ
* ತೆಂಗಿನ ಹಾಲು ಒಂದು ಬಟ್ಟಲು ಸಾಕು.
* ರುಚಿಗೆ ತಕ್ಕಷ್ಟು ಉಪ್ಪು

ಮಾಡೋದು ಹೇಗೆ ?

* ಅಕ್ಕಿಯನ್ನು ಕಾಲುಗಂಟೆ ನೀರಲ್ಲಿ ನೆನೆಸಿಡಿ
* ಬಾಣಲೆಗೆ ಕೊಂಚ ನೀರು ಹಾಕಿ ಒಲೆಯ ಮೇಲಿಡಿ. ಅದಕ್ಕೆ ಸ್ವಲ್ಪ ಉಪ್ಪು ಹಾಕಿ.
* ನೀರು ಬಿಸಿಯಾದ ನಂತರ ಟೊಮೆಟೊ ದೊಡ್ಡದಾಗಿ ಕಟ್ ಮಾಡಿ ಅದಕ್ಕೆ ಹಾಕಿ. ಚೆನ್ನಾಗಿ ಟೊಮೆಟೊ ಬೇಯಲಿ.
* ಬೆಂದ ಟೊಮೆಟೊ ತಣ್ಣಗಾದ ನಂತರ ಅದನ್ನು ಮಿಕ್ಸಿಗೆ ಹಾಕಿ ರುಬ್ಬಿರಿ.
* ಬಾಣಲೆಗೆ ಎಣ್ಣೆ ಹಾಕಿ. ಕರಿಬೇವು ಇತ್ಯಾದಿ ಒಗ್ಗರಣೆ ವಸ್ತುಗಳನ್ನು ಹಾಕಿ ಒಗ್ಗರಣೆ ಮಾಡಿ.
* ಅದಕ್ಕೆ ಶುಂಠಿ, ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಕೆಂಪಗೆ ಫ್ರೈಮಾಡಿರಿ.
* ಈರುಳ್ಳಿ ಪೀಸ್ ಹಾಕಿ ಫ್ರೈ ಮಾಡಿರಿ.
* ನಂತರ ರುಬ್ಬಿದ ಟೊಮೆಟೊ ಹಾಕಿರಿ.
* ತೆಂಗಿನ ಹಾಲು ಹಾಕಿರಿ, ನಂತರ ಸ್ವಲ್ಪ ನೀರು ಹಾಕಿರಿ. ತೆಂಗಿನ ಹಾಲು ಮತ್ತು ನೀರಿನ ಪ್ರಮಾಣ ಅನ್ನ ಬೇಯಲು ಬೇಕಾದಷ್ಟಿರಲಿ.
* ನೀರು ಕುದಿಯುತ್ತಿರುವಾಗ ಅನ್ನ ಹಾಕಿ. ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ

ಅನ್ನ ಬೇಯ್ದ ಮೇಲೆ ತಿಂದು ನೋಡಿ. ನೀವು ಯಾವಾಗಲೂ ಮಾಡುವುದಕ್ಕಿಂತ ಈ ಟೊಮೆಟೊ ರೈಸ್ ಒಂಚೂರು ಸ್ಪೆಷಲ್ ಆಗಿರುತ್ತದೆ. ಟ್ರೈಮಾಡಿನೋಡಿ.