ಇಡ್ಲಿಸಾಂಬಾರ್

ಬಿಸಿಬಿಸಿ ಇಡ್ಲಿ ಅಥವಾ ವಡೆಗೆ ಸಾಂಬಾರ್ ಇದ್ದರೇನೇ ಚೆಂದ. ಚಟ್ನಿ ಅಷ್ಟು ಸರಿಬರುವುದಿಲ್ಲ. ಹೋಟಲ್‌ನ ಇಡ್ಲಿಸಾಂಬಾರ್ ತಿಂದು ಬೇಸರವಾಗಿದ್ದರೆ. ಇಡ್ಲಿ ಸಾಂಬಾರನ್ನು ಮನೆಯಲ್ಲೇ ತಯಾರಿಸಿಕೊಳ್ಳಬಹುದು.

ಬೇಕಾಗುವ ಸಾಮಗ್ರಿ :

ಒಣ ಕೊಬ್ಬರಿ : 1 ಗಿಟುಕು
ಒಣ ಮೆಣಸಿನ ಕಾಯಿ : 150 ಗ್ರಾಂ
ಕೊತ್ತಂಬರಿ ಬೀಜ : 100 ಗ್ರಾಂ
ಕಡಲೆ ಬೇಳೆ : 50 ಗ್ರಾಂ
ಉದ್ದಿನ ಬೇಳೆ : 25 ಗ್ರಾಂ
ಚಕ್ಕೆ : ಬೆರಳುದ್ದದ ತುಂಡು
ಮೆಣಸು : 2 ಟೀ ಚಮಚ
ಹಿಂಗು : ಕಡಲೆ ಕಾಳು ಗಾತ್ರ
ಉಪ್ಪು : ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ :

ಮೇಲಿನ ಎಲ್ಲಾ ಪದಾರ್ಥಗಳನ್ನೂ ಹದವಾಗಿ ಹುರಿದು ಪುಡಿ ಮಾಡಿಟ್ಟುಕೊಳ್ಳಿ, ಅಲ್ಲಿಗೆ ಇಡ್ಡಿಸಾಂಬಾರಿನ ಪುಡಿ ರೆಡಿ. ಈಗ ಸ್ವಲ್ಪ ತೊಗರಿ ಬೇಳೆಯನ್ನು ನೀರಿನಲ್ಲಿ ಬೇಯಿಸಿ. ಅದಕ್ಕೆ ಇಡ್ಲಿಸಾಂಬಾರಿನ ಪುಡಿ, ಹುರಿದ ಈರುಳ್ಳಿ, ನುಣ್ಣಗೆ ಅರೆದ ತೆಂಗಿನ ಕಾಯಿಯನ್ನು ಬೆರೆಸಿ ಬೇಳೆ ಕಟ್ಟಿನೊಂದಿಗೆ ಕುದಿಸಿ. ಇದಕ್ಕೆ ರುಚಿಗೆ ತಕ್ಕಷ್ಟು ಉಪ್ಪು ಬೆರೆಸಿದರೆ ಇಡ್ಲಿಸಾಂಬಾರ್ ತಯಾರಾಗುತ್ತೆ. ಇಡ್ಲಿಸಾಂಬಾರ್‍ನ ರುಚಿ ಹೆಚ್ಚಲು ಬೇಳೆಯೊಂದಿಗೆ ಈರುಳ್ಳಿ, ಬದನೆಕಾಯಿ, ಮಂಗಳೂರು ಸೌತೆಕಾಯಿ ಇತ್ಯಾದಿ ತರಕಾರಿಗಳನ್ನು ಬಳಸಬಹುದು. ಇಡ್ಲಿ, ವಡೆಗೆ ಸಾಂಬಾರ್ ಬೆರೆಸಿ ತಿನ್ನಲು ಬಲು ರುಚಿಯಾಗಿರುತ್ತದೆ.

(ದಟ್ಸ್‌ಕನ್ನಡ ಪಾಕಶಾಲೆ)