ಮೆಣಸಿನ ಸಾರಿನ ಘಮ್ಮತ್ತು ಈ ಕಾಲಕ್ಕಿರಲಿ

ಮೆಣಸಿನ ಸಾರಿಗೆ ಬೇಕಾಗುವ ಸಾಮಗ್ರಿ: 2 ಚಮಚ ಮೆಣಸಿನ ಪುಡಿ, 1 1/2 ಚಮಚ ಜೀರಿಗೆ, 1/2 ಚಮಚ ಸಾಸಿವೆ, ಕರಿಬೇವು, 3 ಚಮಚ ಹುಣಸೇ ರಸ, 1 ಚಮಚ ಬೆಲ್ಲದ ಪುಡಿ, ಕೊತ್ತಂಬರಿ ಸೊಪ್ಪು, ಸ್ವಲ್ಪ ಇಂಗು, ಉಪ್ಪು, ತುಪ್ಪ, 7 ಲೋಟ ನೀರು, 2 ಕೆಂಪು ಮೆಣಸಿನಕಾಯಿ (ಬೇಕಿದ್ದರೆ), ಎಣ್ಣೆ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್.

ಮೆಣಸಿನ ಸಾರು ಮಾಡುವ ವಿಧಾನ:
* ಪಾತ್ರೆಯೊಂದರಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಸಾಸಿವೆ, ಜೀರಿಗೆ, ಕೊತ್ತಂಬರಿ ಮತ್ತು ಕೆಂಪು ಮೆಣಸಿನಕಾಯಿಯನ್ನು 1 ನಿಮಿಷ ಹುರಿದುಕೊಳ್ಳಬೇಕು.

* ಅದಕ್ಕೆ ನೀರು, ಮೆಣಸಿನ ಪುಡಿ, ಉಪ್ಪು, ಬೆಲ್ಲದ ಪುಡಿ, ಶುಂಠಿ ಪೇಸ್ಟ್, ಬೆಳ್ಳುಳ್ಳಿ ಪೇಸ್ಟ್ ಮತ್ತು ಹುಣಸೇ ರಸವನ್ನು ಬೆರೆಸಿ ಚೆನ್ನಾಗಿ ತಿರುಗಿಸಬೇಕು.

* ಈ ಮಿಶ್ರಣ ಕುದಿಯುವವರೆಗೂ ಸಣ್ಣ ಉರಿಯಲ್ಲಿ ಬೇಯಲು ಬಿಡಬೇಕು.

* ತುಪ್ಪದಲ್ಲಿ ಇಂಗನ್ನು ಹುರಿದು ರಸಕ್ಕೆ ಒಗ್ಗರಣೆ ನೀಡಬೇಕು.

* ಕೊನೆಯಲ್ಲಿ ಚಿಕ್ಕದಾಗಿ ಕತ್ತರಿಸಿದ ಕೊತ್ತಂಬರಿ ಸೊಪ್ಪನ್ನು ಈ ಮಿಶ್ರಣದ ಮೇಲೆ ಉದುರಿಸಿದರೆ ರುಚಿಯಾದ ಮೆಣಸಿನ ಸಾರು ತಿನ್ನಲು ರೆಡಿಯಾಗಿರುತ್ತೆ.

ಬಿಸಿ ಬಿಸಿ ಅನ್ನದೊಂದಿಗೆ ತಿಂದರೆ ಇದರ ರುಚಿ ದುಪ್ಪಟ್ಟಿರುತ್ತೆ.