ರುಚಿಕಟ್ಟಾದ ಗೊಡ್ಡು ಸಾರನ್ನು 5 ನಿಮಿಷದಲ್ಲಿ ಮಾಡಿ

ಬೇಕಾದ ಪದಾರ್ಥಗಳು :
ಹುಣಸೇ ಹಣ್ಣು (ನಿಂಬೆ ಹೋಳಿನಷ್ಟು ಚಿಕ್ಕದಾದ ಬಟ್ಟಲು ತುಂಬುವಷ್ಟು)
ಸಾರಿನ ಪುಡಿ- 2 ಟೀ ಚಮಚ
ತುಪ್ಪ- 2 ಟೀ ಚಮಚ
ಒಂದಿಷ್ಟು ಕೊತ್ತಂಬರಿ ಸೊಪ್ಪು
ಒಗ್ಗರಣೆಗೆ ಹಾಗೂ ರುಚಿಗೆ ತಕ್ಕಷ್ಟು ಕರಿಬೇವು, ಜೀರಿಗೆ, ಇಂಗು, ಬೆಲ್ಲ, ಉಪ್ಪು.

ಮಾಡುವುದು ಹೀಗೆ-
ಹುಣಸೇಹಣ್ಣನ್ನು ನೀರಲ್ಲಿ ನೆನೆಸಿ ಹಿಂಡಿ. ಒಲೆಯ ಮೇಲೆ ಚಿಕ್ಕ ಪಾತ್ರೆಯಲ್ಲಿ ನೀರಿಟ್ಟು, ಹುಣಸೇನೀರನ್ನು ಸೇರಿಸಿ. ಸಾರಿನ ಪುಡಿ, ರುಚಿಗೆ ತಕ್ಕಷ್ಟು ಉಪ್ಪು, ಬೆಲ್ಲ, ಕೊತ್ತಂಬರಿ ಸೊಪ್ಪು ಹಾಕಿ ಕುದಿಯಲು ಬಿಡಿ. ಬೇಕಾದರೆ ಅರ್ಧ ಚಮಚದಷ್ಟು ಅರಿಶಿನ ಪುಡಿಯನ್ನೂ ಹಾಕಬಹುದು. ಮಧ್ಯಮ ಉರಿಯಲ್ಲಿ ಕುದಿಸಿದರೆ ರುಚಿ ಹೆಚ್ಚು.

ಆಮೇಲೆ ಒಗ್ಗರಣೆ ಪದಾರ್ಥಗಳನ್ನು ಉಪಯೋಗಿಸಿ ತುಪ್ಪದ ಒಗ್ಗರಣೆ ಹಾಕಿ, ಸಾಸಿವೆ ಚಿಟಿಚಿಟಿ ಎನ್ನಲಿ. ಐದೇ ನಿಮಿಷಕ್ಕೆ ಗೊಡ್ಡು ಸಾರು ತಯಾರ್‌. ಇದನ್ನು ಅನ್ನದ ಜೊತೆ ಕಲಸಿಯೂ ಹೊಡೆಯಬಹುದು, ಅನುಭವಿಸುತ್ತ ಕುಡಿಯಲೂಬಹುದು. ಆರೋಗ್ಯಕ್ಕೆ ಇದು ಒಳ್ಳೆಯದು.