ಸರಿಸಾಟಿ ಯಾವುದಿಲ್ಲ ಈ ಟೊಮೆಟೊ ಸಾರಿಗೆ

ವಿಟಮಿನ್, ಮಿನರಲ್, ನಾರಿನಂಶ ಹೇರಳವಾಗಿರುವ ಈ ಟೊಮೆಟೊ ತ್ವಚೆಗೂ ಕಾಂತಿ ನೀಡುತ್ತೆ. ಟೊಮೆಟೊ ಬಳಸಿಕೊಂಡು ರುಚಿಕರವಾದ ಸಾರು ಅಥವಾ ರಸಂ ಅನ್ನು ಹೇಗೆ ತಯಾರಿಸುವುದು ಎಂದು ಈಗ ತಿಳಿಯೋಣ.

ಟೊಮೆಟೊ ಸಾರಿಗೆ ಬೇಕಾಗುವ ಪದಾರ್ಥ:
* 2 ಟೊಮೆಟೊ
* 2 ಚಮಚ ರಸಂ ಪುಡಿ
* 1/2 ಕರಿಬೇವು, 3 ಬೆಳ್ಳುಳ್ಳಿ ಎಸಳು
* ಸ್ವಲ್ಪ ಬೆಲ್ಲ, ರುಚಿಗೆ ಉಪ್ಪು
* 1 ಕಪ್ ತೊಗರಿ ಬೇಳೆ
* ಅರಿಶಿನ, ಎಣ್ಣೆ, ಸ್ವಲ್ಪ ಇಂಗು
* 1 ಚಮಚ ಸಾಸಿವೆ
* 3-4 ಹುಣಸೇಹಣ್ಣಿನ ರಸ
* ಕೊತ್ತಂಬರಿ

ಟೊಮೆಟೊ ಸಾರು ಅಥವಾ ರಸಂ ಮಾಡುವುದು ಹೇಗೆ?
* ತೊಗರಿ ಬೇಳೆಗೆ ಚಿಟಿಕೆ ಅರಿಶಿನ, ಬೆಳ್ಳುಳ್ಳಿ ಎಸಳು ಮತ್ತು ಒಂದೆರಡು ಹನಿ ಎಣ್ಣೆ ಬೆರೆಸಿ ಕುಕ್ಕರ್ ನಲ್ಲಿ ಚೆನ್ನಾಗಿ ಬೇಯಿಸಬೇಕು.
* ಒಂದು ಪಾತ್ರೆಗೆ ಒಂದು ಗ್ಲಾಸ್ ನೀರು ಹಾಕಿ ಕತ್ತರಿಸಿದ ಟೊಮೆಟೊ, ರಸಂ ಪುಡಿ, ಉಪ್ಪು, ಹುಣಸೆ ರಸ, ಕರಿಬೇವು, ಕೊತ್ತಂಬರಿ, ಬೆಲ್ಲ ಎಲ್ಲವನ್ನೂ ಸೇರಿಸಿ ಇದು ಚೆನ್ನಾಗಿ ಕುದಿಯುವವರೆಗೂ ಕಾಯಬೇಕು.
* ನಂತರ ಬೆಂದ ಈ ಮಿಶ್ರಣಕ್ಕೆ ಚೆನ್ನಾಗಿ ಬೆಂದ ತೊಗರಿ ಬೇಳೆ ಬೆರೆಸಿ ಚೆನ್ನಾಗಿ ಮಸೆದು ತಿರುಗಿಸಿ ಸಣ್ಣನೆಯ ಕಾವಿನಲ್ಲಿ ಒಲೆಯ ಮೇಲಿಡಬೇಕು. ನಿಮ್ಮ ಅಗತ್ಯಕ್ಕೆ ತಕ್ಕಂತೆ ಸಾರಿಗೆ ಇನ್ನೂ ನೀರನ್ನು ಬೆರೆಸಿಕೊಳ್ಳಬಹುದು.
* ಈಗ ಚಿಕ್ಕ ಬಾಣಲೆಯಲ್ಲಿ ಎಣ್ಣೆ ಹಾಕಿ ಸಾಸಿವೆ, ಕರಿಬೇವು ಮತ್ತು ಇಂಗಿನಿಂದ ಒಗ್ಗರಣೆ ಹಾಕಿಕೊಂಡು ಸಾರಿಗೆ ಬೆರೆಸಿ ಕುದಿಸಬೇಕು.

ಈಗ ರುಚಿಕರ ಮತ್ತು ಮಸಾಲೆ ಭರಿತವಾದ ಟೊಮೆಟೊ ಸಾರು ತಿನ್ನಲು ಸಿದ್ಧವಾಗಿದೆ. ಅನ್ನದೊಂದಿಗೆ ತುಪ್ಪ ಬೆರೆಸಿ ಟೊಮೆಟೊ ಸಾರಿನ ರುಚಿ ಸವಿಯಬಹುದು.