ಅಸಿಡಿಟಿಗೆ ಸುದರ್ಶನ ಚಕ್ರ ಕೋಕಂ ಸಾರು

Rasam

oi-Mahesh Malnad

By Mahesh

Published: Friday, September 17, 2010, 16:21 [IST]

ಕೋಕಂ ಹಣ್ಣು ಅಡುಗೆ ಮನೆ ಪ್ರವೇಶಿಸಿ ಒಂದು ಗಂಟೆಯಲ್ಲೇ ಘಮ ಘಮಿಸಿ ಸಾರು ಆಗಿ ನಿಮ್ಮ ಹೊಟ್ಟೆ ಸೇರಿ ಅಸಿಡಿಟಿ, ಒಬೆಸಿಟಿ ನಾಶವಾಗುವುದು ಖಂಡಿತ. ಸರಳವಾಗಿ ಕೋಕಂ ಸಾರು ಮಾಡುವ ವಿಧಾನ ಇಲ್ಲಿದೆ.

ತಯಾರಿಸಲು ಬೇಕಾದ ಸಮಯ : 30 ರಿಂದ 45 ನಿಮಿಷ

ತಯಾರಿಸಲು ಬೇಕಾದ ಪದಾರ್ಥಗಳು:
12 ರಿಂದ 15 ಕೋಕಂಗಳು
1 ಕಪ್ ಬಿಸಿನೀರು
3 ರಿಂದ 4 ಗ್ಲಾಸ್ ತಣ್ಣೀರು ಅಥವಾ ತಿಳಿಯಾದ ತೆಂಗಿನ ಕಾಯಿ ರಸ
ಸ್ವಲ್ಪ ಉಪ್ಪು
1 ಟೀ ಚಮಚ ಸಕ್ಕರೆ ಅಥವಾ ಸ್ವಲ್ಪ ಬೆಲ್ಲ
ಒಗ್ಗರಣೆಗೆ : ಎಣ್ಣೆ, ಚಿಟಿಕೆಯಷ್ಟು ಇಂಗು,ಜೀರಿಗೆ, ಸಾಸಿವೆ

* ಕೋಕಂ ಅನ್ನು 1 ಕಪ್ ಬಿಸಿನೀರಿನಲ್ಲಿ ಅರ್ಧ ಗಂಟೆ ಕಾಲ ನೆನಸಿಡಿ.
* ನೀರಿನ ಬಣ್ಣ ಕೆಂಪಗಾಗುವವರೆಗೂ ನಂತರಕೋಕಂ ಹಣ್ಣನ್ನು ಮೆದುವಾಗಿ ಹಿಚುಕಿರಿ.
* ರಕ್ತವರ್ಣದ ಮಿಶ್ರಣವನ್ನು ಚೆನ್ನಾಗಿ ಕಲಕಿರಿ.
* ನಂತರ 3 ರಿಂದ 4 ಗ್ಲಾಸ್ ತಣ್ಣೀರು ಬೆರೆಸಿ, ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಸಕ್ಕರೆ ಹಾಕಿ ಚೆನ್ನಾಗಿ ಕಲಕಿ.
* ಮಿಶ್ರಣಕ್ಕ್ಕೆ ಜೀರಿಗೆ , ಇಂಗಿನ ಒಗ್ಗರಣೆ ಹಾಕಿ, ತಾಜಾ ಕರಿಬೇವು ಉದುರಿಸಿ.

ಸೂಚನೆ: ನೀರಿನ ಬದಲಿಗೆ ತೆಂಗಿನ ಹಾಲನ್ನು ಬಳಸಿದರೆ ಒಂದೆರಡು ಬೆಳ್ಳುಳ್ಳಿ ಎಸೆಳುಗಳನ್ನು ಬಳಸಬೇಕು. ತೆಂಗಿನ ಹಾಲಿನ ಜೊತೆ ಬೆಳ್ಳುಳ್ಳಿ ಎಸೆಳುಗಳನ್ನು ಅರೆದುಕೊಂಡು ನಂತರ ಕೋಕಂ ಮಿಶ್ರಣಕ್ಕೆ ಬೆರೆಸಬಹುದು. ತೆಂಗಿನ ಹಾಲು ಬಳಸಿದರೆ ಅಗತ್ಯವಿದ್ದರೆ ಮಾತ್ರ ಸಕ್ಕರೆ ಬಳಸಿ. ಕೋಕಂ ಸಾರು ಹಾಗೆ ಕುಡಿಯಲೂ ಬಹುದು ಅಥವಾ ಅನ್ನದೊಡನೆ ಬೆರೆಸಿ ತಿನ್ನಬಹುದು.