ಕಾಳುಮೆಣಸು ಹುಣಿಸೆಹಣ್ಣಿನ ಹುಳಿ

ಬೇಕಾಗುವ ಪದಾರ್ಥಗಳು :

ಸಪೋಟ ಹಣ್ಣಿನ ಗಾತ್ರದಷ್ಟು ಹುಣಿಸೆಹಣ್ಣು
ಸ್ವಲ್ಪ ತಾಜಾ ಕರಿಬೇವಿನ ಸೊಪ್ಪು
ಉಪ್ಪು
ಒಂದು ಟೀ ಚಮಚ ಕಾಳು ಮೆಣಸು
ಕಡಲೇಬೇಳೆ 1 ಚಮಚ
ಕೊತ್ತಂಬರಿ ಬೀಜ 1 ಚಮಚ
ಕೆಂಪುಮೆಣಸಿನಕಾಯಿ 4
ರುಚಿಗೆ ತಕ್ಕಷ್ಟು ಚಿಟಿಕೆ ಇಂಗಿನಪುಡಿ
ಒಗ್ಗರಣೆಗೆ ಸಾಸಿವೆ.

ಮಾಡುವ ವಿಧಾನ

ಹುಣಿಸೆಹಣ್ಣನ್ನು ಅರ್ಧ ಗಂಟೆ ನೆನೆಯಿಟ್ಟು ಅದರಿಂದ ರಸ ತೆಗೆದಿಟ್ಟುಕೊಳ್ಳಿರಿ. ಮಸಾಲೆಗೆ ಹೆಳಲಾದ ಒಟ್ಟು ಐದು ಐಟಂಗಳನ್ನು ಎಣ್ಣೆ ಹಾಕದೆ ಹುರಿದುಕೊಂಡು ಮಿಕ್ಸಿಯಲ್ಲಿ ನುಣ್ಣಗೆ ಪುಡಿ ಮಾಡಿ ಸ್ಪಲ್ಪ ನೀರಿನಲ್ಲಿ ನೆನೆಸಿಡಿ. ಬಾಣಲೆಯನ್ನು ಒಲೆ ಮೇಲಿಟ್ಟು ಚೂರು ಎಣ್ಣೆ ಹಾಕಿ. ಕಾದ ನಂತರ ಸಾಸಿವೆ ಚಟಪಟಗುಟ್ಟಲಿ. ನಂತರ ಉಪ್ಪು ಮತ್ತು ಹುಣಿಸೆ ಹಣ್ಣಿನ ರಸ ಬೆರೆಸಿ ಹಸಿ ವಾಸನೆ ಮೂಗುಮರೆಯಾಗುವವರೆಗೆ ಕುದಿಸಿರಿ. ಆನಂತರ ಪುಡಿಮಾಡಿಟ್ಟುಕೊಂಡ ಮಸಾಲೆಯನ್ನು ಬೆರೆಸಿ ಮತ್ತೆ ಕೊತಕೊತ ಕುದಿಸಿರಿ. ನೀರು ಎಷ್ಟು ಬೇಕು? ಅಳತೆನೋಡಿಕೊಂಡು ಬೆರೆಸಿಕೊಳ್ಳಿರಿ. ಕೊನೆಗೆ ಕರಿಬೇವಿನ ಇಡಿಇಡಿ ಸೊಪ್ಪನ್ನು ಚಿಮುಕಿಸಿ. ಕೆಳಗಿಳಿಸಿ. ಬಿಸಿಬಿಸಿ ಅನ್ನ ಕಾಳುಮೆಣಸಿನ ಹುಳಿಯ ರುಚಿ ಸವಿಯಿರಿ.