ಬೆಂಗಾಲಿ ಖಾದ್ಯ ನಿಮ್ಮ ಅಡುಗೆ ಮನೆಯಲ್ಲಿ

Palya

oi-Reena

By Hema S

Published: Friday, November 4, 2011, 12:45 [IST]

ಗಸೆಗಸೆ ಮತ್ತು ಆಲೂಗೆಡ್ಡೆಯಿಂದ ಪಲ್ಯ ಮಾಡಿದರೆ ಹೇಗಿರುತ್ತದೆ ಗೊತ್ತಾ ಅದರ ರುಚಿಗೆ ಒಂದು ತುತ್ತು ಅನ್ನ ಜಾಸ್ತಿನೆ ಸೇರುತ್ತದೆ . ಈ ಆಲೂ ಮತ್ತು ಗಸೆಗಸೆಯಿಂದ ಪಲ್ಯ ಮಾಡುವುದು ಬೆಂಗಾಲಿ ಶೈಲಿಯ ಅಡುಗೆಯಾಗಿದ್ದು, ಮಾಡುವ ವಿಧಾನ ಕೂಡ ಸುಲಭವಾಗಿದೆ.

ಬೇಕಾಗುವ ಸಾಮಗ್ರಿಗಳು:

1. ಚಿಕ್ಕದಾಗಿ ಕತ್ತರಿಸಿದ ಆಲೂಗೆಡ್ಡೆ 2-6
2. ಕತ್ತರಿಸಿದ ಈರುಳ್ಳಿ 2
3. ಹಸಿಮೆಣಸು 4 ಹಾಕಿ ಪೇಸ್ಟ್ ಮಾಡಬೇಕು
4. ಗಸೆಗಸೆ 2 ಚಮಚ
5. ಅರಿಶಿಣ ಒಂದು ಚಿಟುಕು
6. ಸಾಸಿವೆ ಎಣ್ಣೆ 1 ಚಮಚ
7. ಪಲಾವ್ ಎಲೆ 2
9. ಉಪ್ಪು ರುಚಿಗೆ ತಕ್ಕಷ್ಟು
10. ಕರಿ ಜೀರಿಗೆ 1 ಚಮಚ

ಮಾಡುವ ವಿಧಾನ:

1. ಗಸೆಗಸೆಯನ್ನು 2 ಗಂಟೆಗಳ ನೀರಿನಲ್ಲಿ ನೆನೆ ಹಾಕಿರಬೇಕು.

2. ಆಲೂಗೆಡ್ಡೆಯನ್ನು ಸ್ವಲ್ಪ ನೀರಿನಲ್ಲಿ ಬೇಯುವಂತೆ ಚಿಕ್ಕದಾಗಿ ಕತ್ತರಿಸಬೇಕು.

3. ಗಸೆಗಸೆಯನ್ನು ಸ್ವಲ್ಪ ಹುರಿದು ಅದನ್ನು ಮತ್ತು ಮೆಣಸನ್ನು ಸೇರಿಸಿ ಅರಿಯಬೇಕು.

4. ಎಣ್ಣೆಯನ್ನು ಬಾಣಲೆಯಲ್ಲಿ ಹಾಕಿ ಅದು ಕುದಿ ಬಂದ ನಂತರ ಅದಕ್ಕೆ ಪಲಾವ್ ಎಲೆ ಮತ್ತು ಕರಿ ಜೀರಿಗೆಯನ್ನು ಹಾಕಬೇಕು.

5. ನಂತರ ಅದಕ್ಕೆ ಕತ್ತರಿಸಿದ ಈರುಳ್ಳಿ ಹಾಕಿ ಅದು ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

6. ಈಗ ಆಲೂಗೆಡ್ಡೆ ಹಾಕಿ ಹುರಿಯಬೇಕು, ಆಲೂಗೆಡ್ಡೆ ವಾಸನೆ ಬರಲು ಪ್ರಾರಂಭಿಸಿದಾಗ ಅದಕ್ಕೆ ಗಸೆಗಸೆ ಮತ್ತು ಮೆಣಸಿನ ಪೇಸ್ಟ್ ಹಾಕಬೇಕು.

7. ನಂತರ ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಸ್ವಲ್ಪ ಅರಿಶಿಣ ಹಾಕಿ 2-3 ನಿಮಿಷ ಹುರಿದು ನಂತರ 1/2 ಕಪ್ ನೀರು ಹಾಕಿ ತಪ್ಪಲಿಯನ್ನು ಮುಚ್ಚಿ ಬೇಯಲು ಬಿಡಬೇಕು.

8. ಸ್ವಲ್ಪ ಹೊತ್ತು ಬಿಟ್ಟು ಅದನ್ನು ಒಮ್ಮೆ ಸೌಟಿನಿಂದ ತಿರುಗಿಸಿ ಸಣ್ಣ ಉರಿಯಲ್ಲಿ 3-4 ನಿಮಿಷ ಬೇಯಿಸಿದರೆ ಗಸೆಗಸೆ ಬೆಂಗಾಲಿ ಆಲೂ ಪಲ್ಯ ರೆಡಿ.