ಪಚನಕ್ರಿಯೆ ವೃದ್ಧಿಸುವ ಬಾಳೆ ದಿಂಡಿನ ಗೊಜ್ಜು

ಬೇಕಾಗುವ ಪದಾರ್ಥಗಳು

ಎಳೆ ಬಾಳೆ ದಿಂಡು, ಅರ್ಧ ಅಡಿಯಷ್ಟು
ಕಾಯಿತುರಿ, ಅರ್ಧ ಬಟ್ಟಲು
ಹಸಿ ಮೆಣಸಿನಕಾಯಿ 3
ಮೊಸರು 1 ಬಟ್ಟಲು
ರುಚಿಗೆ ತಕ್ಕಷ್ಟು ಉಪ್ಪು, ಒಗ್ಗರಣೆಗೆ ಎಣ್ಣೆ, ಸಾಸಿವೆ, ಇಂಗು ಇತ್ಯಾದಿ.

ಗೊಜ್ಜು ತಯಾರಿಸುವ ವಿಧಾನ

ಬಲಿತಿರದ ಎಳೆ ಬಾಳೆ ದಿಂಡನ್ನು ಮೊದಲಿಗೆ ಸಣ್ಣದಾಗಿ ಹೆಚ್ಚಿಕೊಂಡು ನೀರಿನಲ್ಲಿ ಬೇಯಿಸಿರಿ. ನಂತರ ನೀರನ್ನು ಪೂರ್ತಿಯಾಗಿ ಬಸಿದು ತೆಗೆಯಿರಿ. ಕಾಯಿತುರಿ ಮತ್ತು ಹಸಿಮೆಣಸಿನಕಾಯಿ ಮಿಶ್ರಣವನ್ನು ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿರಿ. ರುಬ್ಬಿದ ಮಸಾಲೆಯನ್ನು ಬೇಯಿಸಿದ ಬಾಳೆ ದಿಂಡಿಗೆ ಸೇರಿಸಿರಿ. ಅದಕ್ಕೆ ಮೊಸರು ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ. ನಂತರ ಒಗ್ಗರಣೆಯನ್ನು ಬೆರೆಸಿ ಕಲಿಸಿರಿ. ಈ ಗೊಜ್ಜನ್ನು ಬಿಸಿಬಿಸಿ ಅನ್ನದೊಡನೆ, ಚಪಾತಿ, ರೊಟ್ಟಿಯೊಡನೆಯೂ ಸೇರಿಸಿ ತಿನ್ನಬಹುದು.

ಬಾಳೆದಿಂಡಿನಿಂದ ಗಳನ್ನು ಕೂಡ ತಯಾರಿಸಬಹುದು.