ದಟ್ಸ್ ಪಾಕಶಾಲೆ: ಪರಂಗಿಕಾಯಿ ಪಲ್ಯ

ಪರಂಗಿಕಾಯಿ ಹೇರಳ ಪೋಷಕಾಂಶಗಳ ಕಣಜ. ಶರ್ಕರಪಿಷ್ಠ, ಅನ್ನಾಂಗ ಎ, ಬಿ1, ಬಿ2, ಬಿ3, ಬಿ6, ಸಿ, ಕ್ಯಾಲ್ಸಿಯಂ, ಕಬ್ಬಿಣಾಂಶ, ಮೆಗ್ನಿಷಿಯಂ, ರಂಜಕ, ಪೊಟಾಷಿಯಂ, ಸೋಡಿಯಂ ಅಂಶಗಳು ಯಥೇಚ್ಛವಾಗಿವೆ. ಇಷ್ಟೆಲ್ಲಾ ಪೋಷಕಾಂಶಗಳನ್ನು ಹೊಂದಿರುವ ಪರಂಗಿಕಾಯಿ ಬೆಲೆಯೂ ಅಗ್ಗ್ಗ. ಒಮ್ಮೆ ಪ್ರಯತ್ನಿಸಿ ನೋಡಿ ಎನ್ನುತ್ತಿದ್ದಾರೆ ಬೆಂಗಳೂರಿನ ಶ್ರೀರಕ್ಷಾ.

ಬೇಕಾಗುವ ಸಾಮಗ್ರಿ
ಪರಂಗಿಕಾಯಿ: 1
ಈರುಳ್ಳಿ: 1
ಬೆಳ್ಳುಳ್ಳಿ: 1
ಜೀರಿಗೆಪುಡಿ: 1 ಚಮಚ
ತೆಂಗಿನ ತುರಿ: 1 ಬಟ್ಟಲು
ಹುಣಸೆಹಣ್ಣು: ½ ನಿಂಬೆಹಣ್ಣಿನ ಗಾತ್ರದ್ದು
ಸಾಸಿವೆ, ಕರಿಬೇವು, ಎಣ್ಣೆ: ಒಗ್ಗರಣೆಗೆ
ಉಪ್ಪ್ಪು: ರುಚಿಗೆ ತಕ್ಕಷ್ಟು
ಬೆಲ್ಲ: ಒಂಚೂರು

ತಯಾರಿಸುವ ವಿಧಾನ:
ಪರಂಗಿಕಾಯಿಯ ಸಿಪ್ಪೆ ತೆಗೆದು ಸಣ್ಣ ಸಣ್ಣ ಹೋಳುಗಳಾಗಿ ಹೆಚ್ಚಿಟ್ಟುಕೊಳ್ಳಿ. ಅಗಲವಾದ ಪಾತ್ರೆಯಲ್ಲಿ ಸಾಸಿವೆ, ಸಣ್ಣದಾಗಿ ಹೆಚ್ಚಿಕೊಂಡ ಈರುಳ್ಳಿ, ಬೆಳ್ಳ್ಳುಳ್ಳಿ, ಕರಿಬೇವುವನ್ನು ಎಣ್ಣೆಗೆ ಹಾಕಿ ಒಗ್ಗರಣೆ ತಯಾರಿಸಿ. ಸ್ವಲ್ಪ ನೀರು , ಪರಂಗಿ ಹೋಳುಗಳನ್ನು ಸೇರಿಸಿ ಚೆನ್ನಾಗಿ ಬೇಯಿಸಿ.

ಚೆನ್ನಾಗಿ ಬೆಂದ ನಂತರ, ಜೀರಿಗೆ ಪುಡಿ, ತೆಂಗಿನ ತುರಿ, ಉಪ್ಪು, ಹುಣಸೆಹಣ್ಣು ತಿರುಳು, ಬೆಲ್ಲ ಇವೆಲ್ಲವನ್ನೂ ಒಟ್ಟಿಗೆ ಸೇರಿಸಿ ಕಲಸಬೇಕು. ಪಾತ್ರೆಯನ್ನು ಮುಚ್ಚಿಟ್ಟು ಸಣ್ಣ ಉರಿಯಲ್ಲಿ 10 ನಿಮಿಷಗಳ ಕಾಲ ಬೇಯಿಸಿ. ಪರಂಗಿಕಾಯಿ ಪಲ್ಯವನ್ನು ಚಪಾತಿ, ದೋಸೆಯೊಂದಿಗೆ ಮೆಲ್ಲಬಹುದು.