ಪಪ್ಪಾಯಿಕಾಯಿ ಅಥವಾ ಪರಂಗಿ ಗೊಜ್ಜು

Palya

oi-Prasad P Naik

By * ರೇಣುಕಾ ಜೋಶಿ, ಬೆಳಗಾವಿ

Published: Thursday, July 8, 2010, 16:56 [IST]

ಪಪ್ಪಾಯಿಕಾಯಿಯಿಂದ ತಯಾರಿಸಿದ ರುಚಿಕಟ್ಟಾದ ಗೊಜ್ಜು ಅನ್ನ, ಚಪಾತಿ ಅಥವಾ ದೋಸೆಯೊಡನೆ ತಿನ್ನಬಹುದು. ಇತರ ಹಣ್ಣುಗಳಿಗಿಂತ ಪಪ್ಪಾಯಿ ಒಂದು ಅತ್ಯಧಿಕ ಪೌಷ್ಟಿಕಾಂಶವುಳ್ಳ ಹಣ್ಣು. ಉತ್ತರ ಆರೋಗ್ಯಕ್ಕಾಗಿಯಾದರೂ ಈ ಹೊಸರುಚಿಯನ್ನು ಒಮ್ಮೆ ತಯಾರಿಸಿ ತಿಂದು ನೋಡಿ.

ಬೇಕಾಗುವ ಪದಾರ್ಥಗಳು

ಪಪ್ಪಾಯಿ ಅಥವಾ ಪರಂಗಿ ಕಾಯಿ 1
ಬೆಲ್ಲ ದೊಡ್ಡ ಗಾತ್ರದ ನಿಂಬೆಹಣ್ಣಿನಷ್ಟು
ಹಸಿಮೆಣಸಿನಕಾಯಿ 6
ಹುಣಸೆಹಣ್ಣು ಸಣ್ಣ ತುಂಡು
ಉಪ್ಪು (ಹರಳುಪ್ಪಿದ್ದರೆ ಉತ್ತಮ)
ಸಾಸಿವೆ
ಇಂಗು
ಅರಿಷಿಣ
ಎಣ್ಣೆ

ತಯಾರಿಸುವ ವಿಧಾನ

ಪಪ್ಪಾಯಿ ಕಾಯಿಯನ್ನು ತೊಳೆದು ಅದರ ಸಿಪ್ಪೆಯನ್ನು ಸುಲಿದು ಸಣ್ಣ ಹೋಳುಗಳನ್ನಾಗಿ ಹೆಚ್ಚಿಕೊಳ್ಳಬೇಕು. ಹೋಳುಗಳನ್ನು ಕುಕ್ಕರಿನಲ್ಲಿಟ್ಟು ಸ್ವಲ್ಪ ನೀರು ಹಾಕಿ ಒಂದೇ ಒಂದು ವಿಷಲ್ ಆಗುತ್ತಿದ್ದಂತೆ ಇಳಿಸಿಬಿಡಿ.

ಇನ್ನೊಂದು ಬದಿಯಲ್ಲಿ ಹುಣಸೆಹಣ್ಣು, ಹಸಿಮೆಣಸಿನಕಾಯಿ, ಬೆಲ್ಲ, ಉಪ್ಪು ಸೇರಿಸಿ ಒರಳುಕಲ್ಲಿದ್ದರೆ ಒರಳುಕಲ್ಲಿನಲ್ಲಿ, ಇಲ್ಲದಿದ್ದರೆ ಮಿಕ್ಸಿಯಲ್ಲಿ ರುಬ್ಬಿಕೊಳ್ಳಿ. ಒಂದು ಅಗಲದ ಪಾತ್ರೆಯಲ್ಲಿ ಎಣ್ಣೆ ಹಾಕಿ ತುಸು ಬಿಸಿಯಾದ ನಂತರ ಸಾಸಿವೆ, ಅರಿಷಿಣ, ಇಂಗು ಹಾಕಿ ಅದಕ್ಕೆ ಹಾಕಿರುಬ್ಬಿಕೊಂಡದ್ದನ್ನು ಮತ್ತು ಬೆಂದ ಪಪ್ಪಾಯಿಕಾಯಿಯನ್ನು ಸೇರಿಸಿ ಕುದಿಯಲು ಬಿಡಿ. ಪಾತ್ರೆಯ ಮೇಲೆ ಒಂದು ತಟ್ಟೆ ಇಡುವುದನ್ನು ಮರೆಯಬೇಡಿ.

ಪಪ್ಪಾಯಿಕಾಯಿ ಅಥವಾ ಪರಂಗಿ ಗೊಜ್ಜು ಬಿಸಿ ಅನ್ನದೊಡನೆ ಅಥವಾ ಚಪಾತಿ ಅಥವಾ ದೋಸೆಯೊಡನೆ ತಿನ್ನಲು ಚೆನ್ನಾಗಿರುತ್ತದೆ.