ರುಚಿಕರವಾದ ಪ್ರಾನ್ ಸ್ಟಾರ್ಟರ್ಸ್ ರೆಸಿಪಿ

ಪ್ರಾನ್ ಅಥವಾ ಸೀಗಡಿ ಮೀನಿನಿಂದ ರುಚಿಕರವಾದ ಸ್ಟಾರ್ಟರ್ಸ್ ತಯಾರಿಸಬಹುದು. ಇಲ್ಲಿ ನಾವು ರವೆ ಮತ್ತು ಸೀಗಡಿ ಮೀನಿನಿಂದ ತಯಾರಿಸುವ ರೆಸಿಪಿ ನೀಡಲಾಗಿದೆ.

ಈ ರೆಸಿಪಿ ತಯಾರಿಸಲು ಸಲಭವಾಗಿದ್ದು ಮೀನು ಪ್ರಿಯರಿಗೆ ಇದರ ರುಚಿ ತುಂಬಾ ಪ್ರಿಯವಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ. ಇದನ್ನು ಸಾಯಂಕಾಲದ ಟೀ ಅಥವಾ ಕಾಫಿ ಜೊತೆ ತಿನ್ನಬಹುದು.

ಬೇಕಾಗುವ ಸಾಮಾಗ್ರಿಗಳು:
* ಸ್ವಲ್ಪ ದೊಡ್ಡ ಗಾತ್ರದ ಸೀಗಡಿ ಮೀನು 10-15
* ರವೆ ಅರ್ಧ ಕಪ್
* ನಿಂಬೆ ರಸ 1 ಚಮಚ
* ಶುಂಠಿ ಪೇಸ್ಟ್ 1 ಚಮಚ
* ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
* ಕೆಂಪು ಮೆಣಸಿನ ಪುಡಿ 2 ಚಮಚ
* ಪುಡಿ ಮಾಡಿದ ಕರಿಮೆಣಸಿನ ಪುಡಿ 1 ಚಮಚ
* ಬ್ರೆಡ್ ತುಂಡುಗಳು 3 ಚಮಚ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ 1 ಕಪ್

ಇತರ ಸಾಮಾಗ್ರಿಗಳು:
* ಮೈದಾ 1 ಕಪ್
* ಅಕ್ಕಿ ಹಿಟ್ಟು 2 ಚಮಚ
* ಜೋಳದ ಹಿಟ್ಟು 2 ಚಮಚ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಸೀಗಡಿ ಮೀನನ್ನು ಶುಚಿಗೊಳಿಸಿ ನೀರಿನಲ್ಲಿ ಹಾಕಿ 10-12 ನಿಮಿಷ ಬೇಯಿಸಬೇಕು.

2. ನಂತರ ಬೇಯಿಸಿದ ಮೀನನ್ನು ಬಟ್ಟಲಿನಲ್ಲಿ ಹಾಕಿ ಅದಕ್ಕೆ ಕರಿಮೆಣಸಿನ ಪುಡಿ, ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್, ಹಸಿಮೆಣಸಿನಕಾಯಿಯ ಪೇಸ್ಟ್, ರುಚಿಗೆ ತಕ್ಕ ಉಪ್ಪು, ನಿಂಬೆ ರಸ, ಕೆಂಪು ಮೆಣಸಿನ ಪುಡಿ ಹಾಕಿ ಮಿಶ್ರಣ ಮಾಡಿ 2 ಗಂಟೆ ಕಾಲ ಇಡಬೇಕು.

3. ನಂತರ ಇತರ ಸಾಮಾಗ್ರಿಗಳನ್ನು ಮಿಶ್ರಣ ಮಾಡಿ ಸ್ವಲ್ಪ ನೀರು ಹಾಕಿ ಗಟ್ಟಿಯಾದ ಪೇಸ್ಟ್ ರೀತಿ ಮಾಡಬೇಕು.

4. ಈಗ ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಿಸಬೇಕು.

5. ಈಗ ಮೀನುಗಳನ್ನು ಈ ಮೈದಾ ಪೇಸ್ಟ್ ನಲ್ಲಿ ಅದ್ದಿ ನಂತರ ರವೆ ಹಾಗೂ ಬ್ರೆಡ್ ಚೂರಿನಲ್ಲಿ ಹೊರಳಾಡಿಸಿ ಕಾದ ಎಣ್ಣೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಫ್ರೈ ಮಾಡಿದರೆ ರುಚಿಕರವಾದ ಪ್ರಾನ್ ಸ್ಟ್ರಾಟರ್ಸ್ ರೆಡಿ.