ಪ್ರಾನ್ ಪಕೋಡ- ವೀಕೆಂಡ್ ಸ್ಪೆಷೆಲ್

ಪಕೋಡವನ್ನು ಶಸಾಮಾನ್ಯವಾಗಿ ಈರುಳ್ಳಿಯಿಂದ, ಚೀಸ್ ನಿಂದ ಹೀಗೆ ತರಕಾರಿಗಳಿಂದ ತಯಾರಿಸಲಾಗುವುದು. ಈ ಪಕೋಡವನ್ನು ವೆಜ್ ನಿಂದ ಮಾತ್ರವಲ್ಲ ನಾನ್ ವೆಜ್ ನಿಂದಲೂ ತಯಾರಿಸಬಹುದು.

ಅದರಲ್ಲೂ ಪ್ರಾನ್ ಪಕೋಡ ತುಂಬಾ ರುಚಿಕರವಾದ ತಿಂಡಿಯಾಗಿದೆ. ಇದನ್ನು ಸುಲಭವಾಗಿ ತಯಾರಿಸಬಹುದಾಗಗಿದ್ದು, ಈ ವಾರದ ವೀಕೆಂಡ್ ಸ್ಪೆಷೆಲ್ ಆಗಿ ಇದನ್ನು ಟ್ರೈ ಮಾಡಬಹುದು.

ಬೇಕಾಗುವ ಸಾಮಾಗ್ರಿಗಳು:
ಸೀಗಡಿ ಮೀನು 10-15
ಈರುಳ್ಳಿ 1
ಬೆಳ್ಳುಳ್ಳಿ ಪೇಸ್ಟ್ 1 ಚಮಚ
ಹಸಿಮೆಣಸಿನಕಾಯಿ 3
ವಿನಿಗರ್ 1 ಚಮಚ
ಟೊಮೆಟೊ ಸಾಸ್ 1ಚಮಚ
ಜೋಳದ ಹಿಟ್ಟು 1 ಕಪ್
ಕರಿಮೆಣಸಿನ ಪುಡಿ 1 ಚಮಚ
ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಸೀಗಡಿಯನ್ನು ಶುಚಿ ಮಾಡಿ ಅದಕ್ಕೆ ಉಪ್ಪು ಹಾಗೂ ವಿನಿಗರ್ ಹಾಕಿ ಅರ್ಧ ಗಂಟೆ ಇಡಬೇಕು.

2. ಈಗ ಈರುಳ್ಳಿ, ಹಸಿಮೆಣಸಿನಕಾಯಿ ಅನ್ನು ಚಿಕ್ಕದಾಗಿ ಕತ್ತರಿಸಬೇಕು.

3. ನಂತರ ಪ್ರತ್ಯೇಕವಾದ ಬಟ್ಟಲಿನಲ್ಲಿ ಜೋಳದ ಹಿಟ್ಟು, ಟೊಮೆಟೊ ಸಾಸ್, ಬೆಳ್ಳುಳ್ಳಿ ಪೇಸ್ಟ್, ರುಚಿಗೆ ತಕ್ಕ ಉಪ್ಪು, ಕರಿಮೆಣಸಿನ ಪುಡಿ ಸ್ವಲ್ಪ ನೀರು ಹಾಕಿ ಗಟ್ಟಿಯಾದ ಪೇಸ್ಟ್ ರೀತಿ ಮಾಡಬೇಕು. ಈಗ ಅದಕ್ಕೆ ಕತ್ತರಿಸಿದ ಈರುಳ್ಳಿ ಮತ್ತು ಹಸಿಮೆಣಸಿನಕಾಯಿಯನ್ನು ಹಾಕಿ ಬೆರೆಸಬೇಕು.

4. ನಂತರ ಸೀಗಡಿ ಮೀನನ್ನು ಹಾಕಿ ಮಿಶ್ರಣ ಮಾಡಬೇಕು. ನಂತರ ಉಂಡೆ ಕಟ್ಟಬೇಕು.

5. ಈಗ ಬಾಣಲೆಯಲ್ಲಿ ಎಣ್ಣೆ ಹಾಕಿ ಕಾಯಿಸಿ, ಈಗ ಕಾದ ಎಣ್ಣೆಗೆ ಉಂಡೆಗಳನ್ನು ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿದರೆ ಪ್ರಾನ್ ಪಕೋಡ ರೆಡಿ.

ಇದನ್ನು ಸಾಸ್ ಜೊತೆ ತಿಂದರೆ ತುಂಬಾ ರುಚಿಯಾಗಿರುತ್ತದೆ.