ಚೀಸ್ ಹಾಕಿ ಮಾಡುವ ಸ್ಪೆಷೆಲ್ ಎಗ್ ಗ್ರೇವಿ

ಪಂಜಾಬಿ ಶೈಲಿಯ ಈ ಮೊಟ್ಟೆ ಗ್ರೇವಿ ಖಾರವಾಗಿದ್ದು ಇದನ್ನು ಪನ್ನೀರ್ ಹಾಕಿ ತಯಾರಿಸುವುದರಿಂದ ಸಾಮಾನ್ಯ ಮೊಟ್ಟೆ ಸಾರಿಗಿಂತ ರುಚಿಯಲ್ಲಿ ಸ್ವಲ್ಪ ಭಿನ್ನವಾಗಿರುತ್ತದೆ. ಈ ಮೊಟ್ಟೆ ಗ್ರೇವಿಯನ್ನು ದೋಸೆ, ಚಪಾತಿ, ರೊಟ್ಟೆ ಜೊತೆ ತಿನ್ನಲು ಸೂಪರ್ ಆಗಿರುತ್ತದೆ.

ಈ ವೀಕೆಂಡ್ ನಲ್ಲಿ ಸ್ವಲ್ಪ ವಿಭಿನ್ನ ರುಚಿಯ ಮೊಟ್ಟೆ ಸಾರು ಬೇಕೆಂದು ಬಯಸುವವರು ಚೀಸ್ ಹಾಕಿ ಮಾಡುವ ಈ ಎಗ್ ಗ್ರೇವಿ ಟ್ರೈ ಮಾಡಬಹುದು.

ಬೇಕಾಗುವ ಸಾಮಾಗ್ರಿಗಳು
6 ಮೊಟ್ಟೆ (ಬೇಯಿಸಿ ಸಿಪ್ಪೆ ಸುಲಿದಿರಬೇಕು)
1 ಈರುಳ್ಳಿ(ಕತ್ತರಿಸಿದ್ದು)
3-4 ಹಣ್ಣಾದ ಟೊಮೆಟೊ (ಪೇಸ್ಟ್ ಮಾಡಿಡಬೇಕು)
1 ಚಮಚ ಶುಂಠಿ ಪೇಸ್ಟ್1-2 ಹಸಿ ಮೆಣಸಿನ ಕಾಯಿ
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಉಪ್ಪು
ಖಾರಕ್ಕೆ ತಕ್ಕ ಖಾರದ ಪುಡಿ
1 ಚಮಚ ಅರ್ಧ ಅರಿಶಿಣ ಪುಡಿ
1ಗರಂ ಮಸಾಲ
2-3ಚಮಚ ಎಣ್ಣೆ
1 ಕಪ್ ಬೇಯಿಸಿದ ಬಟಾಣಿ
250 ಗ್ರಾಂ ಪನ್ನೀರ್

ತಯಾರಿಸುವ ವಿಧಾನ:

* ಪಾತ್ರೆಗೆ ಸ್ವಲ್ಪ ಎಣ್ಣೆ ಹಾಕಿ ಅದರಲ್ಲಿ ಪನ್ನೀರ್ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿದು ಒಂದು ಪಾತ್ರೆಯಲ್ಲಿ ಹಾಕಿಡಿ.

* ಈಗ ಸಾರಿನ ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ ಎಣ್ಣೆ ಹಾಕಿ, ಎಣ್ಣೆ ಬಿಸಿಯಾದಾಗ ಕತ್ತರಿಸಿದ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಿರಿ.

* ನಂತರ ಹಸಿ ಮೆಣಸಿನಕಾಯಿ ಹಾಕಿ ಶುಂಠಿ , ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಟೊಮೆಟೊ ಪೇಸ್ಟ್ ಹಾಕಿ, ರುಚಿಗೆ ತಕ್ಕ ಉಪ್ಪು ಹಾಕಿ ಸೌಟ್ ನಿಂದ ತಿರುಗಿಸಿ . ಖಾರದ ಪುಡಿ, ಅರಿಶಿಣ ಪುಡಿ, ಗರಂ ಮಸಾಲ, ಕೊತ್ತಂಬವರಿ ಪುಡಿ ಹಾಕಿ.

* ನಂತರ 1 ಕಪ್ ನೀರು ಹಾಕಿ ಕುದಿಸಿ ಗ್ರೇವಿ ರೀತಿಯಲ್ಲಿ ಮಾಡಿ. ನಂತರ ಬೇಯಿಸಿ ಬಟಾಣಿ, ಮೊಟ್ಟೆ, ಹುರಿದ ಪನ್ನೀರ್ ಹಾಕಿ ಕಡಿಮೆ ಹುರಿಯಲ್ಲಿ 5 ನಿಮಿಷ ಕುದಿಸಿ, ಕೊತ್ತಂಬರಿ ಸೊಪ್ಪು ಹಾಕಿ ಉರಿಯಿಂದ ಇಳಿಸಿದರೆ ಪಂಜಾಬಿ ಮೊಟ್ಟೆ ಗ್ರೇವಿ ರೆಡಿ.