ಎಗ್ ಪೆಪ್ಪರ್ ಫ್ರೈ ಮಾಡುವುದು ಬಲು ಸುಲಭ

Non Vegetarian

oi-Reena

By Hema S

Updated: Friday, August 17, 2012, 16:36 [IST]

ಮೊಟ್ಟೆಯನ್ನು ಒಂದೊಂದು ವಿಧಾನದಲ್ಲಿ ಮಾಡಿದರೆ ಒಂದೊಂದು ರುಚಿಯಿರುತ್ತದೆ. ಬೇಯಿಸಿದರೆ ಒಂದು ರುಚಿ, ಆಮ್ಲೇಟ್ ಮಾಡಿದರೆ ಬೇರೆ ರುಚಿ, ಎಗ್ ಬುರ್ಜಿ ಮಾಡಿದರೆ ಬೇರೆಯದ್ದೇ ರುಚಿ ಹೀಗೇ ಮೊಟ್ಟೆಯನ್ನು ಅನೇಕ ರುಚಿಯಲ್ಲಿ ತಯಾರಿಸಬಹುದು. ಅಲ್ಲದೆ ಮೊಟ್ಟೆ ಅಡುಗೆ ರುಚಿಯ ಜೊತೆಗೆ ಮಾಡಲೂ ಸುಲಭ. ಇವತ್ತು ನಾವು ಮೊಟ್ಟೆಯಿಂದ ಮಾಡಬಹುದಾದ ಸುಲಭದ ಅಡುಗೆ ಎಗ್ ಪೆಪ್ಪರ್ ಫ್ರೈ ಮಾಡುವ ವಿಧಾನ ನೋಡೋಣ:

ಬೇಕಾಗುವ ಸಾಮಾಗ್ರಿಗಳು:

* ಬೇಯಿಸಿದ ಮೊಟ್ಟೆ 3
* ಬೆಳ್ಳುಳ್ಳಿ ಎಸಳು 5
* ಅರಿಶಿಣ ಪುಡಿ 1/4 ಚಮಚ
* ಕಾಳು ಮೆಣಸಿನ ಪುಡಿ 2 ಚಮಚ
* ಚಿಟಿಕೆಯಷ್ಟು ಉಪ್ಪು
* ಗರಂ ಮಸಾಲ ಪುಡಿ 1 ಚಮಚ
* ಮೆಂತೆ ಪುಡಿ 1/4 ಚಮಚ
* ಸ್ವಲ್ಪ ಕರಿಬೇವಿನ ಎಲೆ
* ಸ್ವಲ್ಪ ಕೊತ್ತಂಬರಿ ಸೊಪ್ಪು
* 3 ಚಮಚ ಎಣ್ಣೆ

ತಯಾರಿಸುವ ವಿಧಾನ:

1. ಬೇಯಿಸಿದ ಮೊಟ್ಟೆಯನ್ನು 2 ಸಮ ಭಾಗಗಳಾಗಿ ವಿಂಗಡಿಸಬೇಕು.

2. ನಂತರ ಒಂದು ಪಾತ್ರೆಯನ್ನು ಬಿಸಿ ಮಾಡಿ ಅದರಲ್ಲಿ ಬೆಳ್ಳುಳ್ಳಿ ಎಸಳು ಹಾಕಿ ನಂತರ ಅರಿಶಿಣ ಪುಡಿ, ಕೊತ್ತಂಬರಿ ಪುಡಿ, ಕಾಳು ಮೆಣಸಿನ ಪುಡಿ, ಗರಂ ಮಸಾಲ, ಕರಿಬೇವಿನ ಎಲೆ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ 2 ನಿಮಿಷ ಸೌಟ್ ನಿಂದ ಆಡಿಸಬೇಕು. ನಂತರ ಒಂದು ಕಪ್ ನೀರು ಹಾಕಿ ಕುದಿಸಬೇಕು.

3. ಈ ಮಿಶ್ರಣ ಸ್ವಲ್ಪ ಗಟ್ಟಿಯಾದಾಗ ಮೊಟ್ಟೆಗಳನ್ನು ಹಾಕಿ ಮೆಲ್ಲನೆ ಸೌಟ್ ನಿಂದ 2-3 ನಿಮಿಷ ಆಡಿಸಿ ಉರಿಯಿಂದ ಎಗ್ ಪೆಪ್ಪರ್ ಫ್ರೈ ರೆಡಿ. ನಂತರ ರೆಡಿಯಾದ ಎಗ್ ಫ್ರೈಯನ್ನು ಕೊತ್ತಂಬರಿ ಅಲಂಕರಿಸಿದರೆ ರುಚಿಯಾದ ಎಗ್ ಪೆಪ್ಪರ್ ಫ್ರೈ ಸವಿಯಲು ರೆಡಿ.