ಬೆಳಗಿನ ಉಪಹಾರಕ್ಕೆ ಎಗ್ ಸಲಾಡ್

ನಿಮ್ಮ ದಿನವನ್ನು ಆರೋಗ್ಯಕರವಾದ ರುಚಿಕರವಾದ ತಿಂಡಿಯೊಂದಿಗೆ ಆರಂಭಿಸಿ. ಎಗ್ ಸಲಾಡ್ ಸ್ಯಾಂಡ್ ವಿಚ್ ಮಾಡಲು ಸುಲಭ ಮತ್ತು ಆರೋಗ್ಯಕ್ಕೆ ಒಳ್ಳೆಯದು. ಕೆಲಸಕ್ಕೆ ಹೋಗುವ ತಾಯಂದಿರು ತಮ್ಮ ಮುದ್ದು ಮಕ್ಕಳಿಗೆ ಇದನ್ನು ಮಾಡಿಕೊಡಬಹುದು. ಇದರಲ್ಲಿ ಪೌಷ್ಟಿಕಾಂಶಗಳು ಅಧಿಕವಾಗಿದ್ದು ನಿಮ್ಮ ಮಗುವಿಗೆ ದಿನವಿಡೀ ಚೈತನ್ಯವನ್ನು ಒದಗಿಸುತ್ತದೆ.

ಕೆಲಸಕ್ಕೆ ಹೋಗುವ ಅಮ್ಮಂದಿರು ಈ ಪೌಷ್ಟಿಕಾಂಶಭರಿತ ತಿಂಡಿಯನ್ನು ತಮ್ಮ ಊಟದ ಡಬ್ಬಿಗೆ ಕೂಡ ಹಾಕಿಕೊಂಡು ಹೋಗಬಹುದು.

ಬೇಕಾಗುವ ಸಾಮಗ್ರಿಗಳು
1. ಮೊಟ್ಟೆ- 6 (ಬೇಯಿಸಿಕೊಳ್ಳಿ)
2. ಮೆಯನೇಸ್- 4 ಟೀಚಮಚ
3. ಈರುಳ್ಳಿ- 1
4. ಪಾರ್ಸಲಿ- 1 ಟೀಚಮಚ
5. ಮೆಣಸು- 1 ಟೀಚಮಚ
6. ನಿಂಬೆ ರಸ- 1 ಟೀಚಮಚ
7. ಸಾಸಿವೆ- 1 ಟೀಚಮಚ
8. ಕೆಂಪು ಮೆಣಸು- 1/2 ಟೀಚಮಚ
9. ಬ್ರೆಡ್- 8 ಸ್ಲೆಸ್ (ಟೋಸ್ಟೆಡ್)
10. ಲ್ಯೂಟಸ್- 1 (ಕತ್ತರಿಸಿಕೊಳ್ಳಿ)
11. ಟೊಮೆಟೊ- 1 (ಸ್ಲೈಸ್ ಮಾಡಿಕೊಳ್ಳಿ)

ಮಾಡುವ ವಿಧಾನ
1. ಮೊದಲಿಗೆ ಮೊಟ್ಟೆಗಳನ್ನು ಸಾಸ್ ಪ್ಯಾನಿನಲ್ಲಿಟ್ಟು ನೀರು ಹಾಕಿ 5 ನಿಮಿಷ ಬೇಯಿಸಿ.
2. ನಂತರ ಮೊಟ್ಟೆಗಳನ್ನು ಮತ್ತೊಂದು ಪಾತ್ರೆಗೆ ವರ್ಗಾಯಿಸಿಕೊಳ್ಳಿ. ಮೊಟ್ಟೆಯ ಮೇಲೆ ತಣ್ಣೀರು ಹಾಕಿ ಚಮಚ ಬಳಸಿ ಅದರ ಹೊರಮೈಗೆ ಹಲವು ಕಡೆ ಹೊಡೆಯಿರಿ.
3. ನಂತರ ಒಂದೊಂದೆ ಮೊಟ್ಟೆಯ ಸಿಪ್ಪೆ ಬಿಡಿಸಿ.
4. ನಂತರ ಸಲಾಡ್ ತಯಾರಿಸಿ. ಮೆಯನೆಸ್, ಈರುಳ್ಳಿ, ಪಾರ್ಸಲಿ, ಉಪ್ಪು, ಮೆಣಸು, ನಿಂಬೆ ರಸ, ಸಾಸಿವೆ ಮತ್ತು ಕೆಂಪುಮೆಣಸು ಇವುಗಳನ್ನು ಒಂದು ಪಾತ್ರೆಗೆ ಹಾಕಿಕೊಳ್ಳಿ. ಇದಕ್ಕೆ ಮೊಟ್ಟೆಯ ತುಂಡುಗಳನ್ನು ಸೇರಿಸಿ. ಎಲ್ಲವನ್ನೂ ನಿಧಾನವಾಗಿ ಕಲಸಿ.
5. ನಂತರ ನಾಲ್ಕು ಬ್ರೆಡ್ಡಿನ ತುಂಡುಗಳ ಮೇಲೂ ಸಲಾಡನ್ನು ಸಮವಾಗಿ ಹಚ್ಚಿ. ಇದರ ಮೇಲೆ ಲ್ಯೂಟಸ್ ಎಲೆಗಳು ಬೇಕಿದ್ದರೆ ಟೊಮೆಟೊ ತುಂಡುಗಳನ್ನು ಇಡಿ. ಮತ್ತೊಂದು ಬ್ರೆಡ್ಡಿನ ತುಂಡನ್ನು ಮುಚ್ಚಿ ತಿನ್ನಲು ನೀಡಿ.

ಇದು ಎಗ್ ಸಲಾಡ್ ಸ್ಯಾಂಡ್ ವಿಚ್ ತಯಾರಿಸುವ ವಿಧಾನ. ಇದರ ಜೊತೆ ಪುದೀನ ಚಟ್ನಿಯನ್ನು ಬಳಸಿಕೊಳ್ಳಬಹುದು.