ಬಾಯಿ ಚಪ್ಪರಿಸುವಂತೆ ಮಾಡುತ್ತೆ ಎಗ್ ಚಾಪ್

ಮೊಟ್ಟೆಯಿಂದ ಅನೇಕ ಬಗೆಯ ರುಚಿಕರ ತಿಂಡಿಗಳನ್ನು ತಯಾರಿಸಬಹುದು. ಅಂತಹ ರುಚಿಕರವಾದ ತಿಂಡಿಗಳಲ್ಲಿ ಒಂದು ಎಗ್ ಚಾಪ್ಸ್. ಈ ತಿಂಡಿ ಬೀದಿ ಬದಿಯ ಅಂಗಡಿಗಳಲ್ಲಿ ಮಾರಾಟ ಮಾಡುತ್ತಿರುತ್ತಾರೆ. ಈ ತಿಂಡಿ ರುಚಿಕರವಾಗಿದ್ದು, ಸುಲಭವಾಗಿ ಮಾಡಬಹುದಾಗಿದೆ. ಇದನ್ನು ತಯಾರಿಸುವ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಬೇಯಿಸಿದ ಮೊಟ್ಟೆ 4
* ಜೋಳದ ಪುಡಿ 2 ಚಮಚ
* ಹಸಿ ಮೆಣಸಿನ ಕಾಯಿ 2
* ಬ್ಲಾಕ್ ಸಾಲ್ಟ್ 1 ಚಿಟಿಕೆಯಷ್ಟು
* ಬ್ರೆಡ್ ಚೂರು
* ಎಣ್ಣೆ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಮೊಟ್ಟೆ ಬೇಯಿಸಿ ಅದರ ಸಿಪ್ಪೆ ಸುಲಿದು ಇಡಬೇಕು.

2. ಜೋಳದ ಪುಡಿ, ಹಸಿ ಮೆಣಸಿನ ಕಾಯಿ, ರುಚಿಗೆ ತಕ್ಕ ಉಪ್ಪು ಮತ್ತು ಬ್ಲ್ಯಾಕ್ ಸಾಲ್ಟ್ ಮಿಶ್ರ ಮಾಡಬೇಕು.

3. ಈ ಮಿಶ್ರಣಕ್ಕೆ 1/2 ಕಪ್ ನೀರು ಹಾಕಿ ಪೇಸ್ಟ್ ರೀತಿ ಮಾಡಬೇಕು.

4. ಈಗ ಸ್ವಲ್ಪ ಆಳವಿರುವ ಬಾಣಲೆಯಲ್ಲಿ ಎಣ್ಣೆ ಹಾಕಿ ಕುದಿಸಬೇಕು.

5. ನಂತರ ಮೊಟ್ಟೆಯನ್ನು ಮಿಶ್ರಣದಲ್ಲಿ ಅದ್ದಿ ನಂತರ ಅದನ್ನು ಬ್ರೆಡ್ ಚೂರಿನಲ್ಲಿ ಹೊರಳಾಡಿಸಿ ಎಣ್ಣೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು. ಈ ರೀತಿ ಮಾಡಿದರೆ ರುಚಿಕರವಾದ ಎಗ್ ಚಾಪ್ಸ್ ರೆಡಿ.