ಸಂಜೆ ಟೀಗೆ ಯಮ್ಮೀ ಸ್ನ್ಯಾಕ್ಸ್-ಎಗ್ ಆಲೂ ಆಮ್ಲೇಟ್

Updated: Friday, March 8, 2013, 15:13 [IST]

ಸಂಜೆ ಹೊತ್ತಿನಲ್ಲಿ ಟೀ ಜೊತೆಯಲ್ಲಿ ಏನಾದರೂ ಸ್ನ್ಯಾಕ್ಸ್ ತಿನ್ನಲು ಇಷ್ಟ ಪಡುವುದಾದರೆ ಈ ಎಗ್ ಆಲೂ ಆಮ್ಲೇಟ್ ಟ್ರೈ ಮಾಡಬಹುದು. ಈ ಆಮ್ಲೇಟ್ ರುಚಿ ಒಮ್ಮೆ ನೋಡಿದರೆ ಮತ್ತೆ-ಮತ್ತೆ ತಿನ್ನಬೇಕೆನಿಸುತ್ತದೆ.

ಇದನ್ನು ಮಾಡುವ ವಿಧಾನ ಸರಳವಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು
* ಸ್ವಲ್ಪ ಎಣ್ಣೆ
* 5 ಸಾಧಾರಣ ಗಾತ್ರದ ಆಲೂಗಡ್ಡೆ (ಸಿಪ್ಪೆಸುಲಿದು, ವೃತ್ತಾಕಾರವಾಗಿ ಕತ್ತರಿಸಿ, ಅದರ ಮೇಲೆ ಉಪ್ಪು ಉದುರಿಸಿರಬೇಕು)
* 1ಈರುಳ್ಳಿ (ಚಿಕ್ಕದಾಗಿ ಕತ್ತರಿಸಿದ್ದು)
* ಮೊಟ್ಟೆ 5
* ರುಚಿಗೆ ತಕ್ಕ ಉಪ್ಪು
* ಹಸಿ ಮೆಣಸಿನ ಕಾಯಿ 2 (ಚಿಕ್ಕದಾಗಿ ಕತ್ತರಿಸಿದ್ದು) ಮತ್ತು ನಿಂಬೆ ಹಣ್ಣು

ತಯಾರಿಸುವ ವಿಧಾನ

* ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಅದರಲ್ಲಿ ಆಲೂಗಡ್ಡೆ ಹಾಕಿ 5-8 ನಿಮಿಷ ಫ್ರೈ ಮಾಡಿ.

* ನಂತರ ಅದನ್ನು ಒಂದು ಪಾತ್ರೆಯಲ್ಲಿ ಹರಡಿ ತಣ್ಣಗಾಗಲು ಇಡಿ.

* ಮೊಟ್ಟೆಯನ್ನು ಬಟ್ಟಲಿನಲ್ಲಿ ಹಾಕಿ, ಸ್ವಲ್ಪ ಉಪ್ಪು, ಹಸಿ ಮೆಣಸಿನ ಕಾಯಿ, ಕತ್ತರಿಸಿದ ಈರುಳ್ಳಿ ಹಾಕಿ ಚೆನ್ನಾಗಿ ಕದಡಿ.

* ತವಾಕ್ಕೆ ಸ್ವಲ್ಪ ಎಣ್ಣೆ ಹಾಕಿ ಉರಿಯಲ್ಲಿಡಿ. ಈಗ ಫ್ರೈ ಮಾಡಿದ ಆಲೂಗಡ್ಡೆಯನ್ನು ಮೊಟ್ಟೆಯಲ್ಲಿ ಅದ್ದಿ ತವಾಕ್ಕೆ ಹಾಕಿ ಅದರ ಆಲೂಗಡ್ಡೆಯ ಎರಡೂ ಬದಿ ಫ್ರೈ ಮಾಡಿ, ನಂತರ ನಿಂಬೆ ರಸ ಹಿಂಡಿದರೆ ರುಚಿರುಚಿಯಾದ ಎಗ್ ಆಲೂ ಆಮ್ಲೇಟ್ ರೆಡಿ.