ವೀಕ್ ಎಂಡ್ ಸ್ಪೆಷಲ್ -ಎಗ್ ರೋಲ್

ಬೇಕಾಗುವ ಸಾಮಾಗ್ರಿಗಳು

1. 4 ಮೊಟ್ಟೆ
2. ಹೆಚ್ಚಿಟ್ಟುಕೊಂಡ ಈರುಳ್ಳಿ 2
3. ಬೆಳ್ಳುಳ್ಳಿ ಮತ್ತು ಶುಂಠಿ ಪೇಸ್ಟ್ ಒಂದೊಂದು ಚಮಚ
4. ಕತ್ತರಿಸಿದ ಟೊಮೆಟೋ 1
5. ಜೀರಿಗೆ ಪುಡಿ 1 ಚಮಚ
6. ಪುಡಿ ಮೆಣಸು 1 ಚಮಚ
7. ಕತ್ತರಿಸಿದ ಹಸಿ ಮೆಣಸು 3
8. ಚಕ್ರ ಮೊಗ್ಗು 2
9. ಲವಂಗ 4
10. ಚಕ್ಕೆ 4
11. ಏಲಕ್ಕಿ 4
12. ಕೊತ್ತಂಬರಿ ಸೊಪ್ಪು
13. ಎಣ್ಣೆ 2 ಚಮಚ
14. ತುಪ್ಪ ಅಥವಾ ಬೆಣ್ಣೆ 1 ಚಮಚ
14. ಮೈದಾ ಹಿಟ್ಟು 2 ಕಪ್
15 .ನೀರು 1/2 ಕಪ್

ಮಾಡುವ ವಿಧಾನ

1 ಮೊದಲು ರೊಟ್ಟಿ ಅಥವಾ ಪರೋಟ ಮಾಡಿ ಇಡಿ.
2 ಹಿಟ್ಟನ್ನು ನೀರಿನಲ್ಲಿ ಕಲಸಿ ತೆಳುವಾದ ರೊಟ್ಟಿ ಮಾಡಿ
3 ತುಪ್ಪ ಅಥವಾ ಬೆಣ್ಣೆಯನ್ನು ಬಾಣಲೆಗೆ ಹಾಕಿ ಅದರಲ್ಲಿ ರೊಟ್ಟಿಯನ್ನು ಬಿಸಿ ಮಾಡಿ.
4 ಒಂದು ಬಟ್ಟಲುನಲ್ಲಿ ಮೊಟ್ಟೆ ಹಾಕಿ ಅದಕ್ಕೆ ರುಚಿಗೆ ತಕ್ಕ ಉಪ್ಪು , ಸ್ವಲ್ಪ ಮೆಣಸಿನ ಪುಡಿ, 1/2ದಷ್ಟು ಕತ್ತರಿಸಿದ ಹಸಿ ಮೆಣಸಿನ ಕಾಯಿ ಹಾಕಿ ಚೆನ್ನಾಗಿ ಕದಡಿ
5 ನಂತರ ಬಾಣಲೆಗೆ ಎಣ್ಣೆ ಹಾಕಿ ಅದು ಬಿಸಿಯಾದಾಗ ಚಕ್ಕೆ, ಲವಂಗ, ಚಕ್ರಮೊಗ್ಗು, ಏಲಕ್ಕಿ, ಜೀರಿಗೆ ಹಾಕಿ 1/2 ನಿಮಿಷ ಬಿಸಿ ಮಾಡಿ.
6 ಅದಕ್ಕೆ ಈರುಳ್ಳಿ ಹಾಕಿ ಕಂದು ಬಣ್ಣ ಬರುವರೆಗೂ ಉರಿಯಿರಿ. ನಂತರ ಅದಕ್ಕೆ ಬೆಳ್ಳುಳ್ಳಿ ಮತ್ತು ಶುಂಠಿಯ ಪೇಸ್ಟ್ ಹಾಕಿ ಸ್ವಲ್ಪ ಹೊತ್ತು ಬೇಯಿಸಿ
7 ಅದಕ್ಕೆ ಟೊಮೆಟೋವನ್ನು ಹಾಕಿ ಅದಕ್ಕೆ ಹಸಿಮೆಣಸನ್ನು ಹಾಕಿ ಉರಿಯಿರಿ
8 ಈಗ ಅದಕ್ಕೆ ಕದಡಿದ ಮೊಟ್ಟೆಯನ್ನು ಹಾಕಿ 1-2 ನಿಮಿಷ ಬೇಯಿಸಿ, ಅದಕ್ಕಿಂತ ಹೆಚ್ಚು ಹೊತ್ತು ಬೇಯಿಸ ಬೇಡಿ.
9 ಅದನ್ನು ಪರೋಟ ಅಥವಾ ರೊಟ್ಟಿಯ ಮಧ್ಯೆದಲ್ಲಿ ಇಟ್ಟು ರೋಲ್ ಮಾಡಿದರೆ ರುಚಿಕಟ್ಟಾದ ಎಗ್ ರೋಲ್ ರೆಡಿ.