ಆಲೂಗಡ್ಡೆ ದಿನಕ್ಕೆ ಸ್ಪೆಷಲ್ ಆಲೂ ಚಿಕನ್ ಸಲಾಡ್

Non Vegetarian

oi-Sumalatha N

By Sumalatha N

Published: Friday, August 19, 2011, 15:05 [IST]

ಇಂದು ವಿಶ್ವ ಆಲೂಗಡ್ಡೆ ದಿನ. ಈ ದಿನಕ್ಕೆ ಏನಾದ್ರೂ ಆಲೂ ಸ್ಟೆಷಲ್ ಇರಲೇಬೇಕಲ್ಲ? ಹಾಗಿದ್ದರೆ ಈ ಸಿಂಪಲ್ ಆಲೂ ಚಿಕನ್ ಸಲಾಡ್ ಮನೆಯಲ್ಲೇ ತಯಾರಿಸಬಹುದು. ಆಲೂಗಡ್ಡೆ ಅಂದ ತಕ್ಷಣ ಸ್ಟಾರ್ಚ್ ಜಾಸ್ತಿ ಇರುತ್ತೆ, ಆರೋಗ್ಯಕ್ಕೆ ಅಷ್ಟು ಒಳ್ಳೆಯದಲ್ಲ ಅಂತ ನೀವು ಅಂದ್ಕೊಬಹುದು. ಆದ್ರೆ ಈ ಸಲಾಡ್ ನಲ್ಲಿ ಆ ಬಗ್ಗೆ ಚಿಂತಿಸುವ ಅಗತ್ಯ ಇಲ್ಲ. ಹಾಗಾದರೆ ಆಲೂ ಚಿಕನ್ ಸಲಾಡ್ ನೀವೂ ಮಾಡಿ ನೋಡಿ.

ಬೇಕಾಗುವ ಪದಾರ್ಥಗಳು:
* ಬೋನ್ ಲೆಸ್ ಚಿಕನ್ 250 ಗ್ರಾಂ (ಚಿಕ್ಕ ತುಂಡು)
* ದುಂಡಾಗಿ ಕತ್ತರಿಸಿದ ಮೂರು ಆಲೂಗಡ್ಡೆ
* ತೆಳು ಮತ್ತು ದುಂಡಾಗಿ ಕತ್ತರಿಸಿದ 10 ಈರುಳ್ಳಿ ಪೀಸ್
* ದುಂಡಾಗಿ ಕತ್ತರಿಸಿದ ಟೊಮೊಟೊ 1
* ಎಲೆಕೋಸಿನ ಎಲೆ 4
* 1 ಚಮಚ ಮೆಣಸಿನ ಪುಡಿ
* 1 ಚಮಚ ಶುಂಠಿ ಪೇಸ್ಟ್
* 1 ಚಮಚ ವೆನಿಗರ್
* 1 ಚಮಚ ಫ್ರೆಶ್ ಕ್ರೀಂ
* ಉಪ್ಪು, ಆಲಿವ್ ಎಣ್ಣೆ, ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ: ಚಿಕನ್ ಮತ್ತು ಆಲೂಗಡ್ಡೆಯನ್ನು ಒಟ್ಟಿಗೆ ಬೇಯಿಸಬೇಕು. ಈಗ ಬೇಯಿಸಿದ ಚಿಕನ್ ಮತ್ತು ಆಲೂಗಡ್ಡೆಯನ್ನು ಒಂದು ಪಾತ್ರೆಗೆ ಹಾಕಿಕೊಂಡು ಅದಕ್ಕೆ ಕತ್ತರಿಸಿಟ್ಟಿದ್ದ ಟೊಮೊಟೊ, ಈರುಳ್ಳಿ, ಶುಂಠಿ ಪೇಸ್ಟನ್ನು ಮಿಶ್ರಣ ಮಾಡಬೇಕು. ಈಗ ಮಿಶ್ರಣವನ್ನು ಚೆನ್ನಾಗಿ ತಿರುಗಿಸಿ ಅದಕ್ಕೆ ಮೆಣಸಿನ ಪುಡಿ ಒಗ್ಗರಣೆ ಕೊಡಬೇಕು. ನಂತರ ರುಚಿಗೆ ತಕ್ಕಷ್ಟು ಉಪ್ಪು ಬೆರೆಸಿ ಅದಕ್ಕೆ ವೆನಿಗರ್, ಕ್ರೀಂ ಬೆರೆಸಿ ಕದಡಬೇಕು. ಕೊನೆಗೆ ಕೊತ್ತಂಬರಿ ಮತ್ತು ಎಲೆಕೋಸಿನ ಎಲೆಯನ್ನು ಸಣ್ಣದಾಗಿ ಕತ್ತರಿಸಿಕೊಂಡು ಸಲಾಡ್ ಮೇಲೆ ಅಲಂಕಾರ ಮಾಡಬೇಕು.

ಆಲೂಗಡ್ಡೆ ದಿನಕ್ಕೆ ಈ ವಿಶೇಷವಾದ ಮತ್ತು ವಿಭಿನ್ನವಾಗಿರುವ ಆಲೂ ಚಿಕನ್ ಸಲಾಡ್ ಮಾಡಿ ರುಚಿ ನೋಡಿ.