ರುಚಿಕರವಾದ ಮೊಟ್ಟೆ ಸಲಾಡ್ ರೆಸಿಪಿ

Non Vegetarian

oi-Reena

By Hema S

Published: Wednesday, March 14, 2012, 18:21 [IST]

ಫ್ರೂಟ್ ಸಲಾಡ್, ವೆಜಿಟೇಬಲ್ ಸಲಾಡ್ ಮಾಡುವುದು ಸಾಮಾನ್ಯ. ಆದರೆ ಮೊಟ್ಟೆಯಿಂದಲೂ ಸಲಾಡ್ ತಯಾರಿಸಬಹುದು. ಈ ಮೊಟ್ಟೆ ಸಲಾಡ್ ರುಚಿಯ ಜೊತೆಗೆ ಮಾಡಲು ಬಲು ಸುಲಭ. ಇಲ್ಲಿದೆ ನೋಡಿ ಮೊಟ್ಟೆ ಸಲಾಡ್ ಮಾಡುವ ವಿಧಾನ:

ಬೇಕಾಗುವ ಸಾಮಾಗ್ರಿಗಳು:
* ಬೇಯಿಸಿದ ಮೊಟ್ಟೆ 6
* ಆಲೂಗೆಡ್ಡೆ 2
* ದೊಡ್ಡ ಮೆಣಸಿನ ಕಾಯಿ 1 (ಕತ್ತರಿಸಿದ್ದು)
* ಕತ್ತರಿಸಿದ ಈರುಳ್ಳಿ 1
* ನಿಂಬೆ ರಸ 2 ಚಮಚ
* ರುಚಿಗೆ ತಕ್ಕ ಉಪ್ಪು
* ಕರಿಮೆಣಸಿನ ಪುಡಿ
* ಕತ್ತರಿಸಿದ ಟೊಮೆಟೊ 1
* ಕೊತ್ತಂಬರಿ ಸೊಪ್ಪು(ಅಲಂಕಾರಕ್ಕೆ)

ತಯಾರಿಸುವ ವಿಧಾನ:

1. ಮೊಟ್ಟೆಯನ್ನು ಉದ್ದಕ್ಕೆ ಕತ್ತರಿಸಬೇಕು.

2. ಆಲೂಗೆಡ್ಡೆಯನ್ನು ಚೆನ್ನಾಗಿ ಹಿಸುಕಬೇಕು. ನಂತರ ಮೊಟ್ಟೆಯ ಹಳದಿಯನ್ನು ತೆಗೆದು ಅಲೂಗೆಡ್ಡೆ ಜೊತೆ ಮಿಶ್ರ ಮಾಡಬೇಕು.

3. ಈಗ ಸ್ವಲ್ಪ ಕರಿಮೆಣಸು, ಈರುಳ್ಳಿ, ದೊಡ್ಡ ಮೆಣಸಿನಕಾಯಿ, ಟೊಮೆಟೊ ಹಾಕಿ ನಿಂಬೆರಸ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ ಮಿಶ್ರ ಮಾಡಬೇಕು. ನಂತರ ಕೊತ್ತಂಬರಿ ಸೊಪ್ಪಿನಿಂದ ಅಲಂಕರಿಸಿದರೆ ಮೊಟ್ಟೆ ಸಲಾಡ್ ರೆಡಿ.