ಅಮೆರಿಕನ್ ಶೈಲಿಯ ಹಾಲು-ಮೊಟ್ಟೆ ಜ್ಯೂಸ್

Non Vegetarian

oi-Reena

By Hema S

Published: Monday, January 30, 2012, 11:51 [IST]

ಊಟದ ನಂತರ ಹಣ್ಣಿನ ಸೇವನೆ ಆರೋಗ್ಯಕ್ಕೆ ಒಳ್ಳೆಯದು. ಹಣ್ಣೇ ತಿನ್ನಬೇಕೆಂದಿಲ್ಲ. ಹಣ್ಣಿನ ಜ್ಯೂಸ್ ಬೇಕಾದ್ರೂ ಕುಡಿಬಹುದು. ಮಾಮೂಲಿ ಮಿಲ್ಕ್ ಷೇಕ್, ಲೆಮೆನ್, ಆರೇಂಜ್, ಆಪಲ್ ಜ್ಯೂಸ್ ಕುಡಿದು ಬೋರಾಗಿದ್ದರೆ ಅವುಗಳಿಗಿಂತ ರುಚಿಕರವಾದ ಸ್ವಲ್ಪ ಸ್ಪೆಷಲ್ ಅನಿಸುವಂತಹ ಪಾನೀಯ ಮಾಡ ಬಯಸುವವರು ಅಮೆರಿಕ ಶೈಲಿಯ ಹಾಲುಮೊಟ್ಟೆ ಮಿಶ್ರಿತ ಮೌಸ್ಸೆ ಜ್ಯೂಸ್ ತಯಾರಿಸಬಹುದು.

ಬೇಕಾಗುವ ಸಾಮಾಗ್ರಿಗಳು:
* 1 ಕಪ್ ಗಟ್ಟಿಯಾದ ಹಾಲು
* 1/2 ಕಪ್ ಮೊಸರು
* 8 ಮೊಟ್ಟೆಯ ಬಿಳಿ
* 1/2 ಕಪ್ ನಿಂಬೆರಸ
* 2 ಚಮಚ ಹಾಲಿನ ಕೆನೆ
* 1 ಕಪ್ ಕಡಿಮೆ ಕ್ಯಾಲೋರಿಯ ಸಿಹಿ
* ಉಪ್ಪು

ತಯಾರಿಸುವ ವಿಧಾನ:

1. 4 ಮೊಟ್ಟೆಯ ಬಿಳಿ, ನಿಂಬೆರಸ, 1/2 ಕಪ್ ಸಕ್ಕರೆ ಒಂದು ಬಟ್ಟಲಿನಲ್ಲಿ ಹಾಕಿ ಮಿಶ್ರ ಮಾಡಬೇಕು.

2. ಮತ್ತೊಂದು ಬಟ್ಟಲಿನಲ್ಲಿ ಉಳಿದ ನಾಲ್ಕು ಮೊಟ್ಟೆಯ ಬಿಳಿ, ಕೆನೆ ಮತ್ತು ಸ್ವಲ್ಪ ಉಪ್ಪು ಹಾಕಿ ಚೆನ್ನಾಗಿ ಕದಡಬೇಕು.
ಈಗ ನಿಧಾನಕ್ಕೆ ಉಳಿದ ಸಕ್ಕರೆಯನ್ನು ಸೇರಿಸಿ ಚೆನ್ನಾಗಿ ಮಿಶ್ರ ಮಾಡಬೇಕು.

3. ಮತ್ತೊಂದು ಬಟ್ಟಲಿನಲ್ಲಿ ಹಾಲಿನೊಂದಿಗೆ ಮೊಸರನ್ನು ಹಾಕಿ ಚೆನ್ನಾಗಿ ಕದಡಿ ಅದನ್ನು ನಿಂಬೆರಸ ಇರುವ ಮಿಶ್ರಣಕ್ಕೆ ಹಾಕಬೇಕು. ಈಗ ಈ ಮಿಶ್ರಣಕ್ಕೆ ಮೊಟ್ಟೆ ಮತ್ತು ಕೆನೆಯ ಮಿಶ್ರಣವನ್ನು ಸೇರಿಸಿ ಚೆನ್ನಾಗಿ ಮಿಶ್ರ ಮಾಡಿ ಒಂದು ಪಾತ್ರೆಯಲ್ಲಿ ಹಾಕಿ ಮುಚ್ಚಿ ಒಂದು ರಾತ್ರಿ ಫ್ರಿಜ್ ನಲ್ಲಿ ಇಡಬೇಕು. ಮರುದಿನಕ್ಕೆ ರುಚಿಕರವಾದ ಸಿಹಿಯಾದ ಮೌಸ್ಸೆ ರೆಡಿ.

ಇದು ಅಮೆರಿಕದಲ್ಲಿ ತಯಾರಿಸುವ ಪ್ರಸಿದ್ಧಿ ಮೌಸ್ಸೆ ರೆಸಿಪಿಯಾಗಿದ್ದು , ವಿದೇಶಿ ಅಡುಗೆ ಬಗ್ಗೆ ಕುತೂಹಲ ಇರುವವರು ಇದನ್ನು ಮಾಡಿ ನೋಡಬಹುದು.