ಮನೆಯಲ್ಲಿಯೇ ಮಾಡಿ ಎಗ್ ಫ್ರೈಡ್ ರೈಸ್, ಆರೋಗ್ಯವಾಗಿರಿ!

Non Vegetarian

oi-Reena

By Hema S

Published: Thursday, January 19, 2012, 11:46 [IST]

ಮಧ್ಯಾಹ್ನ ಅಡುಗೆಗೆ ಏನಾದರೂ ಸ್ಪೆಷಲ್ ಮಾಡಬೇಕೆಂದು ಬಯಸುವುದಾದರೆ ಎಗ್ ಫ್ರೈಡ್ ರೈಸ್ ಸೂಕ್ತ. ಬಾಯಿಗೆ ರುಚಿಕರವಾಗಿರುವ ಈ ಆಹಾರದಲ್ಲಿ ಪ್ರೊಟೀನ್ ಮತ್ತು ಇತರ ಪೋಷಕಾಂಶಗಳಿರುವುದರಿಂದ ಆರೋಗ್ಯಕ್ಕೂ ಕೂಡ ಒಳ್ಳೆಯದು. ಎಗ್ ಪ್ರೈಡ್ ರೈಸ್ ಸುಲಭವಾಗಿ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಮೊಟ್ಟೆ 3
* ಬಾಸುಮತಿ ಅಕ್ಕಿ 2 ಕಪ್
* ಈರುಳ್ಳಿ 1( ಕತ್ತರಿಸಿದ್ದು)
* ಬೆಳ್ಳುಳ್ಳಿ 4 ಎಸಳು
* ಒಂದು ಇಂಚಿನಷ್ಟು ಶುಂಠಿ ( ಜಜ್ಜಿರಬೇಕು)
* ಕ್ಯಾರೆಟ್ 2 ( ಚಿಕ್ಕ ತುಂಡುಗಲಾಗಿ ಕತ್ತರಿಸಿದ್ದು)
* ಬೀನ್ಸ್ 3-4 ( ಕತ್ತರಿಸಿದ್ದು)
* ಅಣಬೆ 3-4 ( ಬೇಕಾದರೆ ಸೇರಿಸಬಹುದು)
* ಹಸಿ ಮಣಸು 3 ( ಕತ್ತರಿಸಿದ್ದು )
* ಕರಿಮೆಣಸಿನ ಪೊಡಿ 1/2 ಚಮಚ
* ಚಕ್ಕೆ 2
* ಜಾಕಾಯಿ ಪತ್ರಿ ಅಥವಾ ಜಾಪತ್ರೆ 1 ಚಮಚ
* ಕೆಂಪು ಮೆಣಸಿನ ಪುಡಿ 1 ಚಮಚ
* ರುಚಿಗೆ ತಕ್ಕ ಉಪ್ಪು
* ಬೆಣ್ಣೆ 1 ಚಮಚ

ತಯಾರಿಸುವ ವಿಧಾನ:

* ತರಕಾರಿಗಳನ್ನು ಕತ್ತರಿಸಿ ಇಡಬೇಕು. ಬಾಸುಮತಿ ಅಕ್ಕಿಯನ್ನು ತೊಳೆದು ಪ್ರತ್ಯೇಕ ಬಟ್ಟಲಿನಲ್ಲಿ ಇಡಬೇಕು.

* ಮೊಟ್ಟೆಗೆ ಸ್ವಲ್ಪ ಉಪ್ಪು ಮತ್ತು ಕರಿಮೆಣಸಿನ ಪುಡಿ ಹಾಕಿ ಚೆನ್ನಾಗಿ ಬೆರೆಸಿ ಅದನ್ನು ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ ಬಿಸಿ ಮಾಡಬೇಕು. ಇದನ್ನು ಬಾಸುಮತಿ ಅನ್ನದ ಜೊತೆ ಪುನಃ ಬೇಯಿಸುವುದರಿಂದ ಈಗ ಹೆಚ್ಚಾಗಿ ಬೇಯಿಸಬೇಕಾಗಿಲ್ಲ.

* ಬೆಣ್ಣೆ ಅಥವಾ 1 ಚಮಚ ಎಣ್ಣೆಯನ್ನು ಕುಕ್ಕರಿನಲ್ಲಿ ಹಾಕಬೇಕು. ಅದಕ್ಕೆ ಕರಿಮೆಣಸಿನ ಪುಡಿ, ಚಕ್ಕೆ, ಈರುಳ್ಳಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

* ಕತ್ತರಿಸಿದ ತರಕಾರಿಗಳನ್ನು ಮಿಶ್ರ ಮಾಡಿ ಅದನ್ನು ಪ್ರೆಶರ್ ಕುಕ್ಕರಿನಲ್ಲಿರುವ ಈರುಳ್ಳಿ ಜೊತೆ ಬೆರೆಸಿ 3-4 ನಿಮಿಷ ಬೇಯಿಸಬೇಕು. ನಂತರ ಈ ತರಕಾರಿ ಮಿಶ್ರಣಕ್ಕೆ ಕೆಂಪು ಮೆಣಸಿನ ಪುಡಿಯಬ್ಬಯ ಸೇರಿಸಿ ಪುನಃ 2 ನಿಮಿಷ ಬೇಯಿಸಬೇಕು.

* ಈಗ ಬಾಣಲೆಯಲ್ಲಿ ಸ್ವಲ್ಪ ಬಿಸಿಮಾಡಿದ ಮೊಟ್ಟೆಯನ್ನು ಈ ಮಿಶ್ರಣದೊಂದಿಗೆ ಹಾಕಿ ತಿರುಗಿಸಬೇಕು. ಮೊಟ್ಟೆ ಪುಡಿಪುಡಿಯಾದ ಮೇಲೆ ಅದಕ್ಕೆ ಅಕ್ಕಿಯನ್ನು ಹಾಕಿ 4 ಕಪ್ ನೀರು ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ 2 ವಿಶಲ್ ಬರುವವರೆಗೆ ಬೇಯಿಸಿದರೆ ರುಚಿಕರವಾದ ಎಗ್ ಫ್ರೈಡ್ ರೈಸ್ ರೆಡಿ.