ಟೀ-ಕಾಫಿ ಬಿಡಿ.. ದಿನಾ ಬೆಳಗ್ಗೆ ಈ ಗಂಜಿ ಕುಡಿಯಿರಿ! ನಿಮ್ಮ ಬೊಜ್ಜು ಕರಗುತ್ತೆ.. ಶುಗರ್ ಕೂಡ ಕಂಟ್ರೋಲ್ ಆಗುತ್ತೆ

ದಿನಾ ಬೆಳಗ್ಗೆ 1 ಲೋಟ ಈ ಗಂಜಿ ಕುಡಿಯಿರಿ! ಹೊಟ್ಟೆಯ ಬೊಜ್ಜು ಕರಗುತ್ತೆ.. ಶುಗರ್ ಕೂಡ ಕಂಟ್ರೋಲ್ ಆಗುತ್ತೆ. ಇಂದೇ ನಿಮ್ಮ ಡಯಟ್‌ನಲ್ಲಿ ಸೇರಿಸಿಕೊಳ್ಳಿ. ಹೌದು, ಬೆಳಗ್ಗೆ ಟೀ, ಕಾಫಿ ಬಿಟ್ಟು ಇದನ್ನು ಕುಡಿಯಿರಿ.. ತೂಕ ಇಳಿಕೆಯೊಂದಿಗೆ ದಿನವಿಡೀ ಚೈತನ್ಯ ಪಡೆಯಿರಿ. ಈ ಸ್ಪೆಷಲ್ ಗಂಜಿ ನಿಮ್ಮ ಆರೋಗ್ಯವನ್ನೇ ಬದಲಾಯಿಸುತ್ತೆ.

ಆಧುನಿಕ ಬದುಕಿನ ಶೈಲಿಯಿಂದ ಬೊಜ್ಜು ಮತ್ತು ಮಧುಮೇಹವು ವಿಶ್ವದಾದ್ಯಂತ ಜನರನ್ನು ಕಾಡುತ್ತಿರುವ ಪ್ರಮುಖ ಆರೋಗ್ಯ ಸವಾಲುಗಳಾಗಿವೆ. ಈ ಜಾಗತಿಕ ಸಮಸ್ಯೆಗಳನ್ನು ನಿಯಂತ್ರಿಸಲು ಜನರು ಜಿಮ್ ಮತ್ತು ಕಟ್ಟುನಿಟ್ಟಿನ ಆಹಾರಗಳ ಮೊರೆ ಹೋಗುವುದು ಸಾಮಾನ್ಯವಾಗಿದೆ. ಆದರೆ, ನಮ್ಮ ಹಿರಿಯರು ಅನುಸರಿಸುತ್ತಿದ್ದ ಸಾಂಪ್ರದಾಯಿಕ ಆಹಾರ ಕ್ರಮಗಳಲ್ಲಿ ಇದಕ್ಕೆ ಉತ್ತಮ ಪರಿಹಾರಗಳು ಅಡಗಿವೆ.

Photo Credit: ಸಂಗ್ರಹ ಚಿತ್ರ

ಅಂತಹ ಪರಿಹಾರಗಳಲ್ಲಿ ಪ್ರಮುಖವಾದುದು 'ಕಾಟ್ಟುಯಾನಂ ಅಕ್ಕಿ' (Kattuyanam Rice). ತಮಿಳುನಾಡಿನ ಸ್ಥಳೀಯ ಮತ್ತು ಪಾರಂಪರಿಕ ತಳಿಗಳಲ್ಲಿ ಪ್ರಮುಖವಾದ ಕಾಟ್ಟುಯಾನಂ ಅಕ್ಕಿ, ಈ ಎಲ್ಲ ಸಮಸ್ಯೆಗಳಿಗೆ ಪರಿಣಾಮಕಾರಿ ಪರಿಹಾರವಾಗಿ ಹೊರಹೊಮ್ಮಿದೆ. ಪ್ರತಿದಿನ ಬೆಳಗ್ಗೆ ಒಂದು ಲೋಟ ಕಾಟ್ಟುಯಾನಂ ಗಂಜಿ ಸೇವಿಸುವುದರಿಂದ ದೇಹದ ಬೊಜ್ಜು (Weight Loss) ಮತ್ತು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು (Diabetes Control) ನಿಯಂತ್ರಿಸಬಹುದು. ಈ ಕುರಿತ ಮಾಹಿತಿ ಇಲ್ಲಿದೆ.

ತಮಿಳಿನಲ್ಲಿ ಕಾಟ್ಟುಯಾನಂ ಅಂದ್ರೆ ಕಾಡಿನ ಆನೆ ಎಂದರ್ಥ. ಆನೆಯಷ್ಟು ಶಕ್ತಿ ನೀಡುವ ಹಾಗೂ ಕಾಡಿನಲ್ಲಿ ಆನೆ ಅಡಗಿಕೊಳ್ಳುವಷ್ಟು ಎತ್ತರಕ್ಕೆ ಬೆಳೆಯುವ ಈ ಅಕ್ಕಿ, ಪೌಷ್ಟಿಕಾಂಶಗಳ ಆಗರವಾಗಿದೆ. ಇದು ಕೆಂಪು ಅಕ್ಕಿಯ ಒಂದು ವಿಧವಾಗಿದ್ದು, ನಾರಿನಂಶ ಸಮೃದ್ಧವಾಗಿದೆ. ಇದರ ನಿಯಮಿತ ಸೇವನೆಯು ಆರೋಗ್ಯಕ್ಕೆ ಹಲವಾರು ಪ್ರಯೋಜನಗಳನ್ನು ನೀಡುತ್ತದೆ. ಕಾಟ್ಟುಯಾನಂ ಗಂಜಿಗೆ ಬೇಕಾಗುವ ಸಾಮಗ್ರಿಗಳು ಮತ್ತು ಮಾಡುವ ವಿಧಾನ (Kattuyanam Rice Kanji) ಇಲ್ಲಿದೆ.

ಕಾಟ್ಟುಯಾನಂ ಗಂಜಿಗೆ ಬೇಕಾಗುವ ಸಾಮಗ್ರಿಗಳು

• ಕಾಟ್ಟುಯಾನಂ ಅಕ್ಕಿ
• ನೀರು
• ಈರುಳ್ಳಿ
• ಜೀರಿಗೆ
• ಹಸಿ ಮೆಣಸಿನಕಾಯಿ
• ಕರಿಬೇವು
• ಮೊಸರು
• ಇಂಗು
• ಉಪ್ಪು

ಕಾಟ್ಟುಯಾನಂ ಗಂಜಿ ತಯಾರಿಸುವ ವಿಧಾನ

- ಮೊದಲಿಗೆ, ಕಾಟ್ಟುಯಾನಂ ಅಕ್ಕಿಯನ್ನು ಚೆನ್ನಾಗಿ ತೊಳೆದು ಬಿಸಿಲಿನಲ್ಲಿ ಅಥವಾ ನೆರಳಿನಲ್ಲಿ ಒಣಗಿಸಿ.

- ತೇವಾಂಶ ಸಂಪೂರ್ಣವಾಗಿ ಹೋದ ನಂತರ, ಅದನ್ನು ಮಿಕ್ಸರ್ ಜಾರ್‌ಗೆ ಹಾಕಿ ರವೆಯಂತೆ ತರಿತರಿಯಾಗಿ ಪುಡಿಮಾಡಿಕೊಳ್ಳಿ.

- ಕುಕ್ಕರ್‌ನಲ್ಲಿ ಪುಡಿ ಮಾಡಿದ ಅಕ್ಕಿ ಮತ್ತು ನೀರನ್ನು ಸೇರಿಸಿ. ಕುಕ್ಕರ್ ಮುಚ್ಚಳ ಮುಚ್ಚಿ ಐದು ವಿಜಲ್ ಬರುವವರೆಗೆ ಬೇಯಿಸಿ. ಅಕ್ಕಿ ಚೆನ್ನಾಗಿ ಬೆಂದ ನಂತರ ಒಲೆ ಆರಿಸಿ, ಸಂಪೂರ್ಣವಾಗಿ ತಣ್ಣಗಾಗಲು ಬಿಡಿ.

- ಬೆಂದ ಅನ್ನ ಸಂಪೂರ್ಣವಾಗಿ ತಣ್ಣಗಾದ ಮೇಲೆ, ಅದಕ್ಕೆ ಬೇಕಾದಷ್ಟು ನೀರು ಮತ್ತು ಒಂದು ಎಸಳು ಕರಿಬೇವು ಹಾಕಿ ರಾತ್ರಿಯಿಡೀ ನೆನೆಸಲು ಬಿಡಿ.

- ಮರುದಿನ ಬೆಳಗ್ಗೆ, ಮಿಕ್ಸರ್ ಜಾರ್‌ಗೆ ಸಣ್ಣ ಈರುಳ್ಳಿ, ಜೀರಿಗೆ, ಹಸಿರು ಮೆಣಸಿನಕಾಯಿ ಮತ್ತು ಕರಿಬೇವು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ನಂತರ ಇದಕ್ಕೆ ಮೊಸರು ಮತ್ತು ಇಂಗು ಸೇರಿಸಿ ಮತ್ತೊಮ್ಮೆ ಮಿಕ್ಸ್ ಮಾಡಿ.

- ಈಗ ರಾತ್ರಿ ನೆನೆಸಿಟ್ಟ ಅಕ್ಕಿ ಮಿಶ್ರಣಕ್ಕೆ ರುಬ್ಬಿದ ಮಸಾಲೆಯನ್ನು ಸೇರಿಸಿ ಚೆನ್ನಾಗಿ ಕಲಸಿ. ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ಅಗತ್ಯವಿದ್ದರೆ ಸ್ವಲ್ಪ ನೀರು ಸೇರಿಸಿದರೆ ಪೌಷ್ಟಿಕಾಂಶಯುಕ್ತ ಕಾಟ್ಟುಯಾನಂ ಗಂಜಿ ಸೇವಿಸಲು ಸಿದ್ಧ.

ಈ ಗಂಜಿಯ ಅದ್ಭುತ ಪ್ರಯೋಜನಗಳು

- ಕಾಟ್ಟುಯಾನಂ ಅಕ್ಕಿಯಲ್ಲಿರುವ ಅಧಿಕ ನಾರಿನಂಶವು ಹೊಟ್ಟೆ ತುಂಬಿದ ಭಾವನೆಯನ್ನು ದೀರ್ಘಕಾಲ ಕಾಪಾಡುತ್ತದೆ. ಇದು ಅನಗತ್ಯ ಹಸಿವನ್ನು ತಡೆಯುವುದಲ್ಲದೆ, ದೇಹದಲ್ಲಿ ಸಂಗ್ರಹವಾಗಿರುವ ಕೆಟ್ಟ ಕೊಲೆಸ್ಟ್ರಾಲ್ ಅನ್ನು ಕರಗಿಸಲು ನೆರವಾಗುತ್ತದೆ.

- ಈ ಅಕ್ಕಿಯು ಕಡಿಮೆ ಗ್ಲೈಸೆಮಿಕ್ ಇಂಡೆಕ್ಸ್ ಹೊಂದಿದ್ದು, ರಕ್ತದಲ್ಲಿನ ಸಕ್ಕರೆ ಮಟ್ಟವು ಹಠಾತ್ತನೆ ಏರಿಕೆಯಾಗುವುದನ್ನು ತಡೆಯುತ್ತದೆ. ಮಧುಮೇಹಿಗಳಿಗೆ ಇದು ಅತ್ಯುತ್ತಮ ಆಹಾರ ಆಯ್ಕೆಯಾಗಿದೆ.

- ಸತು ಮತ್ತು ಮ್ಯಾಂಗನೀಸ್ ಸಮೃದ್ಧವಾಗಿರುವ ಈ ಗಂಜಿ, ದೇಹದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿ, ರೋಗಗಳ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತದೆ. ಇದು ಒಟ್ಟಾರೆ ಆರೋಗ್ಯವನ್ನು ಸುಧಾರಿಸುತ್ತದೆ.

- ರಾತ್ರಿಯಿಡೀ ಹುದುಗಿಸುವ ಪ್ರಕ್ರಿಯೆಯಿಂದಾಗಿ, ಇದು ಕರುಳಿನ ಆರೋಗ್ಯಕ್ಕೆ ಅತ್ಯಂತ ಪ್ರಯೋಜನಕಾರಿ. ಮಲಬದ್ಧತೆ ಸೇರಿದಂತೆ ಜೀರ್ಣಕ್ರಿಯೆ ಸಂಬಂಧಿ ಸಮಸ್ಯೆಗಳಿಗೆ ಇದು ಉತ್ತಮ ಪರಿಹಾರ ನೀಡುತ್ತದೆ.

ಪ್ರತಿದಿನ ಬೆಳಗ್ಗೆ ಚಹಾ ಅಥವಾ ಕಾಫಿ ಬದಲಿಗೆ ಒಂದು ಲೋಟ ಕಾಟ್ಟುಯಾನಂ ಗಂಜಿಯನ್ನು ಸೇವಿಸಿ. ಇದರ ನಿಯಮಿತ ಸೇವನೆಯಿಂದ ನಿಮ್ಮ ತೂಕ ಮತ್ತು ರಕ್ತದಲ್ಲಿನ ಸಕ್ಕರೆ ಎರಡನ್ನೂ ಸಮತೋಲನದಲ್ಲಿಟ್ಟುಕೊಳ್ಳಬಹುದು. ಇದು ಆರೋಗ್ಯಕರ ಜೀವನಶೈಲಿಯನ್ನು ಸಾಧಿಸಲು ನೆರವಾಗುತ್ತೆ.