ಪೈನಾಪಲ್ ಲೆಮನೆಡ್-ಅಂತಿಂಥ ಜ್ಯೂಸ್ ಇದಲ್ಲ

ಸಾಮಾನ್ಯವಾಗಿ ಜ್ಯೂಸ್ ಮಾಡುವಾಗ ಹಣ್ಣುಗಳನ್ನು ಮಿಕ್ಸಿಯಲ್ಲಿ ಹಾಕಿ ಆಡಿಸಿ, ದ್ರಾವಣ ರೀತಿ ಮಾಡಿ ಐಸ್ ಬೇಕಿದ್ದರೆ ಐಸ್ ಹಾಕಿ ಕುಡಿಯುತ್ತೇವೆ. ಆದರೆ ಇಲ್ಲಿ ನಾವು ಹೇಳಿರುವ ಜ್ಯೂಸ್ ಸಾಮಾನ್ಯವಾಗಿ ನಾವು ಮಾಡುವಂತಹ ಜ್ಯೂಸ್ ಗಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ.

ಈ ಜ್ಯೂಸ್ ಅನ್ನು ಬಿಸಿ ನೀರಿನಲ್ಲಿ ಮಾಡಲಾಗುವುದು ! ಈ ಬಿಸಿಲು ಕಾಲದಲ್ಲಿ ಬಿಸಿ ಜ್ಯೂಸ್ ಕುಡಿಯಲು ಸಾಧ್ಯವೇ ಎಂದು ಹುಬ್ಬೇರಿಸಬೇಡಿ. ಇದನ್ನು ಮಾಡುವುದು ಮಾತ್ರ ಕುದಿಸುವ ವಿಧಾನದಿಂದ, ಆದರೆ ಇದನ್ನು ಫ್ರಿಜ್ ನಲ್ಲಿಟ್ಟು ಕುಡಿಯಬೇಕು. ಬನ್ನಿ, ಇದನ್ನು ಮಾಡುವುದು ಹೇಗೆ ಎಂದು ತಿಳಿಯೋಣ:

ಬೇಕಾಗುವ ಸಾಮಾಗ್ರಿಗಳು
1 ಕಪ್ ತಾಜಾ ಪೈನಾಪಲ್ ಜ್ಯೂಸ್
2 ನಿಂಬೆ ಹಣ್ಣು
2 ಚಮಚ ಜೇನು
4 ಚಮಚ ಸಕ್ಕರೆ
2 ಕಪ್ ನೀರು
ಐಸ್

ತಯಾರಿಸುವ ವಿಧಾನ:

* ನೀರನ್ನು ಕುದಿಯಲು ಇಡಿ, ನೀರು ಕುದಿ ಬರುತ್ತಿರುವಾಗ ಈಗ ಪೈನಾಪಲ್ ಜ್ಯೂಸ್, ನಿಂಬೆ ರಸ, ಸಕ್ಕರೆ, ಜೇನು ಸೇರಿಸಿ. ಈಗ ಸಕ್ಕರೆ ಕರಗುವವರೆಗೆ ಸೌಟ್ ನಿಂದ ಆಡಿಸಿ. ಮತ್ತೆ ಈ ಪಾನೀಯಾವನ್ನು ಕುದಿಸಿ.

* ನಂತರ ಉರಿಯಿಂದ ತೆಗೆದು ತಣ್ಣಗಾದ ಮೇಲೆ 3-4 ಗಂಟೆಗಳ ಕಾಲ ಫ್ರಿಜ್ ನಲ್ಲಿಡಿ.

* ಈಗ ಇದನ್ನು ಐಸ್ ಕ್ಯೂಬ್ ಹಾಕಿ ಕುಡಿದು ನೋಡಿ, ಈ ಜ್ಯೂಸ್ ಬಗ್ಗೆ ನಿಮ್ಮ ಅಭಿಪ್ರಾಯ ತಿಳಿಸಿ.