ವಾವ್! ಚಾಕಲೇಟ್ ಪ್ಲೇವರ್ ಸ್ಮೂತಿ

ಬೇಸಿಗೆಯಲ್ಲಿ ಮೊಸರು, ಮಜ್ಜಿಗೆ ಕುಡಿಯುವುದು ಒಳ್ಳೆಯದು. ಮೊಸರು ಬಳಸಿಯಂತೂ ಅನೇಕ ರುಚಿಕರವಾದ ಸ್ಮೂತಿಗಳನ್ನು ತಯಾರಿಸಬಹುದು. ಹೀಗಾಗಲೇ ಅನೇಕ ಸ್ಮೂತಿ ರೆಸಿಪಿ ನೀಡಿದ್ದೇವೆ. ಇವತ್ತು ಚಾಕಲೇಟ್ ರೆಸಿಪಿ ನೀಡಿದ್ದೇವೆ.

ಚಾಕಲೇಟ್ ಪ್ಲೇವರ್ ಇಷ್ಟಪಡದವರು ತುಂಬಾ ಕಮ್ಮಿ. ಚಾಕಲೇಟ್ ಮಿಲ್ಕ್ ಶೇಕ್, ಐಸ್ ಕ್ರೀಮ್ ಹೀಗೆ ಎಲ್ಲವೂ ರುಚಿಕರವಾಗಿರುತ್ತದೆ. ಇಲ್ಲಿ ನಾವು ಮೊಸರು ಹಾಗೂ ಚಾಕಲೇಟ್ ಸಾಸ್ ಬಳಸಿ ಮಾಡುವ ಸ್ಮೂತಿಯ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು
1 ಕಪ್ ಸ್ಟ್ರಾಬೆರಿ
1 ಕಪ್ ಮೊಸರು
3-4 ಚಮಚ ಚಾಕಲೇಟ್ ಸಾಸ್
whipped ಕ್ರೀಮ್

ತಯಾರಿಸುವ ವಿಧಾನ:

* Whipped ಕ್ರೀಮ್ ಬಿಟ್ಟು ಉಳಿದೆಲ್ಲಾ ಸಾಮಾಗ್ರಿಗಳನ್ನು ಮಿಕ್ಸಿಯಲ್ಲಿ ಹಾಕಿ ಚೆನ್ನಾಗಿ ಆಡಿಸಿ.

* ನಂತರ ಕ್ರೀಮ್ ಹಾಕಿ ಅಲಂಕರಿಸಿದರೆ ಚಾಕಲೇಟ್ ಸ್ಮೂತಿ ಕುಡಿಯಲು ರೆಡಿ. ಮಾಡಲು ಇಷ್ಟು ಸರಳವಾದ ಈ ಸ್ಮೂತಿಯನ್ನು ಟ್ರೈ ಮಾಡಬೇಕೆಂದು ಅನಿಸುತ್ತಿದೆ ಅಲ್ಲವೇ? ಹಾಗಾದರೆ ಮಾಡಿ, ನಿಮ್ಮ ಅಭಿಪ್ರಾಯ ನಮಗೆ ತಿಳಿಸಿ.