ಕ್ಯಾಪ್ಸಿಕಂ ರವಾ ಪಕೋಡ

ಕಾಕಾನ ಅಂಗಡಿಯಲ್ಲಿ ಕೆಟ್ಟ ಎಣ್ಣೆಯಲ್ಲಿ ಕರಿದ ಪಕೋಡಗಳಿಗಿಂತ ಮನೇಲೇ ಮಾಡಿದರೆ ವಾಸಿಯಲ್ಲವೇ? ಗರಂಗರಂ ಪಕೋಡ ಸಂಜೆಯ ಚಹಾಕ್ಕೆ ತಕ್ಕ ಜೋಡಿ.

ಬೇಕಾದ ಸಾಮಾಗ್ರಿಗಳು :

ಈರುಳ್ಳಿ -2
ಕ್ಯಾಪ್ಸಿಕಂ- 1(ದೊಡ್ಡ ಗಾತ್ರದ್ದು)
ರವೆ- 2 ಲೋಟ
ಶುಂಠಿ+ ಹಸಿ ಮೆಣಸು ಪೇಸ್ಟ್‌ - 1/4 ಚಮಚ
ಮೊಸರು- 1 ಲೋಟ
ಕೊತ್ತಂಬರಿ ಪುಡಿ- 1/4 ಚಮಚ
ಮೆಣಸಿನ ಪುಡಿ- 1/2 ಚಮಚ
ಸೋಡಾ - 1 ಚಿಟಿಕೆ
ಅರಿಶಿನ ಪುಡಿ- 1/4ಚಮಚ
ಅಕ್ಕಿ ಹಿಟ್ಟು - 1 ಚಮಚ
ಉಪ್ಪು ರುಚಿಗೆ ತಕ್ಕಷ್ಟು ಹಾಗೂ ಕರಿಯಲು ಶುದ್ಧ ಎಣ್ಣೆ

ಮಾಡುವ ವಿಧಾನ :

ಕ್ಯಾಪ್ಸಿಕಂ ಮತ್ತು ಈರುಳ್ಳಿಯನ್ನು ಚಿಕ್ಕದಾಗಿ ಕತ್ತರಿಸಿಕೊಳ್ಳಿ. ಈ ತುಂಡುಗಳೊಂದಿಗೆ ಇತರ ಪದಾರ್ಥಗಳನ್ನೂ ಸೇರಿಸಿ ಒಂದು ಪಾತ್ರೆಯಲ್ಲಿ ಹಾಕಿ. ಸ್ವಲ್ಪ -ಸ್ವಲ್ಪವೇ (ಚಮಚದಲ್ಲಿ ) ಮೊಸರು ಹಾಕುತ್ತಾ ಚೆನ್ನಾಗಿ ಕಲಸಿ. ಕಲಸಿದ ಮಿಶ್ರಣದ ಹಿಟ್ಟು ಗಟ್ಟಿಯಾಗಿರಬೇಕು. ಅಪ್ಪಿ-ತಪ್ಪಿಯೂ ಮೊಸರಿನ ಬದಲು ನೀರು ಹಾಕಬೇಡಿ.

ಗಟ್ಟಿ ಮತ್ತು ದಪ್ಪನಾದ ಹಿಟ್ಟನ್ನು ಉಂಡೆ ಮಾಡಿ. ನಂತರ ಅಂಗೈಯಲ್ಲಿ ತಟ್ಟಿ ಚಪ್ಪಟೆ ಮಾಡಿ. ಬಳಿಕ ಕುದಿ ಎಣ್ಣೆಯಲ್ಲಿ ಕರಿಯಲು ಬಿಡಿ. ಕೆಂಪಾಗಿ ಕಾದಾಗ ತೆಗೆಯಿರಿ. ಈಗ ಪಕೋಡ ರೆಡಿ. ಬಿಸಿಬಿಸಿ ಪಕೋಡಾದ ಜೊತೆ ನೆಂಚಿಕೊಳ್ಳಲು ಟೊಮೆಟೊ ಮತ್ತು ಮೆಣಸಿನ ಸಾಸ್‌ ಇದ್ದರೆ ಚೆನ್ನ.