ಚುಮುಚುಮು ಚಳಿಗೆ ಬಿಸಿ ಚಾಕಲೇಟ್ ಮಿಲ್ಕ್ ಶೇಕ್

Drinks

oi-Reena

By Hema S

Published: Saturday, November 12, 2011, 10:37 [IST]

ಚಾಕಲೇಟ್ ಮಿಲ್ಕ್ ಶೇಕ್ ರುಚಿ ನೋಡಿರುತ್ತೇವೆ , ಆದರೆ ಚಾಕಲೇಟ್ ಬಳಸಿ ಅನೇಕ ರೀತಿಯಲ್ಲಿ ಮಿಲ್ಕ್ ಶೇಕ್ ಮಾಡಬಹುದಾಗಿದೆ, ಅದರಲ್ಲಿ ಒಂದು ವಿಧಾನ ಈ ಬಿಸಿ ಚಾಕಲೇಟ್ ಮಿಲ್ಕ್ ಶೇಕ್, ಇದನ್ನು ಚಳಿಗಾಲದಲ್ಲಿ ಸವಿಯಲು ಬಹಳ ಮಜ ಅನಿಸುವುದು.ಅದರ ರುಚಿ ಒಮ್ಮೆ ಸವಿದರೆ ಮತ್ತಷ್ಟು ಸವಿಯ ಬೇಕೆನಿಸುತ್ತದೆ. ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

1. ಒಂದು ಸ್ಕೂಪ್ ಐಸ್ ಕ್ರೀಮ್
2. 3/4 ಗ್ಲಾಸ್ ಹಾಲು
3. ಒಂದು ಚಮಚ ಸಕ್ಕರೆ (ಸಿಹಿ ಬೇಕಾದರೆ ಇನ್ನು ಸ್ವಲ್ಪ ಹಾಕಬಹದು)
4. ಚಾಕಲೇಟ್ ಸಿರಪ್
5. ಚಾಕಲೇಟ್ ಪುಡಿ
6.ಚಾಕಲೇಟ್ ಕುಕ್ಕೀಸ್

ಮಾಡುವ ವಿಧಾನ:

1. ಒಂದು ಸ್ಕೂಪ್ ವೆನಿಲ್ಲಾ ಐಸ್ ಕ್ರೀಮ್, 3/4 ಗ್ಲಾಸ್ ಹಾಲು, ಸಕ್ಕರೆ ಮಿಕ್ಸಿಯಲ್ಲಿ ಹಾಕಿ ರುಬ್ಬ ಬೇಕು.

2. ಅದಕ್ಕೆ ಒಂದು ಚಮಚ ಚಾಕಲೇಟ್ ಸಿರಪ್ ಮತ್ತು ಬಿಸಿ ಚಾಕಲೇಟ್ ಪುಡಿ ಹಾಕಿ ಅದು ಕರುಗುವರೆಗೆ ಚೆನ್ನಾಗಿ ಕದಡಬೇಕು.

3. ಬಿಸಿ ಚಾಕಲೇಟ್ ಮಿಲ್ಕ್ ಶೇಕ್ ಅನ್ನು ಒಂದು ಚೆಂದದ ಲೋಟಕ್ಕೆ ಹಾಕಿ , ಚಾಕಲೇಟ್ ಕುಕ್ಕೀಸ್ ಪುಡಿಯ್ನು ಅದರ ಮೇಲೆ ಹಾಕಿ ಕುಡಿಯಲು ಕೊಡಬಹುದಾಗಿದೆ.

ಈ ಮಿಲ್ಕ್ ಶೇಕ್ ಗೆ ಕುಕ್ಕೀಸ್ ಬದಲು ನಟ್ಸ್, ಚಾಕಲೇಟ್ ಚಿಪ್ಸ್ ಹಾಕಿ ಕುಡಿಯಬಹುದಾಗಿದೆ.