ಎಂದಾದರೂ ಕುಡಿದಿದ್ದೀರಾ ಬಾದಾಮಿ ಶರಬತ್?

Drinks

oi-Sumalatha N

By Sumalatha N

Published: Thursday, August 25, 2011, 16:42 [IST]

ಕೆಲವೇ ನಿಮಿಷಗಳಲ್ಲಿ ತಯಾರಿಸಬಹುದಾದ ಬಾದಾಮ್ ಶರಬತ್ ನೀವು ಎಂದಾದರೂ ಕುಡಿದಿದ್ದೀರಾ? ನಿಂಬೆ ಶರಬತ್ತು ಕೇಳಿದ್ದೆವು, ಇದೇನಪ್ಪಾ ಬಾದಾಮಿ ಶರಬತ್ ಅಂತ ಆಶ್ಚರ್ಯ ಆಗ್ತಿದ್ದರೆ ಇದನ್ನು ತಯಾರಿಸಿ ಇದರ ರುಚಿಯನ್ನ ನೀವು ಸವಿಯಲೇಬೇಕು.

ಬಾದಾಮಿ ಶರಬತ್ ಕೇವಲ ಬಾಯಿಗೆ ಮಾತ್ರ ರುಚಿ ನೀಡುವುದಿಲ್ಲ, ಪೋಷಕಾಂಶಯುಕ್ತವಾಗಿರುವ ಇದು ತ್ವಚೆ ಮತ್ತು ಕೂದಲಿನ ಸ್ವಾಸ್ತ್ಯಕ್ಕೂ ಉಪಯೋಗಕ್ಕೆ ಬರುತ್ತದೆ. ಹಾಗಾದರೆ ಬಾದಾಮ್ ಶರಬತ್ ಹೇಗೆ ಮಾಡುವುದು ಎಂದು ಇಲ್ಲಿ ತಿಳಿದುಕೊಳ್ಳಿ:

ಬೇಕಾಗುವ ಪದಾರ್ಥಗಳು:
* ಒಂದು ಲೋಟ ಕಾಯಿಸಿದ ಹಾಲು
* 2 ಚಮಚ ಕ್ರೀಂ
* 1/2 ಕಪ್ ಬಾದಾಮಿ ಪುಡಿ
* 2 ಚಮಚ ಸಕ್ಕರೆ
* ಗುಲಾಬಿ ಜಲ
* ಕೇಸರಿ

ಬಾದಾಮಿ ಶರಬತ್ ತಯಾರಿಸುವ ವಿಧಾನ: ಸ್ವಲ್ಪ ಹಾಲಿನೊಂದಿಗೆ ಕೇಸರಿಯನ್ನು ಬೆರೆಸಿ ಒಂದೆಡೆ ಇಟ್ಟುಕೊಳ್ಳಬೇಕು. ಕಾಯಿಸಿದ ಹಾಲನ್ನು ತೆಗೆದುಕೊಂಡು ಅದಕ್ಕೆ ಕ್ರೀಂ, ಸಕ್ಕರೆ ಮತ್ತು ಬಾದಾಮಿ ಪುಡಿ ಬೆರೆಸಿ ಸಕ್ಕರೆ ಕರಗುವವರೆಗೂ ಅದನ್ನು ಮಿಕ್ಸಿಯಲ್ಲಿ ಕದಡಿಸಬೇಕು. ಈಗ ಇದಕ್ಕೆ ಐಸ್ ಮತ್ತು ರೋಸ್ ವಾಟರ್ ಬೆರೆಸಿ ನೆನೆಸಿಟ್ಟ ಕೇಸರಿಯನ್ನು ಸೇರಿಸಬೇಕು. ನಂತರ ಬೇಕಿದ್ದರೆ ಚಿಕ್ಕದಾಗಿ ಕತ್ತರಿಸಿದ ಬಾದಾಮಿಯನ್ನು ಅಲಂಕಾರಕ್ಕೆ ಬಳಸಬಹುದು.

ಈಗ ಬಾದಾಮಿ ಶರಬತ್ ಕುಡಿಯಲು ತಯಾರಾಗಿದೆ. ಮಾಡಲು ತುಂಬಾ ಸುಲಭವಾಗಿರುವ ಬಾದಾಮಿ ಶರಬತ್ ನೀವೂ ಮಾಡಿ ರುಚಿ ನೋಡಿ.