ಇದು ವಿಶೇಷ ಟೊಮೆಟೊ ಸೂಪ್ ರೆಸಿಪಿ

Drinks

oi-Reena

By Hema S

Published: Saturday, January 14, 2012, 12:04 [IST]

ಟೊಮೊಟೊ ಸೂಪ್ ಎಲ್ಲರಿಗೂ ಅಚ್ಚುಮೆಚ್ಚು. ಟೊಮೊಟೊ ಸೂಪ್ ಮಾಡೋದು ಕಷ್ಟ ಕೂಡ ಅಲ್ಲ. ಆದರೆ ಹೆಚ್ಚಿನವರು ನಿತ್ಯ ಮಾಡುವ ಟೊಮೆಟೊ ಸೂಪ್ ಗಿಂತ ಭಿನ್ನವಾಗಿ, ಹೆಚ್ಚು ರುಚಿಕರವಾಗಿ ಟೊಮೆಟೊ ಸೂಪ್ ತಯಾರಿಸಬಹುದು. ಈ ರೆಸಿಪಿ ಓದಿ.

ಸಾಮಾಗ್ರಿಗಳು:

* ಚೌಕಾಕಾರವಾಗಿ ಕತ್ತರಿಸಿದ 4 ಬ್ರೆಡ್ ಚೂರುಗಳು
* 2-3 ಬೆಳ್ಳುಳ್ಳಿಯ ಎಸಳು
* 3 ದೊಡ್ಡ ಚಮಚ ಆಲೀವ್ ಎಣ್ಣೆ
* ತಾಜಾ ತುಳಸಿ ಎಲೆ 7-8
* ಒಂದು ಈರುಳ್ಳಿ
* 4-5 ಟೊಮೆಟೊ
* 4 ಚಮಚ ಮಸಾಲೆ ಪುಡಿ (ಸಾಂಬರ್ ಪುಡಿ)
* ಉಪ್ಪು ರುಚಿಗೆ ತಕ್ಕಷ್ಟು
* ಒಂದು ಚಮಚ ಶುಂಠಿ ಪೇಸ್ಟ್
* ಕರಿಮೆಣಸಿನ ಪುಡಿ 1 ಚಮಚ
* ಬೆಣ್ಣೆ ಒಂದು ಚಮಚ

ಮಾಡುವ ವಿಧಾನ:

1. ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿ ಅದಕ್ಕೆ ಆಲೀವ್ ಎಣ್ಣೆ, ಬೆಳ್ಳುಳ್ಳಿ, ಈರುಳ್ಳಿ ಪೇಸ್ಟ್, ತುಳಸಿ, ಟೊಮೆಟೊ ರಸ ಹಾಕಿ ಮಿಶ್ರ ಮಾಡಿ ಸ್ವಲ್ಪ ಹೊತ್ತು ಬಿಸಿ ಮಾಡಬೇಕು. ಮಿಶ್ರಣ ತುಂಬಾ ಗಟ್ಟಿಯಾದರೆ ಸ್ವಲ್ಪ ನೀರು ಸೇರಿಸಬಹುದು.

2. ಈಗ ಮೇಲಿನ ಮಿಶ್ರಣಕ್ಕೆ ಮಸಾಲೆಪುಡಿ ಹಾಕಿ ಕರಿಮೆಣಸು ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಬೇಕು. ನಂತರ ಈ ಮಿಶ್ರಣವನ್ನು ಸೌಟುನಿಂದ ತಿರುಗಿಸುತ್ತಾ ಸೂಪ್ ಕುದಿಯುವವರೆಗೆ ಬೇಯಿಸಬೇಕು.

3. ಆಲೀವ್ ಎಣ್ಣೆಯಿಂದ ಬ್ರೆಡ್ ಬಿಸಿ ಮಾಡಿ ಆ ಚೂರನ್ನು ಸೂಪ್ ಗೆ ಹಾಕಬೇಕು. ಈಗ ಸೂಪ್ ಗೆ ಸ್ವಲ್ಪ ಬೆಣ್ಣೆಯನ್ನು ಸೇರಿಸಿದರೆ ರುಚಿಕರವಾದ ಸೂಪ್ ರೆಡಿ.