ಮೈಸೂರಿನಲ್ಲಿ 30 ರು. 'ದಸರಾ ಥಾಲಿ'ಯ ಸವಿಯೂಟ

Culture

oi-BM

By * ಬಿ.ಎಂ. ಲವಕುಮಾರ್, ಮೈಸೂರು

Published: Friday, September 30, 2011, 13:18 [IST]

ಮೈಸೂರು, ಸೆ. 30 : ಮೈಸೂರಿಗೆ ದಸರಾ ವೀಕ್ಷಿಸಲು ಆಗಮಿಸುವ ಪ್ರವಾಸಿಗರ ಅನುಕೂಲಕ್ಕಾಗಿ ಕಡಿಮೆ ಬೆಲೆಯಲ್ಲಿ ಸವಿಯೂಟವನ್ನು ಉಣಬಡಿಸುವ "ದಸರಾ ಥಾಲಿ" ಊಟದ ವ್ಯವಸ್ಥೆಯನ್ನು ನಗರದ ಕೆಲವು ಆಯ್ದ ಹೋಟೆಲ್‌ಗಳಲ್ಲಿ ಆರಂಭಿಸಲಾಗಿದ್ದು, ಪ್ರವಾಸಿಗರು ಇದನ್ನು ಸದುಪಯೋಗಪಡಿಸಿಕೊಳ್ಳಬಹುದಾಗಿದೆ.

ಹೊಟೇಲುಗಳ ಪಟ್ಟಿ : ಮೈಸೂರಿಗೆ ಆಗಮಿಸುವ ಪ್ರವಾಸಿಗರು ವಿಷ್ಣುಭವನ್ ಹೋಟೆಲ್, ಸಂತೋಷ್, ಸಾಮ್ರಾಟ್, ಪ್ರೀತಿಸಾಗರ್, ಅಶ್ವಮೇಧ, ಕಾಮಧೇನು, ಇಂದ್ರಭವನ್, ಮಾಡ್ರನ್‌ಕೆಫೆ, ಸನ್ಮಾನ್, ವಿಷ್ಣುಪ್ರಿಯ, ವಿಶ್ವೋತ್ತಮ, ಶೃಂಗಾರ್, ಶಿವಪ್ರಸಾದ್, ಮಹೇಶ್ ಪ್ರಸಾದ್, ವೆಂಕಟೇಶ್ ಭವನ್, ಗಾಯತ್ರಿ ಭವನ್, ನಳಪಾಕ್, ಸಂತೋಷ್, ಅಭಿರುಚಿ, ಸವಿರುಚಿ, ಔತಣ, ಗೋವರ್ಧನ್, ಮಹಾರಾಜ, ರಾಜಭವನ್, ಮೂಕಾಂಬಿಕ, ಗುರುಪ್ರಸಾದ್, ಫಲಹಾರ ದರ್ಶಿನಿ, ಹರಿಹರ, ಜಯಲಕ್ಷ್ಮಿ ಟಿಫಾನಿಸ್, ಶ್ರೀರಾಘವೇಂದ್ರಭವನ್, ಶಾಂತಸಾಗರ್ ಸೇರಿದಂತೆ ಸುಮಾರು 61 ಹೋಟೆಲ್‌ಗಳಲ್ಲಿ ದಸರಾ ಥಾಲಿ ಊಟದ ವ್ಯವಸ್ಥೆಯನ್ನು ಮಾಡಲಾಗಿದೆ.

ಈ ವ್ಯವಸ್ಥೆಯಿರುವ ಹೋಟೆಲ್ ಗಳ ಮುಂದೆ ಫಲಕ ಹಾಕಲಾಗಿರುವುದರಿಂದ ಪ್ರವಾಸಿಗರು ಸುಲಭವಾಗಿ ಗುರುತಿಸಬಹುದಾಗಿದೆ. ಕಡಿಮೆ ಬೆಲೆಯಲ್ಲಿ ಹೊಟ್ಟೆತುಂಬ ಸಂತೃಪ್ತಿಯ ಭೋಜನ ಮಾಡಬಹುದಾಗಿದೆ.

ಊಟದ ಮೆನು ಹೀಗಿದೆ : ಚಪಾತಿ, ಪಲ್ಯ, ಬಿಸಿಬೇಳೆ ಭಾತ್ ಅಥವಾ ವಾಂಗಿಬಾತ್ ಅಥವಾ ಪುಳಿಯೋಗರೆ, ಅನ್ನ, ಸಾಂಬಾರ್, ತಿಳಿಸಾರು, ಮೊಸರು, ಉಪ್ಪು, ಉಪ್ಪಿನಕಾಯಿ, ಮೈಸೂರು ಪಾಕ್ ಅಥವಾ ಯಾವುದಾದರೊಂದು ಸ್ವೀಟ್ ನೀಡಲಾಗುತ್ತಿದೆ. ಇದರ ಬೆಲೆಯನ್ನು 30 ರೂಪಾಯಿಗೆ ನಿಗದಿಪಡಿಸಲಾಗಿದೆ.