ಕ್ಯಾನ್ಸರ್ ರೋಗಕ್ಕೆ ರಾಮಬಾಣ ಬ್ರೊಕೋಲಿ

Culture

oi-Prasad

By * ಡಾ. ಶಿವಶಂಕರ ಐತಾಳ, ಮಂಗಳೂರು

Updated: Thursday, March 14, 2013, 15:53 [IST]

ಇಟಲಿ ಮೂಲದ ಹಸಿರು ತರಕಾರಿ ಬ್ರೊಕೋಲಿ ಮಹಿಳೆಯರಿಗಾಗಿಯೇ ಪ್ರಕೃತಿ ಸೃಷ್ಟಿದ ಅದ್ಭುತ ಖಾದ್ಯ. ಮಹಿಳೆಯರಲ್ಲಿ ಸಾಮಾನ್ಯವಾಗಿ ಕಾಣುವ ಸ್ತನ ಕ್ಯಾನ್ಸರ್ ಮತ್ತು ಗರ್ಭಕೋಶದ ಕ್ಯಾನ್ಸರ್ ಗಳಿಗೆ ಇದು ರಾಮಬಾಣ. ಕ್ಯಾನ್ಸರ್ ರೋಗಕ್ಕೆ ಕಾರಣವಾಗುವ ಅಪಾಯಕಾರಿ ಟಾಕ್ಸಿನ್ ಗಳನ್ನು ಬೇರಿನಲ್ಲಿಯೇ ಚಿವುಟಿ ಹಾಕುವ ಎನ್ ಜೈಮ್ ಗಳನ್ನು ಈ ತರಕಾರಿ ಬಿಡುಗಡೆ ಮಾಡುತ್ತದೆ. ಕ್ಯಾನ್ಸರ್ ಇದ್ದರೂ ಕೂಡ ಹರಡದಂತೆ ತಡೆಗೋಡೆಯನ್ನು ಇದು ಒಡ್ಡುತ್ತದೆ.

ಬೇಯಿಸಿ ಅಥವಾ ಹಸಿಯಾಗಿಯೇ ತಿನ್ನಬಹುದು. ಇದರಲ್ಲಿ ಫೊಲೇಟ್ ಎಂಬ ವಿಟಮಿನ್ ಬಿ ಅತ್ಯಧಿಕವಿದ್ದು, ಡಿಎನ್ಎಯನ್ನು ರಕ್ಷಿಸುತ್ತದೆ, ಹೊಸ ರಕ್ತ ಉತ್ಪತ್ತಿಯಾಗುವಲ್ಲಿ ಸಹಕಾರ ನೀಡುತ್ತದೆ. ಗರ್ಭಿಣಿಯರಿಗೆ ಇದು ಅತ್ಯಧಿಕ ಪೋಷಕಾಂಶ ಒದಗಿಸುವುದರ ಜೊತೆಗೆ ನರಮಂಡಲದಲ್ಲಿ ತೊಂದರೆಯಾಗದಂತೆ ಮತ್ತು ಮಕ್ಕಳಲ್ಲಿ ಯಾವುದೇ ಅಂಗ ದೋಷವಿರದಂತೆ ನೋಡಿಕೊಳ್ಳುತ್ತದೆ. ಮಹಿಳೆಯರು ಹೆರಿಗೆಯಾದ ನಂತರ ಸಂಭವಿಸುವ ಕೆಲ ತೊಂದರೆಗಳನ್ನು ಕೂಡ ಇದು ನಿವಾರಿಸುತ್ತದೆ. ಹಾಗೆಯೆ, ಈ ತರಕಾರಿಯನ್ನು ನಿಯಮಿತವಾಗಿ ತಿಂದರೆ ಋತುಚಕ್ರ ಸರಾಗ.

ವಿಜ್ಞಾನಿಗಳು ಈ ಹಸಿರು ತರಕಾರಿಯ ಜೊತೆ ಸಾಕಷ್ಟು ಸಂಶೋಧನೆಗಳನ್ನು ಮಾಡಿದ ಮೇಲೆಯೇ ಮಹಿಳೆಯರಿಗೆ ಇದನ್ನು ಶಿಫಾರಸು ಮಾಡಿದ್ದಾರೆ. ಇದನ್ನು ಹಸಿಯಾಗಿಯೇ ತಿನ್ನಬಹುದಾದರೂ, ಬೇಯಿಸಿ ತಿನ್ನುವುದು ವಿಹಿತ. ಇದು ಇಟಲಿ ಮೂಲದ್ದಾದರೂ ಚೀನಾ ಬಿಟ್ಟರೆ ಭಾರತದಲ್ಲಿ ಇದನ್ನು ಹೆಚ್ಚಾಗಿ ಬೆಳೆಯುತ್ತಾರೆ.

ಸೈಡ್ ಎಫೆಕ್ಟ್ : ಪರಾವಲಂಬನೆಯನ್ನು ತಪ್ಪಿಸುತ್ತದೆ. Next ಈರುಳ್ಳಿ