ಮನಸು ಎಂದೆಂದಿಗೂ ಉಲ್ಲಾಸದಿಂದಿರಲು ಬೀನ್ಸ್

Culture

oi-Prasad

By * ಡಾ. ಶಿವಶಂಕರ ಐತಾಳ, ಮಂಗಳೂರು

Updated: Thursday, March 14, 2013, 15:52 [IST]

ಬೀನ್ಸ್ ಗಳಲ್ಲಿ ಅನೇಕ ವಿಧಗಳಿವೆ. ಚಪ್ಪರದವರೆ, ಅವರೆ ಕಾಳು, ಸೋಯಾ ಬೀನ್ಸ್, ಕಿಡ್ನಿ ಬೀನ್ಸ್, ಅಲಸಂದೆ, ರಾಜ್ಮಾ... ಇವೆಲ್ಲಾ ಅತ್ಯಧಿಕ ಪೋಷಕಾಂಶಗಳನ್ನು ಮೈದುಂಬಿಕೊಂಡಿರುವ ಖಾದ್ಯಗಳೆ. ವಿಟಮಿನ್, ಫೈಬರ್, ಪ್ರೊಟೀನ್, ಕಬ್ಬಿಣ, ಪೊಟ್ಯಾಶಿಯಂ, ಮ್ಯಾಂಗನೀಸ್ ಬೀನ್ಸ್ ಗಳಲ್ಲಿ ಅಡಗಿಕೊಂಡಿವೆ. ಟೈಪ್ 2 ಮಧುಮೇಹ, ರಕ್ತದೊತ್ತಡ, ಸ್ತನ ಕ್ಯಾನ್ಸರ್ ರೋಗಿಗಳು ಅವಶ್ಯವಾಗಿ ತಿನ್ನಲೇಬೇಕಾದ ಆಹಾರವಿದು.

ನಾರಿನಂಶ ಬೀನ್ಸ್ ಗಳಲ್ಲಿ ಅಧಿಕವಾಗಿರುತ್ತದೆ. ಬೇಯಿಸಿದ ಒಂದು ಕಪ್ ಸೋಯಾ ಬೀನ್ಸ್ ನಲ್ಲಿ ಉಳಿದ ಪೋಷಕಾಂಶಗಳ ಜೊತೆಗೆ 15 ಗ್ರಾಂನಷ್ಟು ನಾರಿನಂಶ ಮತ್ತು 29 ಗ್ರಾಂನಷ್ಟು ಪ್ರೊಟೀನ್ ಇರುತ್ತದೆ. ನಾರಿನಂಶವಿರುವುದರಿಂದ ಬೀನ್ಸ್ ಜೀರ್ಣಕ್ರಿಯೆಯನ್ನು ಸರಾಗವಾಗಿಸುತ್ತದೆ, ಕೊಲೆಸ್ಟ್ರಾಲ್ ಅಂಶವನ್ನು ತಗ್ಗಿಸುತ್ತದೆ. ಮಧುಮೇಹ ಮತ್ತು ಹೃದ್ರೋಗ ಬಾರದಂತೆ ಬೀನ್ಸ್ ಗಳು ಅಡ್ಡಗಾಲು ಹಾಕುತ್ತವೆ.

ದೇಹದಲ್ಲಿ ಜೀವಕೋಶಗಳು ಉತ್ಪತ್ತಿಯಾಗಲು ಪೊಟ್ಯಾಶಿಯಂ ಬೇಕೇಬೇಕು. ಕಿಡ್ನಿ ಬೀನ್ಸ್ ಗಳಲ್ಲಿ ಪೊಟ್ಯಾಶಿಯಂ ಹೆಚ್ಚಾಗಿರುತ್ತದೆ. ಮಹಿಳೆಯರ ಮೂಳೆ ಗಟ್ಟಿಯಾಗುವಲ್ಲಿ, ಸ್ನಾಯುಗಳು ಹುರಿಗೊಳ್ಳುವಲ್ಲಿ ಮತ್ತು ನರಮಂಡಲ ಸರಿಯಾಗಿ ಕೆಲಸ ಮಾಡುವಲ್ಲಿ ಕಿಡ್ನಿ ಬೀನ್ಸ್ ಸಹಕರಿಸುತ್ತವೆ. ಎಲ್ಲಕ್ಕಿಂತ ಮುಖ್ಯವಾಗಿ ಮೂತ್ರಪಿಂಡದಲ್ಲಿ ಕಲ್ಲುಗಳಾಗುವುದನ್ನು ಕಿಡ್ನಿ ಬೀನ್ಸ್ ಶೇ.65ರಷ್ಟು ತಡೆಯುತ್ತದೆ.

ಮೂರು ದಿನಗಳ ಕ್ಯಾಜುಯಲ್ ರಜಾ ಇರುವಾಗ ಕೂಡ ಆರೋಗ್ಯ ಉತ್ತಮವಾಗಿರುವಂತೆ ಕಿಡ್ನಿ ಬೀನ್ಸ್ ನೋಡಿಕೊಳ್ಳುತ್ತದೆ. ಇದನ್ನು ನಿಯಮಿತವಾಗಿ ತಿಂದರೆ ಗರ್ಭಕೋಶದ ಕ್ಯಾನ್ಸರ್ ಹತ್ತಿರವೂ ಸುಳಿಯುವುದಿಲ್ಲ. ಮತ್ತೆ, ಹಸಿವನ್ನು ಇಂಗಿಸುತ್ತದೆ, ನಿದ್ರಾಹೀನತೆಯನ್ನು ತೊಲಗಿಸುತ್ತದೆ, ಮನಸು ಉಲ್ಲಾಸವಾಗಿರುವಂತೆ ನೋಡಿಕೊಳ್ಳುತ್ತದೆ. ಇನ್ನೇನು ಬೇಕು?

ಸೈಡ್ ಎಫೆಕ್ಟ್ : ಎಂಥ ಕಷ್ಟವನ್ನೂ ನಗುನಗುತ್ತ ಸ್ವೀಕರಿಸುವ ಮನೋಬಲ ದಕ್ಕುತ್ತದೆ. Next ಒಣ ಹಣ್ಣುಗಳು